عملت كام حادثة مع الستات في حياتك؟

[حسام البورسعيدى]

انا لسه من يومين بس واحده ست دخلت فى الافانتى من ورا بعربية بولو ..

انا ماشى عادى واللى قدامى هدى شويه علشان يلف وبدورى انا كمان هديت والاقى دى بكل سرعتها بوووووووووم .. الحمد لله الاكصدام اللى ورا فارق حاجه بسيطه بس ..

لكن للاسف الخبطه دخلتنى فى اللى قدامى وخلت الاصدام دخل جوه هو والفانوس ..

نزلت بصيتلها لقيتها متسمره مكانها جوه العربية ولسه هتبدأ الاسطوانة المشروخه بتاعتهم .. رحت باصصلها بقرف وركبت عربيتى ومشيت ..

الظاهر ان الهانم كانت بتبص على حاجه وسايبه الطريق ...

روحت وقعدت اعدلها تحت البيت اكتر من ساعه والله وفكيت الفانوس الشمال وقعت اخبط على الحديده اللى بيتربط بيها والحديده بتاعت الاكصدام والحمد لله عدلتها ..

بس للاسف الفرق اللى فى الاكصدام اللى ورا مقدرتش اعمله ولازم يتفك علشان يتظبط للاسف ....

ربنا يهديهم بقى ويركزوا شويه ..

[owner]

3 مرات ومرة خبطتنى ودايسة بنزين وحاطة ايدها على بقها

[hexll]

كنت حعمل حادثة فى شارع 45 فى الاسكندرية
فى اخرة يعني , الملف الى بعد الطريق الدولي
الى بتاخدة على شان تطلع على البحر
انا كنت مطول مكنتش ناوي اخد الملف
انا ماشي والملف قدامي بـ 4 متر او 3 متر
والشارع مليان عربيات ولقيت عربية على اليمين ومش مدية اشارة ولا حاجة قلت فلة انا صح والى ماشي صح
وفجأة .؟.!!
ومرة واحدة ودون سابق انذار لاقيتها حدفت علية حدفة منيلة بنيلة
وانا كمان دون سابق انذار معرفش ازاي ايدي نزلت على الهاند بريك وعملت حتة خمسة فى الشارع كنت حلبس فى الرصيف
الحاجة الى فرستني جدا
ان بعد ما عدت من قدامي بصيتلي بصة وكأني راكب عربية كارو
وبيني وبينكم انا كنت نازل على شان اهزق الى سايق العربية بس طبعا لقيتها ست مينفعش ومفيش حتي اعتزار ولا كأنها عملت اى حاجة .
بقيت واقف فى الشارع بضرب كف على كف ومن يومها وانا بخاف امشي جنب ستات وسابقا كنت بخاف امشي جنب التريلات
بقت ستات وتريلات .. "الاتنين فى نظرى واحد "
خليهم فى حالهم وانا فى حالة

[poussi]

يااااه انا جيت متاخر اوووى

طبعا واضح التجنى الرهيب على البنات فى السواقه

انا متدعيش انى سواقه ماهره لانى لسه سنه اولى سواقه لكن على الاقل ملتزمه جدا جدا بقوانين السواقه الحمد الله

بس تقول ايه بقى لما اكون ماشيه فى وسط البلد والاقى واحد ابن حلال منه لله بياخد غرز ضيقه جدااااا ويخبطلى الاكصدام واديله كلاكس وهو يكمل علشان البيه يعدى والاقى انا الاكصدام على الارض ؟؟؟؟؟؟ ودى اتعملت فيا مرتين منهم واحده كنا فى اشاره والحمد الله الظابط جابلى حقى وتانى مره كنا عدينا الاشاره ومشافش حاجه والبيه المحترم جرى

ادى مثال لسواقه الولاد المتهوره ومنه لله كل ما افتكر الموقف دمى يتحرق

وعلشان اكون حقانيه قابلت بنات فعلا بطييييييييييييخ

واحده مره لقيتها بتكسر عليا بغبااااااااااء متناهى فانا هديت بسرعه والحمد الله مكانش حد ورايا ولقيت الهانم بعد ما عدتلى بتشاورلى باديها بتزعقلى

فقرصت على العربيه وجبتها وفتحت ازاى وقلتلها انتى بتكسرى عليا وبتزعقى كمان الله يخربيت اللى علمك السواقه يا شيخه حرقتلى دمىىى

ومره تانيه ودى الطامه الكبرى

كنت خارجه من المنصوره عند ملف كده الشارع كان فاااااااضى وهو اصلا الشارع واسع فانا واخده سرعتى على 60 تقريبا وقلت ههدى قبل الملف بشويه
وفجأه الاقى عربيه شاهين طالعه صاروخ من شارع جانبى على يوترن قدامها على طول من ستر ربنا انى كان بينى وبينها مسافه ومفيش حد لا جمبى ولا ورايا فعرفت اتصرف

دول اغبى حالتين شفتهم بصراحه

يععنى زى ما فيه بنات مش بتعرف تسوق فى ولاد كتير سواقه متهوره جدااا وميهموش ايه اللى يحصل هو يخبط ويجرى

[amir elgamal]

انا عديت جنب واحده ست فاديتها كلاكس بس والله ما عملت حاجه لقيتها خافت وطلعت فوق الرصيف طبعا انا طيرت بالعربية لانى كنت هتظبط