|
#27
08-02-2012, 02:57 AM
|
|||
|
|||
رد: باركولي انا جبت رينو ساندير ستيب واي
اولا مبروك يا باشا وبهنيك علي ذوقك في اختيار العربية دي بس عايز استفسر عنها لاني بفكر اجيب العربية دي الصراحه و عاجباني اوي وشفتها جميلة جدا .. بس بقارن بينها وبين السكالا .. هي دي شبابية اكتر .. بس انا بخاف من الرينو في اسعار قطع الغيار و الحيقيقة كذا حد جاب لوجان وظهرت فيها مشاكل من اول شهر ومش حابب دة .. بس ياريت اعرف حضرتك كان معاك عربية اية قبلها ومدوديل كام عشان اللي بيبقي معاه عربية قديمة نسبيا و يركب حديث بينبهر .. لكن حابب اعرف علي الطريق في الجري ثباتها عامل ازاي لاني من هواة الجري وانا بسافر كتير جدا وبمشي بسرعات عالية .. وحابب اعرف السعر اللي جبت بية ومنين لاني سمعت كذا سعر .. وشكرا ليك يا باشا
|
|
#28
08-02-2012, 10:01 AM
|
||||
|
||||
|
رد: باركولي انا جبت رينو ساندير ستيب واي
بس يا استاذ ريمون انا كان معايا عربية تويوتا كورولا 95 وده موديل محبوب اوي في مصر وهي بتاعت شقا نيجي للمفيد... العربية مفهاش اي مشاكا وزي الفل وقطع غيارها بتمن الفيرنا ... يعني الفوانيس جوه التوكيل تمنها رخيص والمساعدين ... ودول اكتر حاجه عليها طلب... (خد بالك لما تقارن قارن سعر وكيل بسعر وكيل... وسعر بره بسعر بره ) وحاجتها ملقحه في التوفيقيه باقل من سعر التوكيل بكتير... بس اللي بيحب يضمن الاصلي بيجيب من التوكيل... خصوصا في قطع غيار الميكانيكا.. لكن الفوانيس والاكصدامات والكلام ده مش فارق من اي حته انا جريت بيها لحد 170كم بس لان الطريق كان زحمه شويه ( الطريق الدائري من ناحية المعادي ) هي مفهاش اي مشاكل وتسارعها جيد جدا بس فوق ال 140 مطلوب منك انك ماتاخدش غرز بانحرافات عاليه... لكن غير كده سلسه وراسيه على الطريق جداولما بنزل البلد بقة مقولكش... ماشي براحتي ولا فارقة الدنيا ممطرة وطين ومطبات كانك راكب جيب بجد ... عالية وبطنها مش بتحك في اي مطب... وهو ده مربط الفرس فيهابس الاسكالا عربية تانيه... ديه عربيه صالون... وهي اصلا النيسان صني بالمللي... مفهياش اي فرق غير التقفيل الكوري للرينو وكمان كمالياتها افضل... وخامات الفنيش بالذات من جوه احلى ... وفارقه كتير جدا... بصراحه لو جربتها في التوكيل وقلبت فيها هاتجيبها فورا لان السعر اقل من قيمة العربية بجد... ديه نفس فئة الفلوانس فلو انت معاك تجيب اسكالا هاتها خصوصا لو هاي لاين ... بس هي الموجود منها 2011 بس زيرو طبعاعامله دلوقتي اتوماتيك 90 الف... اتوماتيك هاي لاين 97000 وهي ديه اللي برشحهالك... فيها كل حاجه ومش واطيه على الارض .. لا ارتفاعها معقول... بس ادائها في الجري افضل ولو عايز توفر وتركب اتوماتيك... اللوجان اتوماتيك نازله... بس هاتحجز شهور... والاسكالا افضل منها بكتير زي ما قولتلك... بجدوعموما سمير ريان في مدينة نصر هو اكبر صالة عرض في مصر الوقتي وبيقدم اسعار كويسه ولو عايز تسأل عنده انا ممكن اديلك نمرة واحد حبيبي هناك هايديك احسن سعر واسرع تسليم تحياتي ليك ياباشا
|
|
#29
08-02-2012, 11:55 AM
|
||||
|
||||
|
رد: باركولي انا جبت رينو ساندير ستيب واي
ما شاء الله سيارة جميلة ربنا يبارك لك فيها
__________________
 geologist the best 
|
|
#30
09-02-2012, 03:36 AM
|
|||
|
|||
|
رد: باركولي انا جبت رينو ساندير ستيب واي
شكرا لردك الوافي و المفصل ياباشا .. انا هكون شاكر جدا ليك لو اديتني رقم حد في سمير ريان .. انا الحقيقة مش هقدر اجيب باكتر من 80 .. وسألت علي السكالا لقيت اقل فئة فيها ب82 هي عجبتني جدا و قلت اجيبها بس مفيش منها غير الهاي لاين ب97 ودي غالية ومش هقدر عليها .. لكن لو لقيت سكالا مانيوال اللي ب82 دي هجيبها بدون تردد .. انا سالت علي قطع الغيار ولقيتها عادية في التوكيل وفعلا يمكن زي الفيرنا بالنسبة للستيب واي وهي عاجباني بس حاجة تاني قلقتني وهي سعر اعادة البيع بس عادي .. انا ان شاء الله مش هبيع قبل 3 او 4 سنين ..
يبقي اول حاجة السكالا لو لقيت اللي ب82 المانيوال هجيبها .. مفيش يبقي هجيب الستيب واي ان شاء الله طالما هي فعلا بالكفاءة دي .. انا استفزيت شوية في الاول من مكان الكلاكس و الزجاج الكهربا اللي عاملة زي اللوجان بس قلت هتعود عليها اكيد .. بس بجد لو تعرف حد ممكن يجيبلي الرينو سكالا اول فئة وياسلام لو سودا هبقي شاكر جدا ليك
|
 |
|
|
