ما هي عيوب السيارة Brilliance FRV

[matmm]

انا بردو قريت ان اقصى سرعة 160 كم وهقول حاجة البرليانس دى فى بلاد كتير رفضتها بسبب انها واخدة صفر فى الامان ومصر مدخلاها

[osama_ruan]

ptmnlo123per154ptmnlo123p er154

المشاركة الأصلية كتبت بواسطة khaledazizeg على فكرة انا معايا الfrv وانا رايح استلم ال1300 عملت حادثة دخلت فيا هيونداى جيتز 2009 والحمد لله انا طلعت سليم وكل الاضرار الى حصلت عندى هيا الرفرف الشمال اتطبق شوية والاكصدام اتخرم بسبب الجنش بتاعة والفانوس الامامى العدسة بتاعته وقعت والمقص اتعوج وتم استعدالة لكن هوا ابسط حاجة نزل متعور فى راسة والفانوسين والاكصدام الامامى والسربنتينة المياة وسربنتينة التكييف اتكسروا والزجاج الامامى اتكسر واول حاجة حصلت الكابوت بتاعة طار على عربيتى الشاسية اتطبق خالص عندة ووصلت للموتور يعنى الحمد لله الfrv اقوى من الجيتز وطبعا ستر ربنا وخلو بالكوا ياجماعة احنا ماشيين بستر ربنا وبعدين لو حضرتك رحت التوكيل ابو رواش هتلاقى frv اتقلبت اربع مرات والكابينة سليمة 100% والى فيها ماحصلهمش خدش حتى يعنى الحمد لله العربية كويسة وبالنسبة لقطع الغيار قطع غيار العفشة متوفرة من الجولف 4 بالنسبة للموتور من ميتسوبيشى لانسر 2008 البومة وبالنسبة للزجاج بتاع العربية كله موجود عند دكتور جريشة وبالنسبة للفوانيس هيا الحاجة الوحيدة الى فى التوكيل بس والفانوس الامامى ب1000 جنية وانا صحابى معاهم لانسر بومة وبيشتروة من الحرفيين ب1000جنية يعنى مايعتبرش غالى وحتى لو هوا غالى هوا بيتصنع تحت اشراف شركة هيليو(الشركة الى بتصنع عدسات البى ام والمرسيدس) بالنسبة للايرباج ب9000جنية فى حين ان اللانسر ب25000جنية يعنى انا شايف ان ماتعتبرش غالية ومعايا صور الكراش تيست بتاعها الى واخد 4 نجوم

كلام مظبوط جداااااااااا

[khaledazizeg]

المشاركة الأصلية كتبت بواسطة matmm انا بردو قريت ان اقصى سرعة 160 كم وهقول حاجة البرليانس دى فى بلاد كتير رفضتها بسبب انها واخدة صفر فى الامان ومصر مدخلاها

بالنسبة لل160كم داه اقصى حد امان والسيطرة الكاملة للسيارة وخلو بالكو فيه عربيات كتير بتكتب نفس الكلام داه بس مش ادها
لكن انا عن نفسى مجرب وكانت ممتازة على السرعات العالية


بالنسبة للصفر الى انا زهقت منه

http://www.youtube.com/watch?v=bPw26Nfze_Q

وياريت بقى الناس تبطل تتكلم عن الموضوع داه الا لما تتأكد من الموضوع
وبالنسبة للfrv واخدة 4 نجوم

[khaledazizeg]

المشاركة الأصلية كتبت بواسطة روح القبطان السلام عليكم يااجماعه انا العربيه دي مكمله معايا سنه ومفهاش اي عيب وكل اسبوع بنزل من اليكس للقاهره وبرجع بيها صدقوني انا حاسه كاني راكبه بي ام العربيه جامده جدا جدا مشاء الله واللي عنده استفسار انا تحت امره

كلام مظبوط
وانا عن نفسى بعمل 300كم يوميا وسط البلد فى الزحمة والعربية بسم الله ماشاء الله زى الفل
ربنا يبارك لكل مالكيها فيها

[khaledazizeg]

المشاركة الأصلية كتبت بواسطة طبيب القلوب_المنصورة والله انا شايف ان العربية دي ممتازة بس عاوزين حد استخدمها فعليا

انا الحمد لله ربنا كارمنى بالfrv1600 وبقالها سنة معايا وعامل بيها 26000كم
وربنا كرمنى بال1300frv بقالها معايا 6 شهور وعامل بيها 19000كم
والعربيتين زى الفل بس كل المشاكل هيا عيوب تقفيل