لهذه الاسباب لن انتخب ابو اسماعيل

[AbOnOrA]

استخدم مؤيدية مبداء الولاء والبراء للتاثير على الناس دينيا لانتخابة

استخدام المساجد ودور العبادة ومواقف المشايخ للتاثير الدينى

اهمل مؤيديه اى عوامل اخرى هامة لمعيار الكفائه والخبرة سياسية او عملية

قدمت حملة تاييدة مقال خطابى وادعت انه برنامج وهو لا يليق حتى بوصف ملامح برنامج ووصفه النقاد والمتخصصين بالمراهقة الفكرية

التلون فى الخطاب السياسى فيما يخص العلاقات الخارجية سواء بالغرب او اسرائيل

التلون فى الخطاب السياسى فيما يخص تطبيق الشريعة كمبادىء او احكام

تحويل الحملة فى بدايتها الى بوادر فتنة طائفيه وتنازع بين مرشح مسلم (حازم ابو اسماعيل ) ومرشح مسيحى ( ساويرس) لولا تراجع ساويرس عن فكرة الترشيح

تجاوز الحد المنطقى والمعقول لمصروفات الدعاية الانتخابية بدون اى معلومات عن مصادر التمويل

حقائق مؤكده ومتواترة عن تجنس واقامة عائلتة فى امريكا وتضارب وتدرج وتحايل تصريحاته حيالها

[AbOnOrA]

اعمال الولاء والبراء فى انتخابات الرئاسة وده فى حد ذاتة كارثة بكل المقاييس

اولا شرعا لا يجوز اننا كعوام ولا حتى طلاب علم اننا نقضى بالولاء والبراء بين مسلمين وبعضهم ولا احنا كمان هنكفر باقى المرشحين ؟؟

ثانياً البراء بيكون من الاعمال مش الاشخاص ء

فإن عصوك فقل إني بريء مما تعملون (216 / الشعراء)

بالعكس الولاء والبراء يتقرب فى التطبيق من المدنية حين يتبراء رسول الله صلى الله علية وسلم من واحد من اخيار الصحابة لرفضة لافعالة

يقول رسول الله صلى الله عليه وسلم :
اللهم إني أبرأ إليك مما صنع خالد (صحيح البخاري)

ثالثا وهو الاهم الشيخ حازم عمرة ما كان امام للمسلمين ولا اظن انه هيكون والامامة والخلافة والبيعة حاجة والانتخابات الرئاسية والفترات الرئاسية المحددة وصلاحيات الرئيس مقارنة بباقى صلاحيات مؤسسات الدولة فى حتة تانية
فايه اللى جاب القلعة جمب البحر

رابعا وهو الاهم ان الشرع والمنطق والتجارب والاصول وكل حاجة بتقول ان مبقاش ينفع نحكم او نختار رئيسنا بناء على اى حاجة غير برنامجة الانتخابى
بجد عيب اوى نرجع نقول الراجل ده اصلة شكله جامد فنختارة ولا اصل الراجل ده شكله بتاع ربنا فنايدة

خلاصة موقفى الشخصى كمصرى مسلم سنى المذهب وسلفى الاعتقاد ارفض ترشح اى شخص بصفة دينية
ومثل هذه الدعوات لها من الاثار السلبية على المجتمع بشكلة المدنى وعلى الدين نفسه مسالب واضرار جمة

بصراحة الكلام بس حتى عن كوارث ومخاطر السير على المنهج ده عايزة مواضيع لوحديها وكلام مينتهيش بس الخلاصة يا جماعة اتقوا الله فى اوطانكم واهليكم ودوروا على من يثبت بحق جدارتة لتحمل المسؤلية

وبعدين هنروح بعيد ليه لا هنبص على ايران ولا اسرائيل ولا تركيا حتى ولا اى دولة فيها سياسة ودين ما عندنا الرئيس المؤمن الراحل انور السادات بتاع دولة العلم والايمان عمل ايه
طلعنا من عصرة بلا علم ولا صناعة ولا حتى زراعة ولا ايمان ولا اخلاق وكرهنا نفسنا وكرهنا العالم كله فينا
وفى الاخر الاسلاميين اللى ايدهم وكانو بيايدوه هما اللى قتلوه

اقوم انتخب واحد علشان مربى دقنة او زى ما بيقولو طالع من بيت ملتزم ديينيا
لا يا سيدى انا عايز اتنتخب واحد طالع من بيت امة رقاصة وابوه بيبيع بانجو بس يتقى الله فينا بجد ويعمل لصالح البلد
الحكم بالاعمال يا ناس مش بالنيات والوحيد اللى ليه يحكم بالنيات هو ربنا سبحانة وتعالى بس
انما احنا كبشر نحكم بالاعمال
وطالما مفيش اعمال يبقى نحكم بجدول اعمال وبخطط ودراسات لما سيتم من اعمال نشوف نقتنع نختار
غير كده تبقى مصر متعلمتش حاجة وعمرنا ما هنكبر ابداء ولا نبقى شعب محترم وناضج

معلش طولت عليكم ويمكن اكون كررت كلامى بصور مختلفة بس علشان اوضح اكتر

[AbOnOrA]

يبقي مش الاحسن برضة اننا نختار واحد ضميره بيحكمه؟

هو طالما حضرتك دخلتى جوة ضميرة وتاكدتى انه سليم يبقى عندك حق فى قناعتك

انا شخصياً لا هأيد ولا اناصر اى مرشح او اشارك فى تايد او مناصر مرشح حتى اعلان برنامجة الانتخابى وقتناعى بيه

ومرة اخيرة ادعو حضرتك لتامل حديث تبراء الرسول من خالد ابن الوليد
وخدى بالك انه عليه الصلاة والسلام مقالش خالد ابن الوليد نيتة كانت سليمة ولا متربى ازاى لكن تبراء منه مباشرة وكررها امام الناس بناء على فعلة مش نيته

اتمنى تكون وصلت لحضرتك الفكرة ،،

[silverlite]

الى مؤيدى الشيخ حازم ابو اسماعيل ..لن تصدق !!

http://www.youtube.com/watch?v=EYTby...layer_embedded

[nktis]

هو لا يصدق لكونه سلفي بس انا شايف كدا انه راجل شغال ومطلع علي اقتصاديات الدول...
انا لا اؤيده بس ده رايي الشخصي في الفديو..........