اى حد محتاج اى معلومه عن رينو

[moustafa.peace]

معلش ياجماعة انا عضو جديد وعندى سوال انا ان شاء الله مقبل على شراء رينو لوجان 2011 ومقتنع بيها جدا وهشتريها من المعرض بس سمعت ان عربيات المعرض بتكون اتركبت قبل كده وساعات بتكون اتجربت من ناس كانوا عاوزين يشتروا العربية هل الكلام ده صح ولو صح اذاى اعرف ان العربية مش مشيت او اتركبت قبل منى

[تيتو55555]

المشاركة الأصلية كتبت بواسطة POP EL GAMED اولا الرد فى الاقتباس ثانيا الحاجات اللى انت بتتكلم فيها دى بسيطه ولو العربيه مش متبهدله من بره توكل على الله والعربيه حلوه وهتريحك لو مشاويرك كتير وبتحمل العربيه وهى ممكن تعمل فى حدود 25ونص 26 فى الحدود دى وربنا يوفقك يا باشا

الف شكر يا بوب علي الرد
بس انا عاوز رايك لان ناس كتير قالتلي الرينو رينبو قطع غيارها غاليه وقالولي ان اعادة البيع فيها صعب بردو فايه رايك يا بوب مع العلم ان العربيه ممكن تخلص 25 وعلي فكره انا معايا في حدود 28 لو ممكن ترشحلي حاجه افضل والف شكر يا غالي

[محمود السيد ابراهيم]

أرجو المساعدة في معرفة الصيانة اللازمة للميجان 2006 بعد 100000كم
والأجزاء اللازم تغيرها

[POP EL GAMED]

المشاركة الأصلية كتبت بواسطة K@R@M أنا عايز أعرف أيه رأيكم فى الرينو سكالا ؟؟ وايه مميزاتها وعيوبها ؟؟

الرينو سكالا هى نيسان صنى بس مع تعديل شويه حاجات اولا انها الشكل الجديد للصنى
ثانيا فتيس ستيب ترونيك
ثالثا تقفيل كورى فى مصانع سامسونج التابعه لرينو وده افضل من التقفيل المصرى بكتير
وانا عن نفسى اتفرجت عليها فى المعرض لكن مسوقتهاش والعربيه مريحه من جوه اكتر من كده مقدرش افيدك

[POP EL GAMED]

المشاركة الأصلية كتبت بواسطة moustafa.peace معلش ياجماعة انا عضو جديد وعندى سوال انا ان شاء الله مقبل على شراء رينو لوجان 2011 ومقتنع بيها جدا وهشتريها من المعرض بس سمعت ان عربيات المعرض بتكون اتركبت قبل كده وساعات بتكون اتجربت من ناس كانوا عاوزين يشتروا العربية هل الكلام ده صح ولو صح اذاى اعرف ان العربية مش مشيت او اتركبت قبل منى

يا باشا احب اسألك سؤال مهم جدا
هو انت لو عايز تشترى العربيه ورحت المعرض وقلتله عايز اخدها اجربها لفه هيوافق ولا لا
بالتأكيد لا ومفيش معرض هيوافق وموضوع ان العربيه تكون مشيت فده عادى وهتلاقيها ماشيه حاجه بسيطه من المخزن للمعرض او من معرض تانى للمعرض اللى حضرتك هتشترى منه عادى يعنى حاجه لن تزيد عن ال50 كم ولا حاجه لو اكتر من كده من حقك ترفض انك تستلم العربيه وربنا يوفقك فى العربيه