|
|||||||
| شاهين ، ريجاتا ، دوجان الوريث الشرعى لسيارات فيات 131 و تم تصنيعها فى إيطاليا و تركيا و تجميعها فى مصر |
 |
|
|
أدوات الموضوع |
|
|||||||
| شاهين ، ريجاتا ، دوجان الوريث الشرعى لسيارات فيات 131 و تم تصنيعها فى إيطاليا و تركيا و تجميعها فى مصر |
|
|
|
أدوات الموضوع |
|
#1
21-06-2012, 10:44 AM
|
||||
|
||||
الشاهين .. ما لها وما عليها
http://www.masrmotors.com/vb/showthread.php?t=24012
الرابط اللي فوق كان موضوع "ساخن جدا" بين عشاق الشاهين وبين كارهيها طبعا انا حسيت (ومش انا بس اللي حسيت كده) ان الموضوع قلب لخناقة وطبعا الردود ع الموضوع ده كانت "على قفه مين يشيل" وانا لو حبيت اعلق محدش هيشوف تعليقي انا هقول رايي بمنتهى الحيادية (مع اني اكتر واحد بيكره الشاهين في مصر معرفش ليه) اولا : المميزات 1 عربية عملية جدا وقوية وتستحمل طرق مصر المنيلة بستين نيلة 2 عالية عن الارض ودا بيخليها تعدي اي مطب بسهولة 3 قطع غيارها ممكن تلاقيها في كل حتة في مصر 4 الميكانيكية بيفهموا في العربية اكتر ما بيفهموا في الميكانيكا نفسها ههههه 5 اعطال العربية سهلة الاصلاح وغير معقدة 6 الصاج الخارجي قوي جدا ويتحمل الصدمات 7 الطارة بتاعت الشاهين حلوة اوووووييييي وشكلها جميل 8 الطابلوة شكله حلو اوي وخاماته معقولة جدا 9 في ناس بتركب بنزين 80 على العربية وبيقولوا العربية حلوة ومفيهاش اي مشاكل (بس انا مبنصحش الناس انها تحط بنزين 80 لانه زي المخدرات ضرره بيظهر بعد فترة وممكن العربية تتدمنه هههههههه) 10 اماكن الزراير عملية جدا وقريبة السواق ودي بتريحه جدا في السواقة ثانيا : العيوب 1 صوت الماتور عالي حبتين بس في ناس بتعتبر صوت الماتور صوت رياضي وحلو وكل واحد ينام على الجنب اللي يرحو 2 العربية ضيقة من جوه بس حل الحكاية دي انك تركب فرش جديد ويكون كوري او ياباني ودا هيحل المشكلة بنسبة 95% 3 الشنطة ضيقة شوية على الرغم ان الحجم الخارجي للعربية بيخليك تعتقد ان الشنطة كبيرة 4 الكاسيت بتاع العربية زي الزفت بس حل الحكاية دي انك تركب كاسيت جديد والحكاية دي نفعت مع كل ركاب الشاهين 5 الاكصدامات بتاعت العربية بلاستيك ودا بيخليها تتكسر لابسط صدمة (لكن في نفس الوقت الاكصدام سعره رخيص يعني اللى معاه شاهين يكسر في الاكصدام براحته هههههه ) 6 بطانة الابواب وحشة جدا جدا جدا 7 العدادات مش واضحة بس حل الحكاية دي انك تركب لمبة اقوى من اللمبة بتاعت العدادات وساعتها الاضاءة هتبقا حلوة قوي 8 العربية بتسخن بسرعة بس حل الحكاية دي انك تركب مروحة اكبر للتبريد 9 العربية مش ثابتة على السرعات فوق المتوسطة 80 لفوق وبتميل من ابسط مناورة ليك كده انا انتهيت من كتابة الموضوع دا اتمنى اني اكون افتدكم بس بمنتهى الصراحة الشاهين عربية مناسبة للي بيدور على عربية عملية وتستحمل معاه وغير مناسبة للي عايز عربية فيها كماليات ورفاهيات والذي منه وتقبلوا تحياتي 
|
|
#2
21-06-2012, 12:21 PM
|
|||
|
|||
رد: الشاهين .. ما لها وما عليها
أخى الفاضل شكرا على موضوعك
أنا معايا شاهين موديل 2004 1400 سى سى الحمد لله عربية عملية ومريحانى واكيد طبعا فيها عيوب ومميزات زى اى عربية بس ليا تعقيب على بعض النقاط عندك - الاكصدام اللى بيتكسر من لمسه هوه المصرى مصنوع من زبالة البلاستيك كان سعره زمان قبل الثورة 90 جنيه وفيه خامه احلى تركى كانت بـ 135 جنيه ده انا اشتريته ماشاء الله عليه روعة ...... ميكروباص فورد قديم بإكصدامات صلب منيلية بنيلة خبط فيا خبطة مهببه وانا واقف ولاقيت الاكصدام انبعج قولت عليه العوض ومنه العوض بعد دقيقة لاقيته رد لوحده ومفيهوش أثر وكان فيه كمان اكصدام توفاش خامته رهيبه كان بـ 245 جنيه بس عيبه ان مفيهاش فوجات طبعا اكيد الاسعار غليت بعد الثورة بكتييييييييييير ------------------ بالنسبة للمروحة التبريد فهى عندى ممتازة وعمرها ما قصرت وعلى فكرة انا مركب تريموستات الكوعة كمان وراداتير الفابريكة ودرجة الحرارة لاتزيد عن 90 - 92 (درجة الحرارة المثالية للشاهين) تحت اى ظرف من الظروف والمروحة بتشتغل من دقيقه الى دقيقتين فى عز الحر وبتبرد العربية بكفاءة اللى بيركب تكييف بس هو اللى بيحتاج يغير المروحة بمروحة أقوى زى مروحة الفيكترا او التمبرا على حسب تجارب اخوه فى المنتدى --------------------- أنا جبت بالعربية الشاهين سرعة 140 كم/س وكانت الأمور طبيعية جدا وكنت ماسك الدريكسيون بصابع واحد وممكن اسيب ايدى كمان ههههههههههههههه ومفيش اى اهتزازات أو ونة أو احساس بعدم الثبات بالعكس العربية ماشية زى الطوبة جايز يكون السبب انى أول ما شاتريت العربية غيرت العفشة الأمامية بالكامل و مركب مساعدين اماميين مونرو ... الله اعلم
|
|
#3
21-06-2012, 12:34 PM
|
||||
|
||||
رد: الشاهين .. ما لها وما عليها
وبالنسبة لمروحة التبريد فعلا صاحبي مركب تكييف ياباني في العربية ويمكن يكون ماثر ع الحرارة فعلا وبالنسبة للثبات يمكن تكون عربية حضرتك ثابتة علشان انتا غيرت العفشة والمساعدين الاماميين بس صاحبي مغيرش اي حاجة في العربية غير الفرش والكاسيت بس وعموما شكرا على رد حضرتك التعديل الأخير تم بواسطة sherifabden ; 21-06-2012 الساعة 12:39 PM
|
|
| أدوات الموضوع | |
|
|
