98 % من شباب الفيس بوك لا يصلون

[mr_astra]

صرح خطيب المسجد فى خطبة الجمعة امس 6/5/2011 ان شباب الفيس بوك الذى كان يجتمع فى الثورة
هو شباب يسهر فى اليل وينام بالنهار وان نسبة 98 % منه لا يصلون
كما قال الشيخ المبجل ان ما حدث بمصر ليس ثورة وانما هوووووووووووجة فعلى كل مسلم مننا ان لا يكون امعة ويخوض مع الخائضين وان يحكم عقلة اولا واخيرا
وافاد او افتى بان شهداء الثورة فى النار استنادا الى الحديث الشريف اذا تلاقى المسلمان بسيفيهما فالقاتل والمقتول فى النار
وشدد على عدم الالتفاف الى وسائل الاعلام سوا المقرؤة او المسموعة لانها كلها تهدف الى تخريب العقول وان ما بداخل سجن طرة هم ليسوا مدانون وانما المتهم برىء حتى تثبت ادانتة
كما افاد ان هناك ايدى خفية تتحكم بالثوار الذين يلتقون على الفيس بوك وهم اناس جنسيتهم المان وديانتهم يهودية
وتسال الشيخ لصالح من الدماء التى تهدر فى خمس او ست دول عربية ....وان الغرب هم المستفيدون من كل ما يحدث داخل الوطن العربي
وقال ايضا ان ثورة 25 يناير ليست بثورة لان الثورات درسناها فى المدارس وكانت ثورة 23 يوليو وثورة 19 ولم تذكر فيها ثورة 25 يناير
وان ما يديرون هذة الهوجة هم من العلمانيين
وختم الخطبة بتعليمات ووصايا من ضمنها عدم تطويل ديل الجلابية لانها من الخيلاء
........................
واذكر خطبة لنفس الخطيب فى اثناء الثورة كانت مخصصة للرئيس حسنى مبارك وانة لا غبار علية وانة تمام التمام ويكفية فخرا المشروع الوقمى لاسكان ( اسكان مبارك الـ 70 متر )
هذا ما يرددة خطيب مسجد وامامة جموع مصلين من فئات متعددة منهم المتعلم ومنهم من لم ينل حظة من التعليم ومنهم المثقف وعديم الثقافة السياسية بحكم انهم يلهثون فى الحياة لتوفير ابسط وسائل المعيشة الخبز ودروس الاولاد
مش عارف اقول اية والله واجلت المشاركة دى لتانى يوم لانى كنت فى قمة الغضب امبارح مش بسبب كلام الخطيب ولكن لانة اتخذ المنبر حصن لة لان لا يمكن لاحد ان يقاطعة او يناقشة او يجادلة فهو يتحدث بقمة البلاغة ونحن ننسط لة
فكرت اكثر من مرة انى اقوم فى وسط الخطبة لكن خفت من البلبلة ولا اعرف هل هناك حرمانية فى هذا ام لا فآثرت الصمت واستنيت لاخر الخطبة لعلى التقى بة واصحح مفاهيمة
اية رايكم فى ما حدث ؟

[MANDO09]

الموضوع ده متكرر كثيرا واعانى من نفس المشكلة لغاية ما امام المسجد خلانى بقيت اصلى الجمعة ظهر فى البيت وأريح أعصابى منه وللأسف بحاول دلوقتى اشوف اى طريقة اشتكى بيها امام المسجد عندنا لانه بكدة بيفرض رأيه ورؤيته على باقى المصلين ولو عرفت مقاطعة الامام حرام ولا لأ ياريت تبقى تقولى لانى خايف ليكون ده غلط ونفسى اقوم اتناقش معاه قدام الناس

[mr_astra]

اكيد احد الاخوة الاعضاء عندة المعلومة
انا مستنى زيك

يا جماعه انا اعرف ان الساكت عن الحق شيطان اخرص والخطيب ده كدا بيهدر دم الشهداء وبيدافع عن الظلم والاستبداد اللي كنا عايشين فيه وبعدين متكلمش ليه علي اسكان مبارك علشان تعرف تاخد الشقه من دول لازم تدفع رشوة الشئ الفلاني هيه مش الرشوه حرام بردك

انا لو منكم مكنتش خليته عرف يقول كلمة والمفروض والصح لما تشوف خطيب بيضلل الناس عن الحق لازم توقفه عند حده ونصيحه تبلغوا عنه وتقولو انه بيحاول يعمل فتنه بين المؤيدين والمعارضين واللي زي ده مكانه معاهم هناك في طره

[MANDO09]

المشاركة الأصلية كتبت بواسطة corsair يا جماعه انا اعرف ان الساكت عن الحق شيطان اخرص والخطيب ده كدا بيهدر دم الشهداء وبيدافع عن الظلم والاستبداد اللي كنا عايشين فيه وبعدين متكلمش ليه علي اسكان مبارك علشان تعرف تاخد الشقه من دول لازم تدفع رشوة الشئ الفلاني هيه مش الرشوه حرام بردك انا لو منكم مكنتش خليته عرف يقول كلمة والمفروض والصح لما تشوف خطيب بيضلل الناس عن الحق لازم توقفه عند حده ونصيحه تبلغوا عنه وتقولو انه بيحاول يعمل فتنه بين المؤيدين والمعارضين واللي زي ده مكانه معاهم هناك في طره

احمد باشا كروساير كلامك زى الفل بس ازاى نعرف نبلغ عنه انا هروح قريب وزارة الاوقاف ان شاء الله وابلغ لو عندك تصور تانى للبلاغ يا ريت تفيدنا