مساعده لشراء اوبل فيكترا

[haisam ali]

المشاركة الأصلية كتبت بواسطة amr elsisi 1 مرحبا بك يا هيثم هوا الواحد مايعرفش يستخبة منكم

هههههه حبيبى ياهندسه منين ماتروح وراك

[محمد الحصرى]

بص ياباشا انا قدامى عربيه فيكترا 98 العربيه حالتها نضيف جدا مفيش زيها ف الموديلات الاعلى منها الالفينات تمام بيقولى العربيه دى فوكس هى علامتها من قدام مش علامه الاوبل علامه كده تانيه شفتها على كذا عربيه فيكترا كنت مفكرهم مركبينها المهم العربيه مش ناقصها حاجه وحدات رفع فرش جيلد كاوتش جديد جنوط اوبل اصلى سبور طقم زينون وفوجات زينون كمان بصراحه هو مش مخلى حاجه مش عاملها مفيهاش غير التكييف بيقولى ضعيف عاوز يتشحن تمام وبيقولى انها مغيره ماتور مثبوت على الرخصه وعاوز فيها 60 انت ايه رايك ف الكلام ده

[محمد الحصرى]

اه معلش نسيت الطاره كمان مالتى فنكشن وبيقولى ان العربيه دى العجل ورا اشطوانات كمان مش طنابير

[marwansakson]

طيب أنا دلوقتي محتار .. وشكلها كده حوار الأوبل ده فاكس.. أنا قدامي دلوقتي أكسنت 99 خليجي 1500 أوتوماتيك وصاحبها طالب 43 .. ها ايه رأيكو

[mr_astra]

المشاركة الأصلية كتبت بواسطة محمد الحصرى بص ياباشا انا قدامى عربيه فيكترا 98 العربيه حالتها نضيف جدا مفيش زيها ف الموديلات الاعلى منها الالفينات تمام بيقولى العربيه دى فوكس هى علامتها من قدام مش علامه الاوبل علامه كده تانيه شفتها على كذا عربيه فيكترا كنت مفكرهم مركبينها المهم العربيه مش ناقصها حاجه وحدات رفع فرش جيلد كاوتش جديد جنوط اوبل اصلى سبور طقم زينون وفوجات زينون كمان بصراحه هو مش مخلى حاجه مش عاملها مفيهاش غير التكييف بيقولى ضعيف عاوز يتشحن تمام وبيقولى انها مغيره ماتور مثبوت على الرخصه وعاوز فيها 60 انت ايه رايك ف الكلام ده

حضرتك ما قلتش هى مانيوال ولا اوتو
بس اعتقد انها كانت مانيوال وهو سقط مكنة 2000 ايكوتيك اوتو
العلامة اللى حضرتك بتقول عليها دى بتاعة فوكسهول "Vauxhall " بتتباع فى استراليا بالاسم دة مش باسم اوبل ومصنع فوكسهول مكانة فى بريطانيا تابع لمجموعة جينرال موتورز
بالنسبة للعربية موديل 98 وبـ 60 الف مفروض تبقى فابريقة برة وجوة والتكييف شغال
هاؤلك لية
لان موديلات 2000 و 2001 و 2002 و 2003 الاوتو فيها 1600 سي سي بيعمل من 63 الف الى 67 الف
اما الـ 2000 سي سي الموديلات دى تعمل من 65 الف وبتوصل لـ 70000 للحالات النادرة اللى هى كمان CDX
انما موديلات التسعينات الـ 1600 سي سي مانيوال من 40 الف الى اوائل الخمسينات
ولو هى 2000 سى سي الموتور الاسود اوتو بتعمل من 50 الف لغاية 55 الف
ولو هى اوتو موديلات التسعينات ومتسقط فيها موتور 2000 سي سي ايكوتك تعمل من 50 الف لغاية اواخر الخمسينات

وكل الكلام دة اخونا الفاضل عمرو السيسي هاينقحة ويراجعة والكلام الفصل لية