تيل فرامل العجله الشمال بيتاكل و اليمين زي ما هو!! فعلا مشكله!!

[shark_boy]

المشكله حصلت فور ما سمعت صوت صفاره (حديد علي حديد) جي من الشمال مع دوسه الفرامل .. روحت التوكيل قالولي عيب طنبور و غيرته و غيرت التيلين و دفعت الشيء الفولاني .. ولكن بعد اسبوعين سمعت صوت تاني بس كان اخف من الاول .. ماستنتش و روحت التوكيل تاني و قالولي ان انت بتستخدم الفرامل كتير فعشان كده بتتاكل و غيرولي التيل و قالولي عملنا تشيك علي ماستر الفرامل و ظبطناه و دفعت تاني.
و برضه مفيش اسبوعين و حصلت نفس المشكله!!
ازاي بقي بستخدم الفرامل كتير و تيل يتاكل في عجله الشمال و عجله اليمين لأ؟
روحت عملت ظبط زوايا و ترصيص و العربيه برضه بتحدف شمال مع او من غير الفرامل. مع العلم ان انا من سنه كده كان فيه مشكله في الرومان بللي في العجله الشمال دي و روحت ميكانيكي عمله و دق عليه عشان ده كبس .. هل ممكن عمل مشكله؟
ولا دي ممكن متكنش مشكله في العجله الشمال اصلا و تكون فيه مشكله في العجله اليمين و الفرامل مش بتمسك؟
ارجو المساعده ضروري لان دي فعلا مشكله مش ينفع يتسكت عليها.
> العربيه LADA 2110

[حسام البورسعيدى]

اولا اهلا بيك فى مصر موتورز ..

ثانيا .. استخدام فرامل ايه اللى يستهلك تيل كل اسبوعين ؟؟؟ ليه هو تيل فرامل عجلة ههههههههه

طالما العربية بتحدف شمال مع الفرامل او حتى بدون يبقى غالبا الفرامل قفشة من الشمال بس وده اللى بيستهلك التيل ..

انصحك تروح لميكانيكى كويس يكشفلك على الفرامل ..

[هايل]

شوف بستم الفرامل ممكن يكون فيه حاجه فبيضرب من ناحية والاخرى لاء واكشف على الماستر

[mr_astra]

السلام عليكم ورحمة الله
طبعا كلام التوكيل غلط المهم يخلى العيب عندك انت ودة تخريف طبعا
الفكرة ان ماستر الفرامل فى النحية الشمال مش بيرجع بعد اما بتشيل رجلك من الفرامل العيب دة حلة تغير الاستك وتنضف البستم والشميز بتاعة وبالمرة الخرطوم والعيب دة هو اللى بيخلىا لعربية تحدف شمال مش الزوايا

[medhatsbr]

المشاركة الأصلية كتبت بواسطة shark_boy المشكله حصلت فور ما سمعت صوت صفاره (حديد علي حديد) جي من الشمال مع دوسه الفرامل .. روحت التوكيل قالولي عيب طنبور و غيرته و غيرت التيلين و دفعت الشيء الفولاني .. ولكن بعد اسبوعين سمعت صوت تاني بس كان اخف من الاول .. ماستنتش و روحت التوكيل تاني و قالولي ان انت بتستخدم الفرامل كتير فعشان كده بتتاكل و غيرولي التيل و قالولي عملنا تشيك علي ماستر الفرامل و ظبطناه و دفعت تاني. و برضه مفيش اسبوعين و حصلت نفس المشكله!! ازاي بقي بستخدم الفرامل كتير و تيل يتاكل في عجله الشمال و عجله اليمين لأ؟ روحت عملت ظبط زوايا و ترصيص و العربيه برضه بتحدف شمال مع او من غير الفرامل. مع العلم ان انا من سنه كده كان فيه مشكله في الرومان بللي في العجله الشمال دي و روحت ميكانيكي عمله و دق عليه عشان ده كبس .. هل ممكن عمل مشكله؟ ولا دي ممكن متكنش مشكله في العجله الشمال اصلا و تكون فيه مشكله في العجله اليمين و الفرامل مش بتمسك؟ ارجو المساعده ضروري لان دي فعلا مشكله مش ينفع يتسكت عليها. > العربيه LADA 2110

أعتقد والله اعلم ان فى خرطوم زيت الفرامل لعجلة مسدود, شيك على خراطيم الفرامل.