خلاصة الكلام فى ظبط فيشة الاوكتان ( بالصور )

[mahdyez]

المشاركة الأصلية كتبت بواسطة احمد على 1999 اانا باشكر الاستاذ طارق صقر الترجمة : توجد الفيشة تحت كرسى الركب الامامى بجانب الكومبيوتر ملحوظة ( مش واضحة فى الانجليزى): الكومبيوتر تحت الموكيت احسن وضع علشان تقدر توصل للفيشة انك تطلع الكرسى (الامامى يمين) لقدام على الاخر و تتنى طهره لقدام و تفتح الباب الى ورا يمين و تقعد على الارض جنبه من بره و تمد ايدك اليمين من تحت الكرسى و تدخلها تحت الموكيت و تحاول تحس جسم الكوميوتر (حاجة مستطيلة فى حجم الكف تقريبا ) طالع من شماله وصلة بفيشة معشق فيها فيشة الاوكتان (طبعا انت مش شايف حاجة كله بالاحساس) امسكها و حاول ترجعها لورا و ممكن تقدر تشوفها من تحت الموكيت و بعدين تحاول بايدك انك تضغط على مشقبية فيشة الاوكتان و تشدها لبره و انت ماسك الفيشة الى طالعة من الكومبيوتر بايدك التانية علشان السلوك متتقطعش ( لو فكيت الكرسى حتريح دماغك من الوهم ده و حيبقى فكها اسهل بس انا عن نفسى بعملها و الكرسى راكب)

استاذ: احمد
انا لقيت اسلاك كثيرة مع بعض شكلها عامل زى الضفيرة
وفى سلك اسود بس مش عايز يتشد معايا وخايف اشده ليتقطع ......اعمل ايه
وممكن شرح مبسط لزبطه بنزين 92

[احمد على 1999]

المشاركة الأصلية كتبت بواسطة mahdyez استاذ: احمد انا لقيت اسلاك كثيرة مع بعض شكلها عامل زى الضفيرة وفى سلك اسود بس مش عايز يتشد معايا وخايف اشده ليتقطع ......اعمل ايه وممكن شرح مبسط لزبطه بنزين 92

بص يا باشا انا عايز الاستاذ عصام يرد عليك علشان اللانوس 1 مكان الفيشة مختلف عن ال 2

المشاركة الأصلية كتبت بواسطة عصام غنايم طيب مكانها فين ؟ تحت الكرسى اللى جنب السواق مباشره هنقدم الكرسى لقدام على الآخر و هنرفع فتحة الموكيت من تحته ( فى الانوس 1 هنلاقيها جنب الكومبيوتر اللى داخل العلبه السوداء ) و الصراحة انا مش عارف المكان ده فى اللانوس 1 وده الشكل بتاعها

انا عايز اتاكد منك هل قدرت تشوف فيشة زى الى فى الصورة لانك قولت ان فيه سلك اسود
لانك لو شوفتها يبقى نص المشكلة اتحلت

[mahdyez]

انا عربيتى لانوس 1 مو 99 قلبت الدنيا تحت الكرسى اليمين مش لاقى الفيشه ....هى ممكن تكون داخل العلبه السوداء اللى هى الكنترول وافتح العلبه وابص جواها .....ولا مش ها تبقى داخلها

[mahdyez]

المشاركة الأصلية كتبت بواسطة احمد على 1999 بص يا باشا انا عايز الاستاذ عصام يرد عليك علشان اللانوس 1 مكان الفيشة مختلف عن ال 2 انا عايز اتاكد منك هل قدرت تشوف فيشة زى الى فى الصورة لانك قولت ان فيه سلك اسود لانك لو شوفتها يبقى نص المشكلة اتحلت

هى الصورة اللى وضعتها لانوس 1 ولا 2
انا شفت سلك اسود ودخلت ايدى داخل الفتحه لان الموكيت مش عايز يتشال وحاسسيت بس مالقيتش الفيشة ولا الاستيكر

[احمد على 1999]

المشاركة الأصلية كتبت بواسطة mahdyez هى الصورة اللى وضعتها لانوس 1 ولا 2 انا شفت سلك اسود ودخلت ايدى داخل الفتحه لان الموكيت مش عايز يتشال وحاسسيت بس مالقيتش الفيشة ولا الاستيكر

الصورةالى وضعها استاذ عصام للانوس 2
و بالنسبة للموكيت هو فعلا بيبقى شبه مقفول بس بيبقى معضعض على شكل خط لتسهيل عملية القطع و انا فعلا قطعته بسهولة بايدى و اتقطع زى المسطرة ( اعذرنى انا تابعت الناحية التانية و متفق معاهم ان اسهل تشيل الكرسى علشان لو حتطر تفك غطا حماية الكنترول حيبقى صعب جدا او مستحيل و الكرسى راكب بالاخص ان فك الكرسى سهل)