#1
|
|||
|
|||
انا كرهت الجولف وندمت اني جبتها
السلام عليكم يا شباب
انا كنت بعشق حاجه اسمها جولف 2 وكنت اتمنى اركبها والحمد لله ربنا كرمني وجبت عربية جولف 2 موديل 1986 1800 سي سي انجشكن من ساعة ما اخدتها وهي فاتحه بقها بقالها معايا اسبوعين ومش عارف اركبها اول ما استلمتها من صاحبها ومشيت بيها سلك البنزين اتقطع وبعدين صاحبها مديهالي وقالي ان كهربة الموتور عاوزة تتظبط وحسسني ان الموضوع بسيط ، كانت بتكركر وبتنتش والار بي ام عالي بيبقى عند 10 وبيقعد يعلى ويوطى وديتها للميكانيكي قالي الايرفلوميتر (الافوميتر) حد لعب فيه ولازم يتغير، وفيه بوابة بنزين المسمار اللي هيرجلش منه متطبب وشكله متشال فلازم تتغير علشان يظبط منها وقالي ان شاء الله هتتظبط سبتهاله قعدت عنده 4 ايام ورجعت اخدها قالي انا غيرتلك ايدل واير فلوميتر وبوابة ورشاشات علشان طلعت بتسرب وتيل قدام وشدلي الفرامل وقالي خد العربية جربها بس فيه حساس هواء بدورلك عليه ، قالي وانت بتدور فيه فيشه هتركبها وبعد ما تدور تشيل الفيشة هتلاقي العربية صوتها وطي والار بي ام هيوطى وفعلا بقا عند خمسة انا خدت العربية لقيتها فعلا فاقت وبقت تجري اكتر الحمد لله، رحت وانا مروح من ميدان لبنان حطيت فيها صفيحة بنزين 92 روحت لشبرا الخيمة وصحيت الصبح روحت مدينة نصر ورجعت الصفيحة كانت خلصت ، وكنت شغلت العداد علشان احسب بتعمل كام كيلو في الصفيحة العداد كان قاري 68 كيلو متر انا حاسس انها مش بتاكل بنزين بس لاء دي غول بنزين ومش هلاحق عليها ، دا خراب بيوت غير انها كانت بتدور بعد فترة وبتبطل وانا ماشي ، وفجأة قطعت بنزين قعدنا نلف وندور ونبص عالطلمبتين ونبص على دايرة البنزين وبعدين لقينا فيشة جنب فلتر البنزين من تحت مهزوزة رحت مكلم الميكانيكا قالي هتهالي وديتهاله وبقالها يومين عنده انا صارف لحد دلوقتي 1500 جنية والعربية مش عايزة تتظبط الميكانيكي ده اسمه سيد فكر في ميدان لبنان هو بتاع فولكس وجولف، والراجل كلامه كويس ومحترم وبحس انه واثق من نفسه بس انا فلست والله وداخل عالعيد مديون ومفيش في بيتي غير 200 جنية انا فعلا كرهت الجولف، يارتني ما جبتها، وحسبي الله ونعم الوكيل في اللي بعهالي معلش طولت عليكوا، ولو حد عنده معلومة تفيدني ياريت ميبخلش عليا بيها شكرا مدحت شوقي التعديل الأخير تم بواسطة hazem_khidr ; 06-09-2010 الساعة 05:30 PM سبب آخر: برجاء مراعاه اللكتابه الصحيحه للفظ الجلاله |
#2
|
|||
|
|||
رد: انا كرهت الجولف وندمت اني جبتها
الألماني معروف، عايز إلا يصرف عليه، ولذلك يستحب إذا أردت الألماني أن يكون زيرو أو استعمال خفيف جدا.
لكن مش عايزك تتشائم لأن أي عربية مستعملة بتبقى مع حد عايز يبيع بيهمل فيها وما بيرضاش يظبطها عشان هيبيع، بيقول: إلا هيشتري يظبط هو؛ لأنه عارف دائما إن إلا بيشتري بيبقى كل همه حالة الفبريقة وما بيهتمش أوي بالتفاصيل الصغيرة. عموما إنت هتتعب شوية في الأول وبعد ما تظبط البايظ فيها هتستريح إن شاء الله، كلنا عملنا كدة ما تقلقش، ومعلش على المصاريف، هو الألماني قطع غياره غالية شوية. لكن نصيحة: اوعى تكره العربية وتفكر في البيع؛ لأن ده هيضاعف الخسارة، حاول تصبر وتظبطها وإن شاء الله هتستريح. وربنا يوفقك |
#3
|
|||
|
|||
رد: انا كرهت الجولف وندمت اني جبتها
معلش متحاولش تعقد نفسك وشوفلها بيعه وبيعها واخلص من الهم ده لان الالماني لما بيفتح بقه انسي انه يتقفل تاني
وهاتلك حاجه كدا علي قدك وتكون قطع غيارها رخيصه وموفرة |
#4
|
|||
|
|||
رد: انا كرهت الجولف وندمت اني جبتها
متعرفش طيب ميكانيكي كويس، وعنده ضمير وسعر حنين
وهل موضوع البنزين ده ليه حل؟؟ |
#5
|
||||
|
||||
رد: انا كرهت الجولف وندمت اني جبتها
ربنا يكون فى عونك ويخلصك منها على خير
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
|