اى حد محتاج اى معلومه عن رينو

[POP EL GAMED]

المشاركة الأصلية كتبت بواسطة PinKawY معلش ياجماعة أنا عاوز أعرف لو هاغير موتور ميجان 2005 مع العلم انها عاملة 150000 كيلو وصيانة دورية..باسأل بس في أسوأ الظروف هايتكلف كام..وشكرا

معلش بس يا باشا ياريت تقولى انت عايز تغير موتور ليه على فكره مواتير رينو معمره جدا ومنصحكش تغير الموتور دلوقتى خالص

[POP EL GAMED]

المشاركة الأصلية كتبت بواسطة DrEslamMac يا جماعة انا اشتريت رينو 19 مو 94 بس الميكانيكى بيقولى الكربراتير بتاعها تمنه 5000 جنية دة لو لقيته ممكن حد يفيدنى

باشا تلاقيك انت سمعت غلط الكاربراتير بتاع ال19 الاينرجى بيعمل فى حدود من 500 ل800 مش 5000 خالص ده 5000 دول تمن مكنه كامله بعفشتها كمان

[cerato9999]

ممكن لو سمحت اعرف امكانيات رينو دستر 2010 ضرورى علشان عايز اشتريها

[mero2x2]

السلام عليكم
لو سمحت عايزاعرف عربيه clio 2002
عامله حاجه وسبعين الف كيلو
باور تكييف
تعمل كام بالظبط لانها معروضه عليه والمفرود اني اروح اشوفها
مع الافتراض ان الحاله جيده

[POP EL GAMED]

المشاركة الأصلية كتبت بواسطة mero2x2 السلام عليكم لو سمحت عايزاعرف عربيه clio 2002 عامله حاجه وسبعين الف كيلو باور تكييف تعمل كام بالظبط لانها معروضه عليه والمفرود اني اروح اشوفها مع الافتراض ان الحاله جيده

2002 يعنى ال1200 الموضوع بيختلف هل هى فابريكا ولا لا
والحاله نفسها محتاجه مصاريف ولا لا
ولو الحاله ممتازه هتعمل فى حدود ال40 الف
لكن بما انى مشفتهاش ولا حتى حضرتك شفتها عشان توصفها يبقى متاخدش السعر ده غير انه السعر المناسب للعربيه اللى بحاله جيده جدا لكن بالنسبه للعربيه اللى حضرتك بتتكلم عنها ياريت تروح تتفرج عليها الاول وبعدين تقولنا وربنا يوفقك