|
|||||||
| المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
 |
|
|
أدوات الموضوع |
|
|||||||
| المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
|
|
أدوات الموضوع |
|
#1
01-08-2010, 09:14 PM
|
|||
|
|||
مشوار العذاب في مرور السلام
بدأت في تجديد رخصة سيارتي 128 موديل 80 في مرور السلام علماً أني قد غيرت اللوحات في الفحص الماضي قبل سنة تقريباً ، ولما بدأت في تجديد الرخصة لهذا العام كنت قد نسيت الخطوات اللازم إتباعها ، فكل واحد أسأله يفتي ويقول حاجات غريبة . حاولت أبحث في النت فلم أجد بغيتي ، فلما ذقت الأمرين في تجديد رخصتي في مرور العذاب ، أقصد مرور السلام ، قلت أكتب ذكرياتي الأليمة وحواراتي المريرة مع النظام المحترم الذي وضعه السادة المسؤلين لتكفير خطايا الشعب ، أرجو من الله أن يجعل الشحططة في مرور السلام في ميزان حسناتنا ومكفراً لخطايانا..... فالناظر لهذا النظام المعقد المتشعب لإجراءات أي ورقة في هذا المرور لا يرى تفسيراً لهذا إلا أن الذي وضعه لا يحترم وقت الناس ولا مصالحهم و يحاول جاهداً في إذلال المواطن ذلاً مريراً وعذاباً قاسياً ، حتى إنك تسمع الأصوات تصيح في هذا الحر الشديد "الرحمة" وآخر ينادي " إرحموا من في الأرض" ولا أقول إلا لاحول ولا قوة إلا بالله ...... وحسبي الله ونعم الوكيل....... أول خطوة...... المهم كانت أول خطواتي إني دخلت المرور ووصلت لشباك المخالفات ولما إستلم الموظف مني الرخصة قال لي : لأَّه ! طالما مطلع نمر جديدة يبقى تروح لكشك التصوير تشتري ورقة صرف لوحات سعرها نصف جنيه ولا تكتب فيها أي شئ وتذهب بها إلى الشباك إللي إنته إستلمت منه اللوحات السنة الماضية وتديله الورقة. وطبعاً الكلام والتفاصيل ديه معرفتهاش إلا بعد الشحططة لأن الموظف كفاية عليه شغله ومافيش حد تستعلم منه على حاجة.... الخطوة الثانية...... المهم تاني خطوة روحت سلمت الورقة عند شباك صرف اللوحات فقال لي :"إستنى تحت التندة" طبعاً تنده مرور السلام معروفة ومشهورة بإضاعة الوقت وصرف فلوسك على الباعة المتجولين والكافيتيريات ، وبعد مايقرب من الساعتين وما يزيد إستلمت الورقة ، وحسيت والراجل بيندهلي بفرحة عارمة كإني بستلم مولود جديد...... الخطوة الثالثة...... الخطوة الثالثة إني ذهبت لأسلم الورقة عند شباك المخالفات ، وجدت الموظف بيسلم مخالفات الناس ومش عاوز يستلم من حد ورق جديد ، ولما حنَّ على سبعين مواطن قاعدين في الحر الشديد بدأ يستلم الورق والعجيب إن السبعين شخص أو المائة شخص سلموا ورقهم في خلال خمس دقايق يعني ساعتين في الحر ملطوعين ويسلموا في خمس دقايق ،عجيييييب!!! المهم لما سلمت الورقة قال لي مرة أخرى :" لأه!!" إنته مخالفاتك تبع مرور العتبة !! غرييييب!!!!!!!!! إزاي مخالفاتي في مرور العتبة وأنا ملف العربية كله من قبل ما أشتري العربية في مرور السلام ...مرييب...... بعد العذاب ده كله مخالفاتي في مرور العتبة ... وبعد أما روحت مرور العتبة إكتشفت بعد شوية لف و شحططة صغيرين إن أنا مخالفاتي في مرور الدراسة مش في مرور السلام ......... أظن كفاية كده إنهارده ، وبكره إنشاء الله تعالى أستكمل معاكم باقي خطوات تكفير الخطايا في شهر شعبان مع النظام .......... في مرور السلام 
|
|
#2
01-08-2010, 09:20 PM
|
||||
|
||||
رد: مشوار العذاب في مرور السلام
لا حول ولا قوة الا بالله, والله الناس دى فيها حاجة غلط, وبيتصرفوا بتباتة مش على حد أبدا ألا من رحم ربى.
بس برضه الحمد لله أنك مرحتش فى رمضان, كان زمان حضرتك ولعت فى المرور باللى فيه. بلد عجيبة وناس أعجب, شكرا على مشاركتك تجربتك الأليمة ومستنين الباقى.
__________________
|
|
#3
01-08-2010, 10:13 PM
|
|||
|
|||
|
رد: مشوار العذاب في مرور السلام
أضم صوتي الي صوتك
وانتخب مرور السلام كأسواء مرور ليس بمصر فقط ولكن في العالم اجمع
|
|
#4
01-08-2010, 10:29 PM
|
||||
|
||||
|
رد: مشوار العذاب في مرور السلام
اعوذ بالله
انا ما شوفتش كده ابدا. لا بصراحه رغم ان مرور المحله يعتبر مرور زحمه و بيخدم مركزين و القري التابعه و بيخرج في اليوم حوالي 300 رخصه لكن ما فيش الكلام دا نهائي الفحص مظبوط وفيه مهندي و ضابط واقفين الموظفين شغالين و مافيش حد بيطول لسانه و الضابط علي الشباك برضه محترم و علاوه علي دا كله قائد المرور قمه في الاحترام و كاتب لوحات لكبار السن و المعاقين بالتوجه الي مكتبه شخصيا لتخليص الاجراءات انا بروح و سواء فيه ضابط هناك اعرفه او لاء ورقي بيخلص بسرعه و ترخيص العربيه بالفحص بكل حاجه لا يتعدي ساعتين زمن
__________________
حـازم خـضـر
|
|
#5
01-08-2010, 10:57 PM
|
||||
|
||||
|
رد: مشوار العذاب في مرور السلام
الحمد لله إنك سليم http://www.masrmotors.com/vb/showthread.php?t=13578
أنا في مرور السلام وبعد لما عذبوني شوية قالوا لي روح هات شهادة مخالفات من مرور الوايلي !!! طيب ليه ؟ مش عارف ومن ساعتها مرحتش ورايح بعد بكره بإذن الله والموضوع التالي عشان نخلد ذكرى مرور السلام:
__________________
|
|
|
|
.
