استغاثه اوبل كورسا 1200 97

[Ahmed Attia]

المشاركة الأصلية كتبت بواسطة محمد عماد الدين انا حصلت معايا نفس المشكلة بالظبط من حوالى 10 شهور والميكانيكى جالى البيت لانها ما كانتش عايزة تدور وغيرلى البوجيهات واشتغلت الى حد ما كويسة بس ما تظبطتش غير لما خلصت تقريبا كل البنزين اللى فى التنك وحطيت بنزين غيره..فأحسنلك فضى التنك من البنزين اللى فيها لان واضح انه مغشوش وممكن يبوظلك الدنيا ومش شرط تحل التنك ممكن تفك غطا العوامة (تحت الكنبة اللى ورا) وتسحب البنزين بخرطوم وبعدين تنشف البواقى بسفنجة وتغسل ببنزين مش مغشوش وبعين تحط البنزين الجديد ..فك برضه البوجيهات ونضفها باى اسبراى بيشيل الكربون وبقماشة لانه هتلاقيه اتوسخ جامد نضفه كويس وبعدين جففه كويس يستحسن بسيشوار بالهوا الساخن لو فيه فى البيت ..يا ريت كمان لو تعرف تنضف الموبينة باسبراى ما يكونش زيتى ذى AKAI الازرق او اسبراى الانجكشن وتجففها كويس هيتحسن الحرق بشكل كبير وان شاء الله الامور هتنظبط معاك انا للاسف اتكررت معايا نفس المشكلة تانى اول امبارح ومن نفس البنزينة بعد ما كنت مقاطعها وجبت الميكانيكى برضه البيت والمرة دى كانوا غاشين البنزين 92 بسولار ..وحسبى الله ونعم الوكيل

الف شكر لحضرتك يا استاذ محمد انا هجرب اللي حضرتك قولتلي عليه واشوف كده
وهو فعلن موضوع البنزين ده حاجه زي الزفت حسبي الله ونعم الوكيل فيهم الواحد مبقاش عارف يعمل ايه والله

[محمد عماد الدين]

ايه الاخبار يا استاذ احمد يا رب تكون المشكلة اتحلت ..وانا نسيت اقولك تنضف برضه الاسبراتير تفك الوش عن طريق الكلبسين المعدنيين اللى مثبتينه وتنضف شاكوش الاسبراتير (المركز والطرف) وبرضه الاربع اطراف النحاسية اللى فى وش الاسبراتير (نقاط التلامس يعنى) باسبراى تنضيف (مايكونش فيه زيت) وقماشة لما بعمل كده عندى الحرق بيبقى ممتاز والمحرك بيدور فى لحظة حتى لو كان بارد فى الشتا .. وعامة تنضيف اماكن التلامس او الاتصال على طول الدائرة الكهربائية باسبراى تنضيف بيحسن الامور بشكل كبير بس ما تدورش غير لما تكون كل حاجة جفت تماما وده مش بياخد وقت كبير دقائق يعنى

[محمد فيصل]

بنزين 80 هلاك لمثل هذة النوعية من السيارات

[Ahmed Attia]

المشاركة الأصلية كتبت بواسطة محمد عماد الدين ايه الاخبار يا استاذ احمد يا رب تكون المشكلة اتحلت ..وانا نسيت اقولك تنضف برضه الاسبراتير تفك الوش عن طريق الكلبسين المعدنيين اللى مثبتينه وتنضف شاكوش الاسبراتير (المركز والطرف) وبرضه الاربع اطراف النحاسية اللى فى وش الاسبراتير (نقاط التلامس يعنى) باسبراى تنضيف (مايكونش فيه زيت) وقماشة لما بعمل كده عندى الحرق بيبقى ممتاز والمحرك بيدور فى لحظة حتى لو كان بارد فى الشتا .. وعامة تنضيف اماكن التلامس او الاتصال على طول الدائرة الكهربائية باسبراى تنضيف بيحسن الامور بشكل كبير بس ما تدورش غير لما تكون كل حاجة جفت تماما وده مش بياخد وقت كبير دقائق يعنى

استاذ محمد الف شكر لمتابعة حضرتك معايا انا بس المشكله في ضغط عندي في الشغل جامد وبرجع متأخر فانا ناوي ان شاء الله يوم الجمعه بأذن الله هعمل حملة نضافه كده هغير البوجيهات ان شاء الله وهجيب ngk وهنضف البوابه والرشاش والايدل وهعمل نضافة الاسبراتير اللي حضرتك نبهتني ليها وهغير فلتر الهواء وبالنسبه لفلتر البنزين انا لسه مغيره بقالي اسبوع برضه ان شاء الله هفكه وانضفه برضه واشوف كده ان شاء الله وهتابع معاكوا هنا
وربنا يجزيكوا خير ان شاء الله ويجعل مساعدتكم في ميزان حساناتكم ان شاء الله

[Ahmed Attia]

المشاركة الأصلية كتبت بواسطة محمد فيصل بنزين 80 هلاك لمثل هذة النوعية من السيارات

فعلا بنزين 80 ده ضيااااااااااااااااااااااا اااااااااااع وربنا يستر ان شاء الله ومش هعملها تاني
والف شكر لمشاركتك يا هندسه