مشكلة كبيرة فى المرور ومش لاقيلها حل ارجوووووووووو المساعدة من الخبرة

[tarek elbadry]

السلام عليكم
حضرتك مخالف زينون ها يعرف منين انك شيلت الزينون الا لما يشوف العربة والفحص مبيبقاش فحص كامل يا عنى لو العربية مخالفة امن ومتانة مثلا كاوتش ممسوح تفحص موتور لاطبعا انتة مش بتجدد انتة ها يراجع المخلفة ها يشوفك شلت الزينون ولا سيبو
انا كانت مسحوبة الرخصة امن ومتانة فانوس خلفى مكسور رحت فحصت الفنوس بس
بس الكلام دة من زمن معرفش طلعو بنظام جديد ولا لا حاول تسئل اى حد هناك قبل ما تدخل العربية وان شاء الله خير

[aymanay32]

المشاركة الأصلية كتبت بواسطة gahloos ما عالش حاأسأل سؤال بعيد عن الموضوع . بس أنا مش فاهم إيه مخالفة الزينون . يعني إيه ؟

الزينون ببساطة اللى بتشوفه فى بعض السيارات فى الكشاف العالى الشديد اللى تحس انه لما يضرب فيك بيعميك ثوانى و ما بتشوفش كويس تانى غير بعد فترة لان العين بيكون الحدقه بتاعتها ضاقت و بتاخد وقت على ما ترجع توسع تانى


اما بالنسبة للمشكلة دى فحلها لو الموتور القديم عندك خد منه البصمة على الورق بتاع الفحص و ادى الفنى اللى بيفحص بقشيش و قله البصمة دى بتاعة الموتور و مشى الموضوع كدة او تصبر و تمشى بوصل سحب الرخص لحد ما تخلص موضوع الموتور و كل ما تقابلك لجنة طلع الوصل و قولهم مش لاقيين الرخص فى المرور او لسة ماوصلتش او اى عذر او 20 جنية

[maxvan]

يشكرا على ردودكم بس انا هرد على واحد واحد

اولا بالنسبة لان اروح اديى الامين فولس عشان اصور الرخصة المشكلة ان الموضوع دة لما اخد الرخصة هياخد وقت عقبال لما ورق المتور يجى ودية مشكلة لان انا داخل على فترة امتحانات فى الجامعة ومش هينفع امشى من غير عربية لان الطريق يعتبر سفر

وبالنسبة للاخ الى بيقول ان العربية تخش فحص زنون بس كلامك صح بس زى ماتقول موضوع البصمة ورقم الشاسية دة عبارة عن شىء اساسى فى كل الفحوصات

ياجماعة انا عاوز حل يدينى الرخصة فى ايدى دلوقتى

طب سوال

هل صورة الافراج الى معاية دية تنفعنى فى حاجة دلوقتى زى مثلا اقدر اقولهم انى اشتريت الموتور بس ورقة لسة متباعتش فا ممكن يفحص فحص موقت على المتور الجديد عقبال لما الورق يجى ؟؟