لانسر 2001 ولا فيرنا 2010 او لانوس 2010

[بدر بسيونى]

بس لو اركب يابانى اركب عربية ماشية 8 سنوات ليه الجديد جديد على الاقل مش حتحتاج تصلح لفترة طويلة باذن الله وبالنسبة للمقارنة بين الفيرنا والانوس الفيرنا تكسب بلا ادنى شك

[MEMOO_1ST]

انا بردو رأيي الجديد جديد بردو حتى لو كوري والمستعمل ياباني وأنا رأيي الفيرنا أحسن من اللانوس.

[محمد زكي]

مش عارف ليه حاسس اني معترض معاكو شويه يعني مثلا اكيد البي ام المستعمل احسن من الانسر بس طبعا استعمال كويس نفس الموضوع اكيد التويوتا المستعمل وبقول التويوتا تحديدا عشان مندخلش في دوامة الانسر رغم اني بحب الانسر المكوه جدا لكن التويوتا المستعمل استعمال نضيف اكيد احسن من الفرنا والانوس وده عن تجربه اخويا معاه تويوتا عيون 98 عربيه تحفه بحب اركبها اكتر ما اركب الانسر ال 2008 بتاعة الحج . ولكن في النهايه اكيد الجديد احسن في حالة عدم وجود مستعمل بجوده عاليه .
كنت عايز اضيف حاجه اكيد عربيه بقالها 10 سنين سعرها بنفس سعر العربيه الجديده يبقي اكيد هي عربيه افضل من العربيه الجديده ودي نظريه بسيط جدا يعني .

[Abu_mazen]

الجديد جديد ،مع أحترامنا الشديد عربية مستعلة من 9 سنين سواء ياباني أو كورى ولا الماني حتى أكيد عايزه تظبيط تغير سيور مثلا ديسك واسطوانة دبرياج بعد شوية الموتور مش عارف عايز أأيه ، العفشة وحوارتها وطبعا مش ضامن صاحبها كان مهتم وبيصرف على عربيته وبيعمل سرفيس عليها كل فترة ولا ايه وكان بيركب ليها القطع الاصلى ولا بيركب التجارى ومشي حالك علشان هتتباع ،(قصص وافلام للمستعمل )، طبعاً إلا من رحم ربي بخلاف الجديد الزيرو أول يد خلاصة الكلام ممن تمشي معاك 7-9 سنين وانت مريح بالك يدوب الصيانة فى ميعادها وخلاص 0

يعني خلاصة الكلام الجديد يريــح بــالك ، والمستعمل يوجــع دماغــك