موسوعة أعطال اللانسر

[سمسمة]

سمعت صوت في السيارة من الامام زي ونه سمعتها وانا مسافرة ولما رجعت رحت للميكانيكي قالي ان رومان بلي الكرونةعاوز يتغير وسيارتي لانسر90 هل الكلام ده مممكن يكون مظبوط وهل في كرونة في الانسر 90 ياريت تفيدوني علشان لسه معملتش حاجه

[أحمد م ذ]

أنا عندى سيارة لانسر 2007 أتوماتيك 1600 فى رزعة فى الفتيس عندما تأخذ حركة الدى أو المرشدين رزعة جامدة وعند طلوع السيارة تكون بطيئة جدا كأنها طلعة على الثالث وبعدين تمشى كويس ياريت الرد

[mohamedway]

السلام عليكم
عربيتى بومه 1600 مانيوال
عندى مشكلة ظهرت من كام يوم (بعد تفويلة بنزين) خلال أزمة البنزين اللى موجودة اليومين دول وطبعا مونت بعد طابور طويل!(بنزين 92)

المهم.................
أول ما بدور العربية الصبح وهى باردة تدور لمدة ثانية أو ثانيتين على الأكثر وهى مخنوقة وتروح مبطلة وبعدين لما بدورها تانى تدور عادى والـRPM بيبقى عالى زى الطبيعى بتاعها وهى بارده ومفيش أى ملاحظات أو اختلافات تانية طرأت على العربية والسحب زى الفل وصوت الموتور ناعم وكله تمام ولو بطلتها بعد كده تانى ودورت بتدور علطول؟!!!!!

مع العلم انها كانت بتدور فى عز البرد بسرعه ومن أول مرة؟!!

أنا شاكك فى البنزين لأن ده حصل بعد التفويله تانى يوم الصبح علطول ومن ساعتها بيحصل كل ما أكون سايب العربية فترة طويلة وتكون باردة.......وأنا هتأكد من شكى ده لما البنزين ده يخلص وأحط غيره من محطة تانية.....


سؤالى لأعضاء المنتدى الكرام وللبشمهندس نيسان من التوكيل..........
لو استمر العيب ده ممكن يكون سببه ايه وهل ممكن يتطور أكثر وايه الحل؟ مع العلم بأن البوجيهات وفلتر الهواء وفلتر البنزين متغيرين قريب أصلى من شركة مصرية (من حوالى 15000كم)

أرجو النصيحة.................

[mohamedway]

المشاركة الأصلية كتبت بواسطة mohamedway السلام عليكم عربيتى بومه 1600 مانيوال عندى مشكلة ظهرت من كام يوم (بعد تفويلة بنزين) خلال أزمة البنزين اللى موجودة اليومين دول وطبعا مونت بعد طابور طويل!(بنزين 92) المهم................. أول ما بدور العربية الصبح وهى باردة تدور لمدة ثانية أو ثانيتين على الأكثر وهى مخنوقة وتروح مبطلة وبعدين لما بدورها تانى تدور عادى والـRPM بيبقى عالى زى الطبيعى بتاعها وهى بارده ومفيش أى ملاحظات أو اختلافات تانية طرأت على العربية والسحب زى الفل وصوت الموتور ناعم وكله تمام ولو بطلتها بعد كده تانى ودورت بتدور علطول؟!!!!! مع العلم انها كانت بتدور فى عز البرد بسرعه ومن أول مرة؟!! أنا شاكك فى البنزين لأن ده حصل بعد التفويله تانى يوم الصبح علطول ومن ساعتها بيحصل كل ما أكون سايب العربية فترة طويلة وتكون باردة.......وأنا هتأكد من شكى ده لما البنزين ده يخلص وأحط غيره من محطة تانية..... سؤالى لأعضاء المنتدى الكرام وللبشمهندس نيسان من التوكيل.......... لو استمر العيب ده ممكن يكون سببه ايه وهل ممكن يتطور أكثر وايه الحل؟ مع العلم بأن البوجيهات وفلتر الهواء وفلتر البنزين متغيرين قريب أصلى من شركة مصرية (من حوالى 15000كم) أرجو النصيحة.................

بعد تفويل بنزين مرة أخرى من محطة أخرى العربية بقت تمام والمشكلة راحت وشكرا على الردود اللى ما جاتش لمدة اسبوع بحاله ولكن عزائى ان اكيد التجربة هتكون مفيدة لأعضاء المنتدى.

[mhesham]

السلام عليكم
انا عندى لانسر بومه 2006 1300 cc وعامله 155000 كيلو صوتها عالى جدا و سحيتها قلت و استهلكها للبنزين 10 لتر لكل 100 كيلو من غير تشغيل التكيف و هى اوتوماتيك و لم اغير فلتر البنزين ابدا
ارجو الافاده و شكرا