شات البنات المبتدئات فى القيادة

[AbOnOrA]

المشاركة الأصلية كتبت بواسطة eng/walaaeldeen السلام عليكم الى بيدايق الرجال من سواقت الستات كمان انهن حاطين في دماغهم انهن مش بيعرفوا يسوقو فبيتوتروا بسرعه ويتلبخوا على الرغم من انهن لو تركوا نفسهن للشارع بدون توتر هيكونو ميه ميه في السواقه والله المستعان

بس يا ولاء بقى شكلنا عكينا وزعلنا الستات مننا

[loolita]

ههههههههههههه
بشرة خير ده انا لسه مبتدئه وهنزل امارس فى الزحام
بس ناويه التزم بقوانين المرور وامشى فى حالى على اليمين
بس سواقين الميكروباص والاوتبيس كل شويه يقفوا وبيقفوا فجأة وبيقرفونى
اعمل ايه وانا لسه مبتدئه
اروح النصف الاقى غرز من ورايا وقدامى يالهوى
اروح الشمال نظرات الناس والكلاكسات حاجه فله
اروح فين ياناس
والله بفكر اشغل الانتظار وامشى
او اكتب العربية فى التليين
اعمل ايه بس

[احمد على 1999]

ههههههههههههههههههههههههه ه
توكلى على الله
و الله كله بيسوق بعشوائية نتيجة لعشوائية التخطيط و عدم الضبط الفورى من القانون
و من الواضح انك جريئة فى السواقة و دا حيسرع عملية التعلم

[د.هبه77]

باختصار الي هيجرئك عالسواقة الفترة
يعني بقالك اد اية بتسوقي
الحاجة التانية خليكي باردة متخليش حد يوترك
الراجل اول ما يشوف واحدة ست سايقى يبتدي بقي للتشويح والزعيق والتبريق وتحمير العنين وممكن كمان لو فاتحة الشباك تسمعي شتيمة
الحل تقفلي شباكك علي قدر المستطاع ...متبصيش علي حركاتهم خاااااالص عشان متتنرفزيش بصي علي ابعاد العربية


يعني اغملي فلتر للاشخاص من عنيكي وتبصي عالحديد بس
والحاجى التانية تفتكري كويس ان الي بيتحانق دة كان يوم من للايام لما يحب يدوس فرامل بيدوس بنزين ويلبس فابعربية الي قدامه ...يعدها بقي عشان ميتضربش يطبق المثل .. اعمل نفسك ميت
استخدمي مراياتك يمين وشمال ومتمشيش لو مقفولة .. بو ماشية كدة اركني وانزلي افتحيها او قولي لاي حد معدي جنبك افتحلي المراية لو سمحت
ولازم تعرفي ان مجتمعنا ما شاء الله الراجل يشوف ست سايقة يبتدي يحس بالأنا والأنا العليا ويحاول يهز ثقتها فنفسها ... زمارة بقي ..يكسر عليها ...المهم تتوتر وتخرج عن شعورها ومتعرفش تعمل حاجة وتعيط فالاخر..
نصيحة للمرة الالف متتوتريش من صوت القلقس واهم حاجة ..الدعاء
دعاء الركوب
وقبل ما تسوقي
رب اكفنيهم بما شئت وكيف شئت
وتزودي رصيدك من الخير الي هيحمي عربيتك
تقفي لحد كبير بيعدي
تتجاوزي عن اخطاء الاخرين ومتهتميش انك ...تعرفيهم غلطهم
مشوار مساعدة لحد كل فترة
سواء توصيلة او تعمليلهم مشوار
حد محتاج العربية مقرب ليكي تديهاله وتنوي قبلها لله
بجد كل ما رصيدك يعلي ..كل ما ربنا يجبر اخطائك وييسرلك سواقتك ويستر طريقك
ربنا يسترها عليكي ويرزقك خيرها ويبعد عنك شرها

[د.هبه77]

قصة قصيرة بقي عشان تعرفي
انا الحمد لله بسوق بقالي 12 سنة المهم من فترة حوالي سنة تقريبا كنت طالعة من شارع جانبي علي عباس العقاد بلف يمين
مستنية الدنيا تهدي
وواخدة بالي ان عالناصية في مكنة بنك مصر والناس واقفين طابور لحد الشارع
وانا بلف اصلا في عربية راكنة موازي للشارع بتاع عباس العقاد وواحد وراية حاطط ايده عالقلقس مبيشلهاش
تقريبا هو والقلقس توأم ملتصق
من كتر القلقسة اتوترت وبلف لقيت ميكروباص سريع جدافبدل ما اخد الملف علي واسع خدته ضيق ويقوم اية بقي
الاقي ان في عربية راكنة صف تاني مكنتش شايفاها لان العربية الصف الاول مخبياها
فللاسف حكيت في العربية

وعليه ... لازم ارجع تاني واخد الملف علي واسع
واخينا الي وترني حالف مية يمين مايشيل ايده من عالقلقس
فوانا برجع مش راضي يرجع واضطريت ارجع بالراحة جدا لحد قبل ما ألمس عربيته مباشرة ...ماهو مش مديني مجال ارجع
متخيلة طبعا انتي دلوقتي انا ضغطي بقي كم
لقيت دة نزل وجه عند شباك عربيتي وفارد نفسه بقي وبيشوح وازبد وارغي وبيخبطلي عاï»»زاز فاكر اني هخاف ومش فاهم انه كدة بيستفزني اكتر
انا بقي .. خير اللهم اجعله خير... فتحت الشباك ومش هقولك بقي
عبرت بكل امكانياتي عن اعتراضي التام عن الموقف وشجبت وادنت الطرف الاخر بكل ما اوتيت من قوة
...عارفة الحلة البرستو لما تفتحيها وهي لسة مبردتش ..بالضبط كدة
وانا علي جمله واحدة بس بصوت عالي جدا
لما تلاقيني مزنوقة ومش عارفة اطلع يبقي ترجع
قلتهاله ييجي 5 مرات الراجل لقيته اتخض وابتدي يرجع ورا
مكانش متوقع هجمة مضادة
وطبعا طابور عملاء البنك متابعين الموقف كلهم جم وقسمو نفسهم 3 فرق
واحد شال الشخص دة الي صوته بقي واطي جدا وعنيه مبرقة مش مصدق..وهو طبعا فاهم نفسه انه غلطان ... وخدوه علي عربيته
الفريق التاني بيعتذرلي
والفريق التالت وقف عباس العقاد عشان اعدي
علي فكرة انا بريئة جدا وطيبة جدا جدا بس مننكرش ان هو مستفز
الخلاصة مش كلهم كدة طبعا بس خدي بالك برضة
ما زلت مصرة اني طيبة