|
|||||||
| إطارات السيارة ساحة تتناول كل ما يتعلق بإطارات السيارات و الجنوط |
 |
|
|
أدوات الموضوع |
|
|||||||
| إطارات السيارة ساحة تتناول كل ما يتعلق بإطارات السيارات و الجنوط |
|
|
|
أدوات الموضوع |
|
#1
12-01-2015, 08:48 PM
|
||||
|
||||
تجربة كاوتش وجنوط اشرفكو
واحدة من اكبر الشركات المستوردة للكاوتش والجنوط فى مصر ومؤخراً بقى عندة شبكة فروع مراكز بيع وخدمة مغطية شرق القاهرة ( المطرية - السواح - جسر السويس - مدينة نصر )  انا شخصياً بتعامل معاهم من زمان فى فرع المطرية وده الفرع اللى بداو منه مشوار نجاهم على مدى عشرات السنين من ورشة كاوتش صغيرة لشركة ومجموعة فروع ماشاء الله قصة نجاح مشرفة ولبيزنس عائلة كريمة ومحبوبة فى وسط اهل المطرية ومشهورين كتجار محترمين وسمعتهم ممتازة هنا فى مصر موتورز للاسف فيه عضو زميل كان ليه مشكلة معاهم غريبة شوية وانا نفسى رديت عليها لكن انا مكتبتش عنه موضوع قبل كدة فقولت الم تجاربى معاهم فى موضوع واحدة للافادة تحذير من التعامل مع محلات اشرفكو - مصر موتورز مجتمع وسوق السيارات العربى هما دلوقتى عندهم ماركات كتير سواء هما مستوردين ليها او مجرد موزعين بس اللى انا جربته تحديداً هو اشهر منتجاتهم واستيرادهم جنوط ( حماد ) hammad ديه ماركة جنوط اندونيسى هو اللى بينزلها باسمه وانا مجربها محترمة وبتستحمل اقصى استخدام فعلا انا مجرب المقاس 14 بوصة فى البرايد سنين قبل كدة مشى وحوادث كمان وكل مرة يطلع الجنط سليم وبعتها بيه فى الاخر الجنط اللى فى الصورة ده  ليه فروع كتير اللى اعرفهم فى جسر السويس عند موقف الجراج اخر سور نادى الرماية والشمس وفيه فرع قدام محطة مترو المطرية الناحية الغربية وفيه فرع فى مدينة نصر الحى السابع بس معرفش فين بالظبط اسعارة دلوقتى معرفش كام بس هى عامة كانت اغلى من الصينى بفرق بسيط بس يستاهل فى الجودة تجربة الكاوتش اكسليرا ماليزى - فالكون يابانى انا جربت الكاوتش معاهم مرتين تقريبا واحدة اكيد ايام البرايد وواحدة اكيد ايام الالنترا بينهم كان فيه زيارات صيانة كتير او ممكن اشتريت فردة واحدة ولا حاجة مش شروة يعنى لكن المرتين اللى اشتريت طقم كامل اول مرة كان البرايد الطقم اللى فى الصورة برضو وكان نوعة ماليزى واسمة اكسليرا المعلومات عنه على الانترنت قليلة اوى وكل اللى اعرفه عنه ان اشرفكو هما المستوردين والوكلاء ليه فى مصر وسعره كان معقول مقارنة بالمقاس بتاعة والنقشة يعنى كاوتش سبور بسعر اقتصادى فجبتة وكان كويس عامة لكن ناشف حبه وده طبيعى للنقشات السبور والمقاس ده بس زعلنى بانه عمل بالونة فى فردة واحدة من الاربعة بعد فترة قليلة وطبعاً التبرير المعتاد انى ممكن خبطت فى حاجة والكاوتش مقاسة رفيع فطبيعى يعمل بالالين كدة المرة التانية كان كاوتش يابانى وكان سعرة غالى 700 جنية تقريبا اسمة كان فالكون تقريبا وركبته فى الالنترا الكلام ده من سنتين تلاته كدة فى فرع جسر السويس وكان تمام مفيهوش اى مشاكل لحد ما بعت العربيه بيه  عامة مستوى الخدمة هناك كويس والتجهيزات والمعدات والمساحة ممتازين  كاوتش_جنوط_اشرفكو_1.jpg كاوتش_جنوط_اشرفكو_4.jpg كاوتش_جنوط_اشرفكو_5.jpg كاوتش_جنوط_اشرفكو_3.jpg كاوتش_جنوط_اشرفكو_7.jpg الفروع والعناوين شركة اشرفكو عناوين الفروع اشرفكو فرع مدينة نصر قريب من مناطق ( مدينة نصر - العباسية - القاهرة الجديدة ) 81 ش الخليفة القاهر امتداد ش مصطفى النحاس الحى السادس , مدينة نصر, القاهرة علامة مميزة: امام جامعة الازهر فرع جسر السويس قريب من مناطق ( مصر الجديدة - عين شمس ) 23 ش جسر السويس جسر السويس , جسر السويس, القاهرة علامة مميزة: امام فندق السلام فرع السواح قريب من مناطق ( حدائق القبة - الزاوية - الوايلى - ش بورسعيد) 3 عمارات الاوقاف - ميدان السواح السواح , السواح, القاهرة علامة مميزة: امام قصر القبة فرع ترعة الجبل قريب من مناطق ( الزيتون - المطرية - عين شمس - مصر الجديدة) 416 ش ترعة الجبل المطرية , المطرية, القاهرة علامة مميزة: امام محطة مترو المطرية التعديل الأخير تم بواسطة AbOnOrA ; 12-01-2015 الساعة 09:30 PM 
|
|
| الكلمات الدليلية |
| اشرفكو, اطارات السيارات, جنوط, جنوط سبور, كاوتش |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محتاج 4 جنوط وكاوتش كارينز 01114916000 مستعمل,جديد | ابو عمر عيسى | منتدى السيارات العام | 2 | 28-06-2013 11:22 PM |
| جنوط وكاوتش نيسان 2004 | ابو انس المصري | إطارات السيارة | 2 | 29-06-2012 07:07 PM |
| اشتريت جنوط اسبور من اشرفكو وكاوتش هانكوك | msr1192 | إطارات السيارة | 16 | 27-06-2012 12:29 AM |
| سؤال بخصوص جنوط وكاوتش السيراتو 2006 | m-hawary | كيا سيراتو Cerato | 1 | 06-02-2012 05:27 AM |
| تغير جنوط وكاوتش 127 توب ايطالي موديل 77 | Megatronic | 127 Fiat Ritmo | 0 | 07-12-2011 02:17 AM |
