|
#1
12-12-2012, 02:37 PM
|
||||
|
||||
هل تحب عربيتك ؟؟؟؟
صديقي العزيز قارئ الموضوع
هل تحب عربيتك ؟؟؟؟ هل عانيت من أصوات كعكه , صهصله ، تعتعه ، نقنقه ، فهفه , زقزقه ، والفاظ غير مفهومه اثناء السير بها ؟؟؟ هل خذلتك يوما وعطلت بيك في شارع الهرم الساعه ( مش هاتفرق هو زحمه في اي وقت) ؟؟ هل عانيت من اصوات الكلاكسات المتذمرة التي تطلق بأبواقها شتائم تعد من قاموس قله الأدب حين وقفت في وسط الطريق؟؟ هل صرفت عليها دم قلبك ؟؟ هل عانيت من فتي الميكانيكيه المتفزلكين ؟؟ هل استيقظت صباحا ذات يوم وحاولت تدورها مادرتش وقعدت تدور علي 2 رجاله يدولك زقه ولو كنت ياعيني من ذوات اصحاب الفتيس الأوتوماتيك وفضلت تدور علي كابل الساعه 7 صباحا وعربيه تعملك وصله ؟؟ والأن صديقي العزيز اليك بعض الحقائق العلميه أثبتت تجارب الشارع المصري وخصوصا كوبري أكتوبر ان مافيش عربيه مافيهاش السابق ؟؟ كم من عربه 128 رايتها فاتحه كبوتها علي ذالك الكوبري الملعون وكم من بي إم ومرسيدس رأيتها علي عربه انقاذ إذن ماذا افعل أرد واقولك حب عربيتك إليك ياصديقي بعض النصائح حتي تحبها - اعتبرها زي ابنك - هذا الكم الهائل من الأصوات التي تصدره اشياء مختلفه في السيارة واحيانا تكون غير مفهومه ينبغي عليك ان تكبر دماغك في بعض الأحيان مع قليل زياده صوت الكاسيت ( ابني بيعيط رزاله ) واحيانا اخري ينبغي ان تجري بيها الي اقرب متخصص ( ابني بيعيط علشان تعبان ) -مش أي حاجة تحصل او تتسمع تجري علي الميكانيكي حاول تتقفد المشكله الأول بنفسك وبذلك تكون قصرت علي نفسك كتير من الوقت والمال وفزلكه الميكانيكيه ( تفسير للي فات) - وعند ذهابك إلي الميكانيكي حاول ان تري وتفهم ماذا يفعل بحيث تكتسب خبره معرفه فين العطل - في بعض الأحيان ينبغي عليك ان تتبع نظريه Run To Failure في بعض الأجزاء الغير مؤثره نسبيا - كل شهر اتنين جبلها هديه ( مش انت بتجيب شوكلاته لأبنك ) - كل ماترجع من مشوار جامد حميها - دايما افتكرلها حاجة حلوه ( يوم ماشديت بيها مع العربيه الفلانيه - يوم ماسافرت بيها الغردقه وماعملتهاش معاك - .........إلخ) في النهايه كل ماأريد ان أقوله " حب عربيتك كما هي بمميزاتها وعيوبها ويوم ماتحبها من قلبك هاتلاقي كل الأصوات اختفت يا اخي دا مافيش بني أدم من غير عيوب يبقي الحديد مش هايبقي فيه " 
|
|
#3
12-12-2012, 04:33 PM
|
||||
|
||||
|
رد: هل تحب عربيتك ؟؟؟؟
والله انت برنس تسلم عالموضوع الحلوه دي وانا بعمل اكتر من كده بكتير لدرجه ان زوجتي بتشك اني بخونها مع العربيه
__________________
لمن لا يعرفني
http://www.masrmotors.com/vb/member.php?u=50931 لتجاره قطع الغيار الاستيراد والجديد ومقاوله سيارات الحوادث (لانوس - نوبيرا - كيا سيراتو - تويوتا - لانسر - هيونداي - اوبترا - اوبل - متسوبيشي )   اقوي مقابلات الاسكندريه فى اجازه نصف العام 2013 http://masrmotors.com/vb/showthread.php?t=105128
|
|
#4
12-12-2012, 05:07 PM
|
|||
|
|||
|
رد: هل تحب عربيتك ؟؟؟؟
هههههههههههههههههههه
موضوع جميل طب أنا بحب عربية غير اللى معايا أعمل إيه؟؟؟؟؟؟؟؟؟؟ اشتريتها من شهرين ومش عارفة أحبها خالص لدرجة انى ماسوقتهاش وما كملتش تعليم
__________________
وصيةالخليل إبراهيم لأمة الحبيب(صلى الله عليه وسلم) عندما التقى به فى رحلة الإسراء قال له : ------------------------------------- "يامحمد أقرىء أمتك منى السلام وقل لهم إن الجنة طيبة التربة،عذبة الماء، وإن غراسها : سبحان الله والحمدلله ولا إله إلا الله والله أكبر" ________________________  فأكثروا غراس جناتكم
|
|
#5
12-12-2012, 05:08 PM
|
||||
|
||||
|
رد: هل تحب عربيتك ؟؟؟؟
والله كلامك جميل ويخلى الواحد مهيئ نفسيا انه يستحمل لو عملت معاه حركة كدة ولا كدة
 : 018A1D~146:
|
 |
|
|
