همهمات وتشتوت وتوهان

[Saif eldien]

همهمات وتشتوت وتوهان

الموضوع مش موضوع انما حالة من ال انك مش عارف فية اية واية بيحصل

حرية ناس فهماها غلط يتخانق ويتنرفز ويقولك انا حور ودة الصح تقولة انت مش محترم لانك لو محترم وعارف يعنى اية حرية كنت احترمت راى لانى انا بحترم رايك

فاضل حد فى البلد لسة مرشحش نفسة للانتخبات اذا كانت مجلس شعب ولا الرئاسة انا حاسس ان هنجد رئيس لكل ربع مليون نسمة وبعد كدة بطمن الناس هنجد رئيس لكل عمارة طيب طلام كل الناس دة كدة مينفعش يساعد ولا يكون لية دور ال لو بقة رئيس جمهورية طيب متورينا انت عملت اية فى بيتك وعمارتك والشارع ال انت ساكن فية والمنطقة والحى والمدينة ولا انت مينفعش تشتغل غير رئيس لبد يعنى تشتغل بكمية

حرمية وسلاح وبلطجية وسرقة وجهاز شرطة ويقول مفيش امكانيات علشان يشتغلوا نرجع تانى لنفس المشكلة بس لى سؤال هو زمان لما كان فى غفير وبيلف ويدور فى المنطقة على عجلة كان عندهم امكانيات ال عايز يشتغل اهلا وسهلا وال مش عايز يطلع معاش مبكر ونسيب الناس ال عيزة تشتغل فى الشرطة بجد تبان وكفيانا حجج

ناس كثيرة عيزة تثبت فى شغلها وطبعا نيمة ومبلطجة ومش هتشتغل طيب متيجوا نغير قانون العمل الاول وال بيشتغل اهلا وسهلا وال مبيشتغلش يمكن انة يمشى لان الوطايف الحكومية مش ميراث ولا طبونة تفضل تعيش فيها على مزاجك

فين المشاريع بقالنا سنة ومشوفناش مصانع اتبنت ولا اى شى وشيفين فلوس بتصرف وخلاص مشفناش مصنع جديد مشفناش قانون يشجع الكلام دة مشفناش تسهيلات بجد وكان ال عيشين فية هو هو وبنفس العقول طيب منين هنوفر وظايف ومنين الناس تشتغل

البلد حلها واقف جدا والناس بتصرف من المال الاساسى طيب وبعدين هنعم اية هى مفيش تجديد ولا اية مفيش اى شى ولا اية وهنعمل اية

ناس كثيرة ركبت على الثورة وناس اكثر لبست قميص الثورة انا عايز اقول ان الثورة دة كان بكرم من الله عز وجل ومع ذلك كان فى اخطاء وكان فى عيوب للثورة واكبر العيوب دة ان ناس كثيرة لبست قميص الثورة وركبت الموجة بس انا مطمان لان ربنا هو ال اراد دة وارادتة كلها خير ان شاء الله بس كفاية لبس قمصان ويارب تنكسر رقبة ال ركبوا موجة الثورة

[د.كمال]

بصراحه الوضع لايبشر بالخير
حتى أعضاء مجلس الشعب والشورى إللى الناس إنتخبتهم لاهم لهم إلا الظهور الاعلامى وتكدير كل وزير أو مسؤل وتحميله مشكلات 30 سنه فاتت وخلاص وعايزين يطبقوا الحد على إى مسؤل وعايزين كل يوم حكومه جديده .
مشعارفين بالضبط هما رجال دين ولا رجال سياسه ....إللى يأذن فى مجلس الشعب وإللى يعمل عمليه تجميل للأنف ويكدب وإللى يلبس بنطلون جينز ................وياما هنشوف ..

[AbOnOrA]

انتو اهانتو وخونتو انبل واشرف شباب فى مصر واختارتو الدقون والبيادات هنيئا لكم (( بالشفا ))

[lost2008]

المشاركة الأصلية كتبت بواسطة AboNoRa انتو اهانتو وخونتو انبل واشرف شباب فى مصر واختارتو الدقون والبيادات هنيئا لكم (( بالشفا ))

والف خسارة على الى خسر عنيه و الى ضحى بحياته و فى الاخر الشعب النبيه يسلم الثورة للدقن و البيادة كوميديا سوداء.

[وائل السويفي]

والله انا شايف ان اللي بيحصل في البرلمان دلوقتي كويس جداً
كان لازم الناس تعرف ان مش كل واحد بدقن وبيقول قال الله وقال الرسول (صل الله عليه وسلم) خبير في السياسة والاقتصاد والاجتماع ووووو
بس هانعمل ايه دا ميراث 60 سنة من الجهل وبإذن الله فترة وتعدي والناس تتعلم ان لكل مقام مقال ويكون الرجل المناسب في المكان المناسب
بجد حاجة تحرق الدم