|
تعديلات رفع الاداء car performance tuning - قسم خاص بتعديلات رفع أداء السيارة من محرك وأجهزة تعليق وفرامل الخ ... |
|
أدوات الموضوع |
#1
|
|||
|
|||
ريتمو 65
انا عندى عربية ريتمو 65 موديل 82 1300 cc يا رترى ايه احسن ماتور اقدر اسقطهولها يرفع من مستوى العربية للعلم ان ماتورى مش وحش ثانيا ايه افضل مكان اظبط فيه العفشة مع العلم انا كنت عند عفشجى و قال لى العربية عفشتها كويسة بس بحس انها سعات بتموج على السرعات العالية فى الطرق المفتوحة بالرغم انى ظبطت زوايا و كله تمام ياريت حد يفيدنى و ليكم الف شكر
|
#2
|
||||
|
||||
رد: ريتمو 65
كان عندى نفس العيب اللى حضرتك ذكرتة ولكن فشلت اصلحة
مع العلم العربية كانت حالتها ممتازة لكن كنت بلاحظ ان العيب دة بيظهر وانا ماشى عكس الرياح يعنى لو افترضنا الطريق رايح جاى كانت بتعمل معايا كدة فى اتجاة واحد والسرعة كانت ثابتة 140 او 150 فقلت يبقى هى وزنها كدة وعيب ملوش حل |
#3
|
||||
|
||||
رد: ريتمو 65
ممكن يفيدك الشيخ طارق بس عموماً على حسب معلوماتى البسيطة افضل ماتور فى الفيات ال 131
اما بالنسبة للتمويجة ممكن تكون محتاجة زبط زوايا وترصيص او الاسكاترا لكن مش موتور
__________________
لا تعش فى يومك ان كان يومك متعباً لك بل عش فى غدك تجد يد الله تمتد اليك
|
#4
|
||||
|
||||
رد: ريتمو 65
بس احب اوضح ان الامور المذكورة فى مشاركة حضرتك اكيد انا عملتها واكتر بكتير عشان اتغلب على العيب دة لكن لازم نعترف ان كل عربية ليها وزنها وتماثل وزنها كمان اكتر بكتير ولو عرفت حضرتك ان بى ام دبليو اكتر عربية متماثلة فى الوزن وهو 50% و 50 % وتانى شركة بعدها مرسيدس اعتقد 45 % و 55% من هنا نقدر نوصل ان عربية صغيرة بحجم الريتمو ووزنها اللى اعتقد لا يتعدى الـ 800كجم بتؤدى المطولب منها ثابتة لغاية 120كم/ساعة وبعدها فعلا احساس الاخ صاحب السؤال حقيقى وتحس انها بتموج معاك .........عملت فيها كل حاجة تتخيلها لكن بعد الـ 120 فعلا مش كويسة وبصراحة انا عربيتى كانت موديل 79 بموتور 1500سي سي وبامنة دى اول عربية انتجت باستعمال الريبوت وجميلة وانسيابية اوى وشكلها كان مسابق زمنها لكن يعيبها الشاسية فهو بالفعل ضعيف يمكن اكتر من الـ 128 بخصوص المحرك اعتقد ان المحرك اللى فيها 1300 سي سي مناسب جدا والـ 1500 منة مش هايفرق بكتير لان بالفعل مواتيرها ممتازة وانما ممكن نركب فلتر رياضى مع تعديل خروج العادم هايحس بقوة الموتور تقبل مرورى |
#5
|
|||
|
|||
رد: ريتمو 65
للعلم فقط وليس للتعديل يا كشفي موتور ال 131 مينفعش يركب لا 131 علي كارونا وليس كبالن زي الريتمو فبتالي لايركب وبالنسبه لاجابه السؤال لصاحب الموضوع موتور الريتمو ال 1600 يركب اللي بيقولو عليها الريتمو الجولف او ماتور الريجاتا ال 1600 وطبعا ادائهم اعلي من ماتورك الاهم موضوع العومان بص علي الميزان بتاع العربيه يمكن يكون سايا او يكون في شرخ في الركبه بس من فوق بتاع الزوايا مشافوش وظبط تحياتي
|
|
|