#26
|
|||
|
|||
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
وبالنسبه للرشوه
هى دى سبب المصايب كلها لان الى بيطلعها برشوة يبقى ما بيعرفش يسوق وخايف يفشل وهما دول الى بيعملوا الكوارث كلها انا طلعت الرخصة فى ساعتين لكل واحد عاوز الرخصة يروح المدرسة بتاعت المرور ومش اى مدرسة تانية وهايخدها باذن الله وهايبقى كمان بيعرف يسوق وبيعرف اصول السواقه |
#27
|
|||
|
|||
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
اولا انا باشكر للمرة التانية كل اللى تكرم بالرد جزاكم اللة خيرا
ثانيا بالنسبة لى شخصيا انا على يقين بان اى انسان ماينفعش يفكر يطلع رخصة من غير ما يبقى محترف سواقة ...لية بقى؟؟ اكيدعشان يحافظ على حياتة و حياة اولادة وحياة الاخرين بس بالنسبة لموضوع الرخصة انا قدامى من الاهل والاصدقاء كام نموذج عقدونى شوية من قصة الرخصة دى و اقربها اخويا اللى بيسوق العربية من وهو عندة 15 سنة يعنى محترف سواقة لما راح يطلع الرخصة وقال للراجل اللى جنبة سيبنى انا هاسوق الراجل خلاة يسقط ودى مرة ومرة تانية فى الكمبيوتر وهكذا حكايات غريبة خليتنى متحيرة شوية بالنسبة لموضوع الرخصة وعاوزة اعرف ازاى تطلع بسلاسة من غير كلاكيع اما بالنسبة للاخ اللى بينصحنى بترك فكرة السواقة نهائيا فعاوزة اقولة انا فاهمة كويس وجهة نظر حضرتك و خصوصا انى باقعد جنب زوجى وشايفة حالة القيادة اللى زى الزفت بمصر بس فى ظروف معينة بتخلينى لازم اعتمد على نفسى بالنسبة لقيادة السيارة يعنى الموضوع لاهو تسلية ولا تضييع وقت ولا ندية ....الموضوع ببساطة ان طبيعة الحياة بتفرض علينا ظروف لازم نواجهها ونتغلب عليها يعنى زى ما الراجل بيسوق العربية لقضاء مصالحة كذلك المراة واخيرا شكرا مرة اخرى |
#28
|
||||
|
||||
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
والله يا جماعة انا بقالي سنة كاملة بسوق
ومش في اسكندرية لأ في القاهرة لأن شغلي هناك وبعااااااااااااااني من الناس اللي بتسوق هناك لأني بحس ان كتير منهم ومع احترامي الشديد ليهم تحس انهم سواقين ميكروباصات وما يعرفوش وما يسمعوش عن حاجة اسمها اشارات ولا انوار ولا اي حاجه ووقت ما يحب يدخل يمين بيدخل حتى لو كان في اقصى اليسار وايده على الكلاكس تييييييييييييييييييييييتA NAA7TG ولما حبيت اطلع الرخصه هناك قالولي لأ لازم تجيب ايصال كهرباء او مياه او غاز طيب يا جماعه انا شغلي هنا وده عقد العمل بتاعي وآدي عقد إيجار الشقه برضه مفيش وقررت اني ما اطلعش الرخصه في القاهره غير لما أنزل اسكندرية بس للأسف مش هنزل أجازة غير اسبوع واحد يبدأ من الأحد وينتهي الخميس علشان العيد ومش عارف اعمل ايه وشكلي مش هطلعها خالص آسف على الاطالة |
#29
|
||||
|
||||
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
والله يا كوتش أنا شايف ومن غير خلاف وأعتقد إن كلنا كده إن الفلوس اللي تدفع عشان تطلع رخصة ديه رشوة ومن غير كلام كتير يعني، فرأيي إنك تروح تحاول تطلع الرخصة زيك زي أي حد ما عندهوش واسطة ولما ما تعرفش وتغلب خالص ابقى روح طلعها برشوة بقى ولا واسطة لأنك ساعتها هتبقى مكره وغصب عنك، مع إن الامتحان بسيط ولو حد بيعرف يسوق بجد هيعرف يطلع الرخصة بسهولة، المهم إنك تحاول بجد وبمجهودك الأول وبعدين ربك ييسرها بقى وروح وأنت متوكل على الله كده وقلبك مليان عشم في وجه الله تعالى لأنك رايح اختبار وعامل اللي عليك ومذاكر كويس أقصد يعني بتعرف تسوق كويس يبقى خلاص توكل على الله وإن شاء الله مش هيضيعك والكلام ده بقوله وكلي ثقة عشان الحمد لله ده اللي حصل معايا روحت عشان أطلع الرخصة من غير أي واسطة ولا يحزنون وسقطت في أول مرة وتاني مرة الحمد لله نجحت من غير وسايط ولا يحزنون وكل اللي دفعته تقريبا 50 جنيه ثمن الرخصة وبس.
__________________
اللهم إنك عفو كريم تحب العفو فاعف عنّا |
#30
|
|||
|
|||
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
زى ما طلعتها انا اسهل حاجه
إتعلمت السواقه كويس و ذاكرت الاشارات و حفظتها و فهمتها معموله ليه و امتحنت و نجحت .. سهله اوى و امان للمشاه و لنفسى و عائلتى لانها مش عجله دى عربيه . |
|
|