محتار بين اللوجان واسبرانزا516

[moonlover87]

أنا أرجحلك اللوجان أنا واحد من ملاكها عربية ما شاء الله ممتازة تبقى مطمن ونتا سايقها لكن برضو أنا رأى أنك تركب الأتنين و لو عرفت تعمل تست درايف يبقى أحسن و برضو أسأل ملاك العربيتين فى الشارع

[ayman1204]

اللوجان يا جميل واتوكل على الله
والله عربية جميلة اوى اوى اوى
وبالنسبة لقطع غيرها كل يوم فى النازل
يعنى دلوقتى المقصات الاثنين ب 400 جنية ( برة التوكيل )
والفانوس الامامى ب 250 ولسة بتنزل كل شوية مع الانتشار الرهيب اللى انتشرته

[khaled_1993m]

المشاركة الأصلية كتبت بواسطة f3_byd المقصود انها اقل منهم في السعر و لكنها تفضل في نفس الفئة و المقصود برضه انها اقل منهم في المستوى و الاداء الاتنين احسن منها

يا جماعة ياريت محدش يخش و يشتم في اي عربية كده و خلاص يا اما تقول وحشة ليه و تقنعنا ينقنعك يا اما توفر رايك ده لنفسك

[khaled_1993m]

المشاركة الأصلية كتبت بواسطة moonlover87 أنا أرجحلك اللوجان أنا واحد من ملاكها عربية ما شاء الله ممتازة تبقى مطمن ونتا سايقها لكن برضو أنا رأى أنك تركب الأتنين و لو عرفت تعمل تست درايف يبقى أحسن و برضو أسأل ملاك العربيتين فى الشارع

انا بشكر حدرتك جدا علي الرد ده و ياريت و الله الكل يتعلم من حدرتك مش كل واحد يخش يشتم و خلاص

[mostafa mamdouh]

انا ارجحلك الاسبرانزا .......... انا واحد من ملاك العربية موديل 2011 والعربية ما شاء اللة ممتازة والتقفيل والعزل ممتاز .......... وبالنسبة للعيوب الى كانت فى الموديلات السابقة تلاشت مع الوقت.........والخامات اتحسنت عن الاول كتيييييييييير ومفيش فرق بين خامات اللوجان والاسبرانزا الان.............. دة غير ان الاسبرانزا تتفوق على اللوجان من حيث فخامة و وسع الصالون وفخامة العربية بشكل عام ..... دة غير ان الشنطة اوسع والموتور اقوى ..... الاوبشن اعلى ..... حتى العفشة الى الناس كانت بتشتكى منها تحسنت بشكل كبير وذالك بسبب تغيير المساعدين فى الموديل دة بس الصراحة اللوجان عفشتها افضل ............. وحتى لا اكون متحيز للاسبرانزا انا مش ممكن انكر ان اللوجان عربية ممتازة بس الاسبرنزا تتفرق عليها فى عدة اشياء ................. وحاجة اخيرة لازم اقولها... معظم الناس الى بتهاجم الاسبرانزا لم تجرب السيارة اصلا ولا تملكها من الاساس فلا تاخذ بكلام هؤلاء الحمقى "انا لا اقصد حد معين بس الى على راسه بطحة يحسس عليها " وبرنا يوفقك