كيا سبورتاج ولا نيسان جوك ولا اوبل استرا سيدان

[د/محمود عبدالمقصود]

السلام عليكم

يا جماعه انا قررت اجيب عربيه من التلاته دول ان شاء الله ...استنى كام شهر كده و أجيب حاجه محترمه احسن

اوبل استرا انجوي سيدان 2013ب 155الف
نيسان جوك 2013ب160 الف
كيا سبورتاج 2013ب 175 الف
ارجو انكم تقارنوا لي بينهم و ليس ترشيح غيرهم ...انا عايز واحده من دول بس

ارجو من الخبراء المساعده و تكون مقارنة موضوعيه مفصلة لأن ده مبلغ مش هين

[sherifabden]

لو مش فارقة معاك قطع الغيار واعادة البيع المهم انك تركب عربية نضيفة وخلاص يبقا الاسترا من غير منافس
لو يهمك قطع الغيار واعادة البيع يبقا سبورتانج
الجوك شكلها وحش (مسالة اذواق)
وممكن حضرتك كمان تبص على الفانتازيا عربية ممتازة بجد وقطع غيارها معقولة
ومبروك مقدما

[spider_amrdiab]

انسى الجيوك خااااالص
من الاخر كيا سبورتاج

[ahany]

1 ابعد عن الجوك واستبدلها بقشقاى
2 الاوبل سيدان و الاسبورتاج suv و بالتالى لايمكن المقارنة بينهم . حدد حضرتك محتاج عربية سيدان ولا عربية suv
وتقبل مرورى

[د/محمود عبدالمقصود]

المشاركة الأصلية كتبت بواسطة ahany 1 ابعد عن الجوك واستبدلها بقشقاى 2 الاوبل سيدان و الاسبورتاج suv و بالتالى لايمكن المقارنة بينهم . حدد حضرتك محتاج عربية سيدان ولا عربية suv وتقبل مرورى

انا بفرق بين الاوبل و الكيا و النيسان بالاتي:

الاوبل استرا 2013 انجوي سيدان...بلوتوث,
4 ايرباج 2 امامي و 2 في السقف (يعني حمايه ممتازة جدا للحوادث الجانبيه لكن الجوك 4 ايرباج 2 امامي و 2 جانبي في الكرسي نفسه)
كمبيوتر اعطال و معلومات,
شنطة العربيه بتفتح لوحدها بالكامل عند الضغط دوسه طويله على زر فتح الشنطه بالريموت محرك موفر للوقود بقوة 115 حصان ,
تصميم روعه ,
خدمة مساعده على الطريق لمدة سنه تقريبا ,
مصفحه من تحت عشان المياه لو مطر او المطبات متضرش العربيه

النيسان جوك ريموت فقط مع زر لتشغيل العربيه و ده اللي محيرني لأنه مش موجود لا في الكيا ولا الاوبل عشان الناس بتقول ان في حرميه بيوقفوك و يسرقوا العربيه بالاكراه و في حالة الجوك لو المفتاح في جيبك تطلع تجري و العربيه حتفصل لوحدها لكن الاوبل او الكيا لو حصل الموقف ده لا قدر الله خلاص العربيه راحت.........

لكن طبعا الجوك مش عمليه عشان السقف من ورا واطي جدا و اللي يركب ورا دماغه حتفضل لازقه في السقق يعني في المطبات و الحفر تجيب ارتجاج في المخ لأي حد راكب ورا من اهلي و العياذ بالله,
و كمان مكيف بتحكم في درجات الحراه يصل الى 16 درجه و تبريده انا جربته بنفسي اقوى من الاوبل بمراحل و
فيها كمبيوتر اعطال و معلومات
و فيها كمبيوتر للتحكم في وضعية القياده (رياضيه, و موفرة للوقود, و عاديه)

الكيا كوري ...و ده مقلقني منها + 2 ايرباج بس رغم انها ب 175 الف !!!!!! لكن تركب 5 مرتاحين و كمبيوتر اعطال و شنطه كبيرة تشيل كتير بس استهلاك البنزين عالي جدا و لازم بنزين 95

عرفتم ليه الموضوع محير اووي و قررت اسأل قبل منه بكام شهر

اشكر الاعضاء اللي ردوا على بس برضوا مش فاهم اشمعن الاوبل اللي لسا جديده و موديل حديث بتقولوا عليها وحشه من قبل حتى ما تنتشر