ارجو رد سريع من اخواتنا اصحاب الخبرة فى فيكترا 2001 بسسسسسسسسرعة

[Ahmed Gad]

السلام عليكم معلش رزالة من اخوكم احمد اسكندرانى كان معايا لانوس 2005 وبايعها من مدة 7 شهور وقررت انى اركب عربية المانى عشان قطع غيارها معمرة وجامدة وتستحمل معايا لانى ماعنديش وقت كتير كل شوية لصنايعية وبصراحة اللانوس قطع غيار مش معمرة خاااااااااااالص ..........المهم ما اطول عليكم انا كل المدة اللى فاتت دى كنت بلف على عربيات ومن كتر مش لاقى حاجة حالتها كويسة زهقت وكنت قربت اقول مش هجيب عربيات ولكن اليومين دول بعد لف طويلا لاقيت عربيتين
الاولى : جولف 2 موديل 89 وبجد حالة شاذة دواخل فابريكا بالكامل حتى دواير الابواب وماتورها 1300 سى سى 5 غيار ومكيفة وشغال التكييف واتنين زجاج كهربا وكاوتش جديد وجايب شورت بلوك وفتيس جديد وجى ام وبازوكا واتنين سماعة وحاجة محترمة ورخصة 8شهور والسعر 36 الف نهائى
التانية :اوبل فيكترا 2001 كاملة منوال ماتور 1600 اوبل والعربية لونها مميز فى الاوبل اول مرة اشوفه بصراحة تركواز غامق وودى فابريكا جوة كلها وفرش فابريكا لسة بخيره وماتور وعفشة حالة كويسة وتكييف كمبروسور شغال مش بيسقع بيقولى شحن وهى عاملة 151 الف كيلو متر ودا لان صاحبها راجل عجوز وهى معاه من الزيرو وهى رخصة سنتين
بس مشترط تسجيل العربية ودى تمنها 50000 نهائى ارجو افادتى بايها افضل بالنسبة للناس اللى مجربة ايهما يفدنى باخبار قطع الغيار وهل متوفرة ولا ايه وايه العيوب الشائعة وايه اللى يميز احدها عن الاخرى بس بسرعة الله يكرمكو عشان الناس مستنين رد

[mr_astra]

الاوبل حلوة
بس التكييف اللى مش شغال دة ممكن يصرف 3 الاف جنية

[Ahmed Gad]

طيب هل سعرها كدا بالنسبة لمواصفاتها كويسة ؟؟؟؟؟

[mr_astra]

الاوبل سعرة متفاوت اوى
فى ناس بتطلب 65 الف فى الموديل دة
وفى عربيات بتخلص بـ 50 الف
شوف الفرق اد اية
مقدرش اقول سعرها حلو او وحش من الكلام

[amr elsisi 1]

سيبك من الجولف
وهات الاوبل
بس اهم حاجة الكشف عليها
والسعر حلو جداااا لو حلوة
لو التكيف شغال بس ضعيف مش مشكلة المشكلة لو مش شغال
واتاكد من abs
شغال ولالا
وتوكل علي الله الموديل دة ممتاز لو سليم لو سليم لو سليم