أدب الرحلات

[خالدخليفة]

الموضوع ده كان 260 صفحة نزل بقى 259 وشكيت فى نفسى قلت يمكن انا غلطان ونزل بقى 258 ايه الحكاية دى بقى ى ى ى ىى / فى حد جعان بياكل فى الصفحات والا ايه ؟؟؟؟؟؟

[miam0502788391]

حتى هذه اللحظه بلغت عدد الصفحات 252 ومازال العدد فى الليمون قصدى فى التناقص
الظاهر ان الإدارة بتحذف شوية صفحات ولا اييه

[miam0502788391]

مدينة مطروح
تم اختيارى انا وعطيه لحضور دورة تدريبيه فى مستشفى مطروح لمدة اربعة ايام وكنا فى شهر سبتمبر وقلنا فرصة نتفسح ونشوف مطروح
كنا نحضر المحاضرات الصبح ونتغدى فى مطعم بره الساعة 3 وننام شويه وبعدين نخرج بعد الظهر او المغرب ونرجع بالليل المستشفى ننام فى السكن
المدينه رغم اننا كنا فى الصيف الا انها هادية ومفيش فيها زحمة جمصة ولا راس البر او الأسكندرية ( انا بكره الزحمة وبتخنق منها )
اهم شارع فيها هو شارع الأسكندرية وتقريبا هو ده الشارع الوحيد اللى يتمشى فيه , الشارع ده فى الشتا بيكون فاضى مفيش فيه حركة قد كده ولما يدخل شهر 5 تبدأ الحركه تزيد والمحلات تفرش على الرصيف والبضائع تزيد
الكورينيش على ايام ما كنت هناك كان بيتوضب والمشى عليه متعه وممكن تمشيه من أوله لأخره مش طويل اوى
من أماكن الزيارات الأخرى سوق ليبيا ومش عارف سموه كده ليه مع ان معظم البضائع اللى فيه كانت ملابس وادوات طعام صينى واندونيسى وتايلاندى يعنى لا تمت لليبيا بصله والظاهر ان السوق زمان كان بيعرض بضائع وارده من ليبيا فسموه كده وممكن تفاصل فيه لحد ما توصل لسعر كويس
مطروح فى الشتاء بيات شتوى والمدينة تحس انها مصيف ساحلى اكتر منها عاصمة محافظه رغم ان كل الخدمات موجودة فيها لكن لانخفاض الكثافة السكانية البلد فى الشتاء شبه فاضية لكن فى الصيف المصطافين بيعملوا فيها حركة
من الحاجات اللى معجبتنيش هناك وسيلة المواصلات الداخلية كانت عربية نص نقل بكبوت وفيه من الداخل جرس تضغط عليه لما توصل المكان اللى انت عايزه يقوم السواق يسمع الجرس فى الكابينة فيقف وقلت المفروض مدينة زى دى بفروا فيها سرفيس ميكروباص آدمى بس دلوقتى على حد علمى تم منع العربيات الكبوت دى
التاكسى متوفر وعلى ما أذكر البنديرة كانت عاديه ورخيصه مفيش استغلال من السائق ربما لأن المدينة صغيرة

[hazem_khidr]

المشاركة الأصلية كتبت بواسطة خالدخليفة الموضوع ده كان 260 صفحة نزل بقى 259 وشكيت فى نفسى قلت يمكن انا غلطان ونزل بقى 258 ايه الحكاية دى بقى ى ى ى ىى / فى حد جعان بياكل فى الصفحات والا ايه ؟؟؟؟؟؟

المشاركة الأصلية كتبت بواسطة miam0502788391 حتى هذه اللحظه بلغت عدد الصفحات 252 ومازال العدد فى الليمون قصدى فى التناقص الظاهر ان الإدارة بتحذف شوية صفحات ولا اييه

انا اللي كنت باكل في الصفح
و الصراحه مسكت اول 20 صفحه من الموضوع(باعتبار ان الصفحه عندي 20 مشاركه)
و دمجت المشاركات بتاع ثلاثي المراجيح ساد و كروسير و احمد بدر
ابص الاقي يجي 8 مشاركات لكورسير ورا بعض كل واحده فيها اقتباس اااااااااااااااااد كده و بعدين كلمتين
قعدت احذف و اشيل و ادمج لحد ما فرهدت !!!!!!!!!
و ان شاء الله اكمل باقي الموضوع
علي فكره الموضوع عندي كان 92 صفحه بعد الدمج(مش حذف) وصل ل 84 صفحه
يعني حوالي 160 مشاركه تم دمجهم
اوووووووووووووووووف

[خالدخليفة]

طيب ياعم ادينا فكرة أو جرس او اى تنبيه قبل م نشك ف حد
اصل بصراحة شكيت فى واحد حبيبى نجح اخيرا فى الانتخابات وقلت ياواد شكله بقى مشرف ومش لاقى شغلة وقرر يشتغل فى موضوعى بصفته حبيبى وهترسى على كلمتين عتاب وهيراضينى بواحد شاى على حسابى لما ييجى من اسكندرية لمصر
هههههههههههههههههههههههه


واشمعنى انت اللى الصفحة عندك 20 مشاركة واحنا لأ
هو جهازك طويل اوى كده
والا هيا كوسة للمشرفين