طلمبة البنزين

[maka]

بارك الله فيك باشمهندس سمير و ازادك من علمه

[samirayad]

الله يخليك

ياهندسه

[aymanay32]

المشاركة الأصلية كتبت بواسطة samirayad أحد الأجزاء الهامه فى دواير البنزين هى طلمبة البنزين - تستخدم طلمبة البنزين من النوع الكهربى مع محركات الحقن الألكترونى - تركب طلمبة البنزين عادة داخل تنك البنزين - تقوم الطلمبه بسحب البنزين مرشحا مبدئيا من التنك وأرساله تحت ضغط تصميمى مقنن إلى مسطرة تثبيت الرشاشات عادة بيكون ضغط طلمبة البنزين فى الحدود من 30 إلى 85 رطل / بوصه المربعه بتقنن قيمة الضغط الازم لطلمبات البنزين حسب نوع الرشاشات وتصميم دايرة البنزين على أساس تسطيع الرشاشات من ضخ البنزين فى صورة شكل منشورى مزرر وبضغط يتناسب مع جعل عملية الحريق تسير على الوضع الأمثل _ قيمة الضغط الخاص بالبنزين الذاهب من الطلمبه للرشاشات بيؤثر بطريقه أيجابيه على سلوك عملية الحريق 1- ضغط قليل يجعل المحرك يعطى قدرة ضعيفه من خلال الحريق السيىء لمخلوط الهواء والبنزين وقد تشعر برجرجه وهزه أو رعشه فى آداء عملية الحريق 2- ضغط كبير يجعل صوت المحرك عالى عن الطبيعى مع ملاحظة أستهلاك عالى للبنزين وخروج عادم كثير من نهاية خط الشكمان _________________________ _________ كما سبق وذكرنا فأن الطلمبه عادة تركب داخل تنك البنزين ....على الرغم من أن بعض أنواع تصاميم دواير البنزين من الوارد أن تجد الطلمبه مركبه خارج تنك البنزين - أيضا بعض أنواع السيارات من الممكن أن تجد لدائرة البنزين الخاصه بها عدد/ 2 طلمبة بنزين _ أحدهما داخل التنك .....وخاصه بنقل البنزين من التنك وأرساله الى الطلمبه الثانيه بضغط مبدئى بسيط .....بتسمى أحيانا بطلمبة تعزيز للضغط - الثانيه بتركب خارج التنك وهى الطلمبه الرئيسيه بتركب فى مكان مناسب قبل الفلتر الرئيسى _________________________ __________ وجود طلمبة البنزين داخل التنك يجعل آداء الطلمبه هادئا والصوت الصادر من الطلمبه أكثر نعومه جعل منسوب البنزين بالتنك قليلا ( تقريبا أقل من ربع الكميه المقرره لسعة التنك ) يؤثر بالسلب على العمر الأفتراضى لطلمبة البنزين حيث وجود الطلمبه مغموره كاملة داخل وسط بترولى كا البنزين بيساعد على عملية تبريد وتزييت القلب الداخلى الدوار للطلمبه عادة بيتم تركيب منظومة تحديد كمية البنزين بالتنك على جسم الفارغه الخارجى لطلمبات البنزين عوامه + كارتة مقاومات بتسمى وحدة أرسال على أساس بتتغير قيمة المقاومه مع أرتفاع وصعود العوامه بالتنك ومن هنا بيتم تقليل أو تزويد قيمة الفولت الكهربى الذاهب لحركة مؤشر البنزين بلوحة العدادات الموجوده بالتابلوه أمام سائق السياره ____________________ أستراحه بسيطه ويتبع بإذن الله

انا عربيتى سوزوكى ماروتى هل بها طلمبة بنزين و لا راداخ بنزين عند الموتور انا كربرتير مش رشاشات

[samirayad]

انا عربيتى سوزوكى ماروتى هل بها طلمبة بنزين و لا راداخ بنزين عند الموتور انا كربرتير مش رشاشات

غالبا مع أنظمة الكربوراتير التقليديه بتكون وسيلة ضخ البنزين للكربوراتير

عباره عن رداخ بنزين ميكانيكى

يعمل بنظرية الطلمبات الموجبه positive displacement pump

عموما لو مبتسمعش صوت زنة التحضير مع فتح الكونتاكت السنه إللى قبل سنة المارش

يبقى عندك رداخ فى الماروتى

[السقا]

الله ينور يا باشا .. طيب هو ممكن الطلمبة يحصل فيها مشكله مثلا انها تضعف لكن مستمرة في الضخ ؟
بمعنى ان هل ممكن ان يحصل مشكلة في الطلمبة وتحس بخنقة في العربية وتسمع صوت زنة الطلمبة طول الطريق وتحس ان العربية عايزة تدوس بنزين اكتر علشان تتحرك ؟