جينز كار

[mohamed almhroky]

بشوات السلام عليكم
انا قررت اعمل فرش جلد لعربيتى وطبعا بعد لف وتدوير كتير وصلت الى حاجتين
اول حاجة اما اجيب فرش جاهز واركبة ودا اسعارة رخيصة يعنى بتبدا من 250الى 800 ودا ناس كتير قلت علية انو مش بيقى كويس فى الخامات ومابييستحملش:w6w200504112 236376d
وتانى حاجة انى اعمل فرش تفصيل وطبعا بعد لف وتدوير وصلت لشركة جينز كار
السوال المهم بقى عايزين تقييم لشركة جينز كار من ناحية الاسعار وجودة الخامات (بما يرضى الله وبدون مجاملة)
وياريت التقببم يكون من الناس الى اتعاملت معاهم
متابعععععععععع

[AbOnOrA]

اغلب الاعضاء والزملاء جربو جينز كار وسبير كار واليجانس وكلهم بيشكرو فيهم وطبعا حضرتك بتختار الخامة حسب ميزانيتك وطبعا بيبقى افضل من اللى بتجيبه وتركبة جاهز

جينز كار ولا اليجانس لتركيب فرش جلد للكراسي - مصر موتورز مجتمع وسوق السيارات العربى

[MIDOO10]

متفق معاك بس طلما هتعل يبقى الغالى رخيص وعن تجارب عديده فى هذا المثال

[AbOnOrA]

منقول

تجربة تركيب فرش للبرافو عند جينز كار بالصور

السلام عليكم ورحمة الله وبركاته،،،

صديق لى يملك برافو وكان عايز يركب فرش حلو للعربية فخدته ورحنا لجينز كار والحمدلله الناس هناك زى ما توقعت ناس فاهمة اوى فى شفلها وحباه.

كان فيه كذا اختيار هناك واحنا اختارنا الفرش الجلد ومن النص قماش (وييد) لونين مختلفين وفيه تطريز من الاجناب واتكلف 1400 وعملنا فرش لارضية العربية بالكامل والشنطة جلد واتكلف 400 جنيه، ونوعية الفرش والارضية ممتازة جدا.

طبعا كان اول مرة يعمل للبرافو فماكنش عنده المقاسات ففكينا الكنبة بالكامل والكرسى الامامى وسبناهم يومين ورحنا ركبنا يوم الجمعة اللى فاتت.

[mohamed almhroky]

المشاركة الأصلية كتبت بواسطة AbOnOrA منقول تجربة تركيب فرش للبرافو عند جينز كار بالصور السلام عليكم ورحمة الله وبركاته،،، صديق لى يملك برافو وكان عايز يركب فرش حلو للعربية فخدته ورحنا لجينز كار والحمدلله الناس هناك زى ما توقعت ناس فاهمة اوى فى شفلها وحباه. كان فيه كذا اختيار هناك واحنا اختارنا الفرش الجلد ومن النص قماش (وييد) لونين مختلفين وفيه تطريز من الاجناب واتكلف 1400 وعملنا فرش لارضية العربية بالكامل والشنطة جلد واتكلف 400 جنيه، ونوعية الفرش والارضية ممتازة جدا. طبعا كان اول مرة يعمل للبرافو فماكنش عنده المقاسات ففكينا الكنبة بالكامل والكرسى الامامى وسبناهم يومين ورحنا ركبنا يوم الجمعة اللى فاتت.

ABO NORA بجد كفيت ووفيت شكرا جزيلا للاهتمام
وانا فعلا حجزت عند جينز كار يوم الاثنين 12/1وان شاء اللة لما اركب الفرش الجلد ارفع ليكوا
الصور واحكيلكوا على التجربة