مشكلة كبيرة فى المرور ومش لاقيلها حل ارجوووووووووو المساعدة من الخبرة

[bunnybunny77]

ادي الامين اي حاجة و خلليه يصورلك الرخصة و بعدين روح هات ورق الموتور

[gahloos]

ما عالش حاأسأل سؤال بعيد عن الموضوع . بس أنا مش فاهم إيه مخالفة الزينون . يعني إيه ؟

[ابن فنان]

سبحان الله وبحمده..... سبحان الله العظيم

[محمد حلمي1]

أنا كنت في مشكلة المتور دة من فترة المهم رحت للراجل الي اشتريت منة المتور وكان معاية الفاتورة القديمة وكانت مش بأسمي فطلبت منه يغير لي الفاتورة ويبعت الإفراج على المرور الي انا هرخص فية وأخد مني بيانات السيارة وأخد مني 100 جنية وبعد يومان رحت لية وأخذت منه الفاتورة الجديدة ورحت المرور فقالو لي أستنا شهر على ما الإفراج يجي وبعد ثلاثة أسابيع رحت لقيت الإفراج وصل ورخصت السيارة وبدون ما أحتاج الرخصة

[mostafakamal]

المشاركة الأصلية كتبت بواسطة maxvan السلام عليكم انا هخش فى الموضوع على طول من اسبوعين اتسحبت رخصة العربية بتاعتى زينون على يد مقدم شايف شغلة اوى المهم اتسحبت وخلاص بعد 4 او 5 ايام الرخصة طلعت على الجيزة لان العربية مرور جيزة المهم طلعت على مرور فيصل اسئل على الرخص فقالى هناك مجتش المهم طلعت على مرور بين السريات سئالت هناك قالى اة جت فى مرور فيصل بس لازم تدفع هنا وتروح مرور فيصل تديلة الرقم الصادر عشان يعرف يجبها المهم دفعت فى مرور بين السريات 105 ودية تكلفة مخالفة الزينون وبعدين خت الوصل الى دفعت بية الى مكتوب علية رقم الصادر وطلعت عىلى مرور فيصل اديت لامين الشرطة فى الشباك الوصل قالى اة موجودة بس لازم تروح تدفع 55 جنية فى الخزنة بتوع اية معرفش المهم روحت دفعت وادانا وصل تانى بال 55 جنية ورجعت لامين الشرطة شوفت الرخص قدامى فرحت ونسيت الفلوس الى دفعت لايت المفجئة امين الشرطة بيقولى يالله روح هات ورق فحص عشان تخش تفحص !!!!!!!!!!! هنا بقة المصيبة دلوقتى انا من شهرين كنت سقطت موتور جديد فى العربية وكنت هبعت ورق المتور على المرور خلال اليومين دول عشان انا ناوى انقل مليكة على يوم 6/12 الشهر الجاى يعنى المهم دلوقتى فحص يعنى هيرفع بصمة ورقم المتور والكلام دة وانا دلوقتى معيش غير ورقة واحد وهى صورة من الافراج النهائى للمتور المصيبة الاكبر عشان اقدر ابعت ورق المتور لازم يكون معايا صورة من رخصة العربية وطبعا الرخصة مسحوبة اعملللللللللللللللللللللل لللللللللل اية بجد انا بقالى 3 اسابيع مسحول مش عارف اعمل اية

أولا لازم تصور الرخصة وده مش هيكون صعب قوي بالفلوس، ثانيا بسرعة تدي للتاجر اللي اشتريت منه الموتور صورة الرخصة وصورة من عقد البيع وصورة من البطاقة الشخصية عشان يخلص بيهم الورق في المرور والموضوع ده هيأخد على الأقل خمس شهور، عشان الورق بيروح بورسعيد الأول ويخلص من هناك ويأخد الافراج النهائي باسمك وفاتورة الشراء وبعدين يجيي الورق هنا إدارة المرور في رابعة العدوية عشان يتسجل، وبعدين يرجع تاني لبورسعيد وهناك يتسجل في دفتر والتاجر هيديك رقم الصادر للمرور وبعدين تيجي مرور بين السرايات برقم الصادر تأخد رقم تاني صادر لمرور فيصل وكل ده بيأخد وقت طويل والموضوع ده كله أنا عملته من فترة قريبة جدا