عربية لانوس2005 انا قلقان اوى_ حد يطمنى

[lost2008]

المشاركة الأصلية كتبت بواسطة samirayad ده زيت أكثر من رائع ( وبأستعمله فى سيارتى النوبيرا منذ حوالى عام ونصف ) وأسمه زيت التعاون SL ( ذو الجركل الأصفر )

انا بستخدم التعاون XPL-SM الى العضو صاحب الاستفسار بيستخدمة ال api=sm بقالى لحد دلوقتى 4000 كم و شايفه زيت كويس و افضل من شل الاصفر و يفوقة فى الجودة لانى استخدمت الاتنين مش عارف ليه ناس كتير بتخاف من استخدام زيت التعاون, وده لينك بزيوت التعاون و مقابلاتها من زيوت الشركات الاخرى http://www.coop.com.eg/En/Lubricants...quivalent.html

[lost2008]

ايه الاخبار دلوقتى؟

[samirsaber]

المشاركة الأصلية كتبت بواسطة lost2008 انا بستخدم التعاون XPL-SM الى العضو صاحب الاستفسار بيستخدمة ال api=sm بقالى لحد دلوقتى 4000 كم و شايفه زيت كويس و افضل من شل الاصفر و يفوقة فى الجودة لانى استخدمت الاتنين مش عارف ليه ناس كتير بتخاف من استخدام زيت التعاون, وده لينك بزيوت التعاون و مقابلاتها من زيوت الشركات الاخرى http://www.coop.com.eg/En/Lubricants...quivalent.html

ياريت يا مستر lost2008 تقولى الزيت ده بيتغير على كام كيلو علشان الراجل بتاع البنزينة بيقولى ممكن اغيره على 7000ك

[عصام غنايم]

اولا : و قبل ما اصل الى 88000كم قولت اغير الزيت المهم بدل ما ادخل بنزينة موبيل دخلت بالغلط بنزينة التعاون و اتحرجت اخرج من البنزينة من غير ما اغير الزيت لما اكتشفت انى دخل غلط(السؤال) هل زيت التعاون هايخربلى الموتور ولا ايه النظام و على فكرة انا غيرت زيت ابو جركن اصفر بسعر 99ج للجركن

والله انا مجربتش زيوت التعاون قبل كده بس طالما باشمهندس سمير عياد قال تمام يبقى تمام

ثانيا : من حوالى ثلاث اسابيع حدث معى موقف غريب اوى هو ان لمبة check نورت عندى فى العربية وطبعا علشان انا شخصية قلوق جداً سألت و رحت لكهربائي و كشف ع الكمبيوتر وقالى ان بوابة البنزين هى اللى مديه الاشارة ده وانه ظبط الموضوع و اخد فى وشه 30ج ( واللى اكدلى انه بكلم صح هو انى كنت مفول و التفويله خلصت بمعدل 140ك للصفيحة البنزين) و هو بعد الموضوع ده اصبح استهلاك السيارة بمعدل 180كم لصفيحة البنزين بعدل ما كان قبل مشكلة الcheck ده كانت الصفيحة بتعمل حوالى 230كم( السؤال هل فى مشكله تانية هى السبب فى ارتفاع معدل استهلاك البنزين بالشكل ده؟)

اعمل النضافه المعتاده وانت ان شاء الله هتحس بفرق كبير

اغسل البوابه والمانفولد من جوه

اغسل بلف الأيدل

غير فلتر هواء وبنزين

غير البوجيهات ( NGK BPR6ES )

غير سلوك البوجيهات

غير الزيت والفلتر بعد استخدام فلش اويل

اعمل ايدل ليرن بعد كل ده ( اساسى )

ثالثا : انا دى الوقت بلاحظ ان مؤشر البنزين بينزل بمعدل 2لتر لما بشغل العربية الصبح _السؤال هل يوجد مشكله فى العربية عندى فى موضوع البنزين ده ولا انا اللى بتوهم؟

العربيات دى متقفش تسخن دور وامشى بعد 30 ثانيه

رابعا : منذ حوالى اسبوعين لوحظ وجود اثار زيت فى الدواسه بتاعت العربية مش عارف هو جاى منين بس بيتهيئلى انه جاي من عند دواسة البنزين حد يعرف ايه المشكله؟

الزيت ده من اولسيل الأسكتره

ومن خلال كلامك ان الدركسيون تقل من بعدها

فأكيد الميكانيكى استسهل وغيره من جوه العربيه من غير ما يحل الأسكاتره بره وفى الحاله دى بيركب بجنب فبيتقل الدركسيون

وحله انك تسأله هو حل الأسكاتره بره ولا ركب من جوه الصالون والأسكاتره راكبه

لو قالك من جوه الصالون خليه يحل الأسكاتره بره ويشحمها ويغسل دايرة الباور ويغير الأولسيل تانى ويحط زيت باور جديد

خامسا : منذ فترة حوالى شهر لوحظ ارتفاع صوت الموتور واظن انه من ناحية السيور (كاتينة او دينامو مش عارف) بس انا لسه مغير السيور و على فكرة العربية دى الوقت عامله 92500كم هل اغير السيور ام الموضوع محتاج تظبيط

ارتفاع صوت الموتور ده ناتج عن خشونة بلى شداد التكييف وبلية شداد الكاتينه المفروض دول يتغيروا عند 80 الف على اقصى تقدير

ومفيش حاجه اسمها يلغى السير التكييف ليه يعنى هيه البليه بكام ؟

لو الظروف ديقه معاك انفض البليه من المنيم بتاعها وهات بليه يابانى نفس المقاس ب 10 جنيه وركبها تانى وادعيلى

معلش سؤال اخير _ حد يعرف مركز صيانه دايو لانوس يكون مضمون ومش حراق اوى علشان انا بصراحة حطيت كل اللى معايا فى العربية ده و ممعايش ولا مليم الا المرتب (انا ساكن فى القلعة) وتفضلوا جميعا بوافر التقدير

فى دى مش هعرف افيك

انا من دمياط

اى خدمه

[AbOnOrA]

هو كل اللى اسمهم عصام من دمياط جامدين كده
ربنا يباركلنا فى دمياط والعصامين غنايم وسلطان

صباح الفل يا باشمهندس