تطبيق زيادة اسعار البنزين من اول ابريل 2013

[ahany]

المشاركة الأصلية كتبت بواسطة msr1192 الواضح انك استخدامك اكتر منى بكتير ودة حقك بس بيني وبينك انا لما اصرف بنزين بس 1000 جنية مش كاوتش وبطارية او تصليح او او او الخ يبقي حضرتك انا وضعي المادي مش هيخليني افكر ان الدعم هيقل او هيتلغي لان من 1000 الي 1500 مش هتاثر معايا صح ولا انا غلطان

طبعا الواحد محتاج يوفر كل جنية . مش انة يدفع 500 جنية كمان زيادة
والاهم ان موضوع زيادة سعر البنزين مش بس مجرد انك هتدفع فلوس زيادة فى محطة البنزين وخلاص
كل حاجة هتغلى من حزمة الجرجير الى قطع غيار السيارات

[hamed2020]

المشاركة الأصلية كتبت بواسطة msr1192 الواضح انك استخدامك اكتر منى بكتير ودة حقك بس بيني وبينك انا لما اصرف بنزين بس 1000 جنية مش كاوتش وبطارية او تصليح او او او الخ يبقي حضرتك انا وضعي المادي مش هيخليني افكر ان الدعم هيقل او هيتلغي لان من 1000 الي 1500 مش هتاثر معايا صح ولا انا غلطان

الاستاذ قصده من الجمله دي و من الاخر
الي معهوش ميلزموش و لو مش عاجبك بيع العربيه
هو يعني علشان الراجل بسم الله ماشاء الله بيشتغل في اماكن بعيده و كذا شغل في اماكن متفرقه و بعيده جدا عن بعض يبقي يتحمل
يعني يتعب طول الاسبوع بدل ما يدي الفلوس لعياله يديهم للحكومه دا التفكير الفل ده
من الاخر كده لو عايزين تحلوها الغو بنزين 90 اساسا لانننا مش بنشوفه و لا بنستعمله و محسوب علينا و خلاص
و بنزين 80 الي مش بيستفاد منه الا التاكسي الي بقي عداد زي السفاح وقف بيعد و ماشي بيعد و الميكروبصات الي بيغلو الاخره مع ان عمرهم ما اشتغلو ب92 ابدا
يخليه 85 و يغلي شعره شويه او يسبهولهم زي ما هو
و يوجه دعم 90 لل92 وكده الموضوع اتحل
او لو دماغهم متعطله عن التفكير قوي كده و مصيرين علي قصص و الله هتفششل
بسيطه يقول السيارات الي قيمتها كذا ملهاش دعم مع اني مش الفكره دي اوي
بس بردو لو العربيه ب150 الف و صاحبها دافع المبلغ ده و دافع الصينات و كده هيحتاج دعم !
هلي الفولكس باسات و جيتا و الاوبل استر و فانتزيا و جولف و سبوتتيتج و سيتريوين و نسان قشقاي و جوك و حجات اغلي من كده بتنزل بمواتير 1600 و 1400 ينفع ياخد دعم !!!!
بس انا راي انها فكره محتاجه رقابه جامده و الا هتفشل لان ممكن الوكيل يلعب بالسعر لو المبيعات قلت

[yaso12]

اعتقد ان الموضوع على بعضية مش هايمشى ليه بقى (راى شخصى)
اولاً: لان التكلفة باهظة جدا لطباعة واعداد الكروت الذكية التى تجاوز 4.6 مليون كارت تقريبا.
ثانيا: عمل اجهزة لزم الخصم من الكارت الذكى على كل مسدس بنزين فيكى يا مصر عشان يخصم من الكارت وكل واحد وفيته يعنى دعم كلى او جزئى واللى مالوش دعم يدفع كاش
ثالثا: كمان المعاملة الحسابية بين شركات البترول مع هيئة البترول فى تسعير البنزين وهامش الربح الجديد للشركات العاملة فى مصر يعنى مشممكن يكون شركة بتبيع مثلا مليون لتر بنزين 90 بسعر 1.75 تبقى الصبح بتبيع نفس الكمية بثلاث اسعار .
رابعا: ظهور سوق سوداء جديدة لبيع الحصص المدعمة لعربيات مركونة وسلملى على التموين بقه.
وفى الاخر الناس هتلاقى الدنيا ولعت تروح مولعاها

[myson medo]

: 09C207~188:

[myson medo]

المشاركة الأصلية كتبت بواسطة yaso12 اعتقد ان الموضوع على بعضية مش هايمشى ليه بقى (راى شخصى) اولاً: لان التكلفة باهظة جدا لطباعة واعداد الكروت الذكية التى تجاوز 4.6 مليون كارت تقريبا. ثانيا: عمل اجهزة لزم الخصم من الكارت الذكى على كل مسدس بنزين فيكى يا مصر عشان يخصم من الكارت وكل واحد وفيته يعنى دعم كلى او جزئى واللى مالوش دعم يدفع كاش ثالثا: كمان المعاملة الحسابية بين شركات البترول مع هيئة البترول فى تسعير البنزين وهامش الربح الجديد للشركات العاملة فى مصر يعنى مشممكن يكون شركة بتبيع مثلا مليون لتر بنزين 90 بسعر 1.75 تبقى الصبح بتبيع نفس الكمية بثلاث اسعار . رابعا: ظهور سوق سوداء جديدة لبيع الحصص المدعمة لعربيات مركونة وسلملى على التموين بقه. وفى الاخر الناس هتلاقى الدنيا ولعت تروح مولعاها

: THUMBS~220: