|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#11
|
|||
|
|||
رد: byd f3 ولا فيرنا اتوماتيك ولا شفورلية افيو اتوماتيك
شوف حضرتك أنا معايا BYD F3 أوتوماتيك (بقلها سنة و تلات شهور و عملة 20000 كم ) ، هحاول أكون حيادي على قد ما أقدر عن طريق عرض مميزات و عيوب كل عربية (من وجهة نظري ) :
مميزات الفيرنا : 1- منتشرة إنتشار رهيب 2- قطع الغير منتشرة و رخيصة 3- ابعادها حلوة (بتبقي شايف الكبوت و إنت سايق) 4- العربية بقلها فترة كبيرة في مصر و كل عيوبها معرفو للمكانيكية فمش هتحتر لو لا قدر الله حصل حاجة 5- موتور عفي جداً عيوب الفيرنا : 1- فقيرة من جوا و من برى و تحس انها فاضية 2- واطية على الأرض و لو ركب معك حد ورى العربية هتحك في المطبات 3- تفتقر لوسائل الأمان (مفيش ABS ولا Air Bags) مميزات الافيو : 1- عربية عالية عن الارض 2- شكلها حلو 3- موتورها هو هو موتور اللانوس 4- من جوا فيه تجديد في شكل التابلوه و الكاست المدمج عيوب الافيو : 1- مشكلة ال-RPM 2- إستهلاك طنبير بمعدل عالي 3- تفتقر لوسائل الأمان (مفيش ABS ولا Air Bags) 4- العفشة بتذيق و تحتاج كل فترءة زيارة للتوكيل عشان الموضوع دة مميزات BYD F3 : 1- عربية عالية عن الارض 2- شكلها حلو 3- موتورها هو هو موتور لانسر ١٦٠٠ (تكنولوجي) 4- العربية من جوا تويوتا كورولا 5- قطع الغيار منتشرة و رخيصة و بالذات بعد ما انتشرت تاكسي ٦- توفر وسائل الامان و الكماليات (ABS و AIR BAGS) فتحت سقف و باركينغ سنسور و جنوط سبور و تحكم في الكاست من الدركسيون عيوب BYD F3 : 1- مشكلة السخونة (مؤشر الحرارة بيعلى بس الموتور مش بيسخن و دة بسبب مشكلة في كابل الارضي و بيحلهة في ال توكيل و المشكلة ده حصلت معايا مرة وحدة بس و إتحلت لوحدها ) 2- أوقات التيل إلي نزل مع العربية بيبقى وحش و بيعمل صوت عالي 3- صوت الموتور بيبقى عالي على 3 RPM 4-حصل مع بعض الزملاء انهم غيروه المساعدين و السوست الخلفية عشان العربية كانت بتهبط من ورى لم حد بيركب 5- الكوالتي كونترول في شركة الأمل مش على المستوى المطلوب ، بمعنى إن مستوى العربيات المنتجة مش واحد ، يعني ممكن تبقى عربيتك ذي الفل و عربيت زميلك فيها مشاكل
__________________
Mohamed Gad El karem Senior Software Developer |
|
|