الرادارات ....في بلدنا ... أين هي؟

[hazem_khidr]

بالضبط كده
العربيات اللي جايه من الطريق التاني بترعش بالنور علشان تعرف
اللي العربيات ان فيه لجنه قدام
قمه التعاون بين طبقات الشعب المصري جميعا تجدها في تلك المواقفptmnlo123per1147

[حازم شاهين]

إتحاد طبقات الشعب الكادح ضد الحكومة

[ابو يمني]

بص يا حازم باشا موضوع تقليب النور دة قدم سواق الميكروباص بيكلم صحبة علي المحمول قبل ما يطلع يسالة الكمين واقف فين انا سالت مرة سواق بقولة في ردار قالي هتلاقية واقف في قويسنا وفعلا لاقتة واقف

[hazem_khidr]

المشاركة الأصلية كتبت بواسطة حازم شاهين إتحاد طبقات الشعب الكادح ضد الحكومة

مش الكادحه كمان دا اي حد راكب عربيه حديثه تلاقيه بيهدي اول ما بيشوف الناحيه التانيه بترعش نور

المشاركة الأصلية كتبت بواسطة ابو يمني بص يا حازم باشا موضوع تقليب النور دة قدم سواق الميكروباص بيكلم صحبة علي المحمول قبل ما يطلع يسالة الكمين واقف فين انا سالت مرة سواق بقولة في ردار قالي هتلاقية واقف في قويسنا وفعلا لاقتة واقف

هو فعلا كده يا ابو يمني بيبقوا محفوظين و عارفين بيقفوا فين
يعني عندك رادار عند بركه السبه (بيبقي واقف ورا يافطه القاهره 78 كيلو )
و اللجنه تلاقيها عند ابو مشهور مافيش اتنين كيلو
و كمين قويسنا دا ساعات و ساعات بس في الغالب بيبقي طريق مصر اسكندريه مش اسكندريه مصر.
السواقين بقي كمان حافظين اي يوم بيبقي فيه كمين
يعني الكماين بتلاقيها الايام الفرديه زي 1 و 3 و 5 واقفه في مكان
و 2 و 4 و 6 واقفه في مكان تاني.
شفت الحكومه عندنا مسهله الموضوع ازايptmnlo123per1147

[bmkbmk]

يا جماعة الرادارات دى جباية رسمى
و انا فى مصر الاجازة اللى فاتت كنت مسافر من طنطا لمصر ووقفنى الرادار بتاع قويسنا (على فكرة كان واقف فى طريق اسكندرية - مصر) و طبعا كان موقف كام عربية تانيين... و الغريب بقى بجد ان كل الناس المتصورة متصورة يا اما على 100 يا اما على 106 .... يا سلام سلم .. و طبعا السرعة المسموحة 90 .... فا انا كانت عربيتى جمرك و لو الرخصة اتسحبت هتسحل وراهاعلى ما اجيبها .. حمدت ربنا لما لقيت غرامة فورية 150 جنيه و الحمد لله كان معايا فلوس يومها فا اتنكت على الظابط تناكة مش طبيعية ,, و قلت له كل ده عشان 150 جنيه ....واديته 200 و خدت 50 و الوصل و انا طبعا بحمد ربنا و اشكر فضله ....

الفكرة ان هى يا جماعة جباية رسمى فعلا ... ايه يعنى لما اكون ماشى 100 و الطريق فاضى و يسمح ... هنا فى الكويت بيبقى فيه 20 كيلو سماح يعنى لو سرعة الطريق 100 الرادار بيصور عند 120 مش 101 علشان الدفتر يخلص و خلاص,, و المخالفات هنا اغلى من مصر بكتير.. بس الفكرة انه بيصور فعلا الناس اللى طايرة و مش هاممها مش اللى مزود خمسة ولا عشرة كيلو

ملحوظة ... حصل معايا نفس الموقف فى مصر من كام سنة و كنت نازل بعربية جمرك برده بس كانت مرسيدس و رقمها 10000 و اتصورت على 140 قريب من كفر الزيات و كانت السرعة المسموحة 60 و سعادة الباشا الظابط جالى بنفسه و انا راكب العربية و رجعى الرخص و قالى حمدالله على السلامة يا باشا .. و طبعا مادفعتش ولا مليم.. و ده علشان كانو فاكرينى حد واصل فى البلد و انا والله كنت اعرف رئيس المرور فى نويبع و ظبطنى فى النمرة دى ...مش واصل يعنى ولا حاجة

بس لو كانت المخالفات دى مش جباية كانت كل الناس دفعت مفيش استثناء لواحد ظابط ولا وكيل نيابة ولا عفريت ازرق حتى و سلملى على الحرية و الديموقراطية. و تحيا مصر