نفسي انا افهم دماغي ؟؟؟

[dr.wael7yran]

السلام عليكم
انا زي ناس كتير اتحطيت في موقف شراء سيارة جديدة
و عايز رأي الناس معايا ...
و حاسس انه المنتدى هنا فيه ناس حريفة ممكن هتقدر تفهم دماغي
لأنه انا مبقتش فاهم دماغي
و خليني اساعدك علشان تفهم دماغي
اول عربية سوقتها في حياتي كانت 128 (بسة) ايام ثانوي
و بعدين والدي حاب لانوس 99 زيرو (نوسة) و كانت نقلةجامدة
و بعدين جبت انا ابيزا 2002 زيرو و كانت حبيبة قلبي (زيزي)
ثم حصلت ظروف و بعناهم
و بعدين والدي جاب افيو 2006 زيرو (شيفي)
و انا مشيت نفسي كده باكسل 95 مستعمل 1500 (هنادي)
ثم ربنا كرم والدي و جاب لانسر اوتوماتيك 2008 زيرو (ميتسي)
و اداني الافيو اللي انا لسه بايعها من شهرين
و علشان نكمل القصة صح لازم اقول انه جوز اختي جاب نيسان صني 2010 مانيوال زيرو و سابها معايا فترة
و كنت خاطب واحدة معاها اونو(و سوقتها كتير) و خاطب واحدة تانية معاها بيكانتو زيرو ( و برده سوقتها كتير)
المهم...انا بقى عايز اشتري عربية و تكون زيرو و يكون سعرها موش اكتر من 90 الف بجنيه واحد...تنصحوني اشتري اييييييه؟
انا من واقع التجربة اقدر ارتب العربيات(الزيرو) دي من حيث الافضل في السواقة معايا
1- الابيزا ... الافضل على الاطلاق
2- اللانسر... عملية بس جبارة
3- الصني... حمارة شغل و موش ممتعة بالمرة
4-البيكانتو...بناتي خالص
5- اللانوس...حلوة على قد سعرها
6- الافيو...بوظت اعصابي و غير ظريفة بالمرة

يا ترى هتقدر تساعدني ؟
يا ريت اسمع رأيكم
و تقبلوا سلامي

[drsemba]

سوال مالها الافيوووووووووووووووووووو وووووو
ويعنى ايه الانسر عملية بس جبارة
وشكرا عشان انا متحير مابين التنين الافيو زيرو واللانسر مستعمل

[dr.wael7yran]

المشاركة الأصلية كتبت بواسطة drsemba سوال مالها الافيوووووووووووووووووووو وووووو ويعنى ايه الانسر عملية بس جبارة وشكرا عشان انا متحير مابين التنين الافيو زيرو واللانسر مستعمل

لا يوجد مقارنة نهائي بين الافيو و اللانسر
دي حاجة دي و حاجة تانية خالص
لو انت اول مرة تسوق او كان معاك حاجة قديمة 128 مثلا فالافيو الزيرو بالنسبة اليك هتكون نعمة
و الزيرو زيرو مهما كان بتقارن بمستعمل
بس لو انت راكب حاجة جديدة و غيرت بافيو هتجننك
عربية علطول عفشتها ناشفة و علطول بتزيق و تخبط و فيها اصوات وواضح انه ده في تصميمها مهما حاولت تصلح فيها
اللانسر بقه عفشتها هدية جميلة من اليابان
بس يعني ايه عملية
يعني عدادين سرعة و تكييف و باور و ازاز كهربا و تابلوه مفيهوش اي حركات
و هو ده الياباني
يعني ادخل كده اتفرج على اي عربية كوري او اوروبي
اوبشن و كمبيوتر و عدادات ديجيتال و انوار و حركاااات
انما اللانسر هي كده كما انزلت...
نصيحتي ليك لو بتفكر في الافيو وفر على نفسك 9 الاف جنيه و هات اللانوس ,,الاتنين سواقتهم زي بعض بالظبط بس اللانوس اوطى شوية و انعم بكتيير و مفهاش السيموفونيات بتاعت الافيو
و شكرا لمرورك..و تقبل سلامي

[YahiaAshraf]

باشا ب 90 الف
عندك رينو سكالا فول اوبشنز مانوال 1600 سىسى زيرو طبعا ب 82 الف
























فيها شبه من النيسان صنى




عندك رينو سيمبول فول اوبشنز مانوال 1400 سىسى ب 85 الف

[dr.wael7yran]

المشاركة الأصلية كتبت بواسطة yahiaashraf باشا ب 90 الف عندك رينو سكالا فول اوبشنز مانوال 1600 سىسى زيرو طبعا ب 82 الف فيها شبه من النيسان صنى عندك رينو سيمبول فول اوبشنز مانوال 1400 سىسى ب 85 الف

يا باشا الف شكر على تعبك و على صورك الجميلة دي
العربية دي انا كنت مقتنع بيها جامد جدا
لغاية لما شفت الريو واقفة جنبها في نفس المعرض
السكالا من بره احلى
الريو من جوه احلى...الصني على فكرة تقفيلها جوه انضف من السكالا
ناس كتير بتقول على الريو دي عربية محترمة..و سواقتها جميلة ما عدا العفشة الناشفة
بس انا لما سقت الصني(اللي هي المفروض السكالا) عفشتها ما كانتش حرير يعني
كل صحابي اللي اتفرجوا على العربييتين قالولي الريو تكسب
موش عارف
رأيك انت ايه؟