متعة المشى فى الحارة الشمال براحة

[abu_ruqayyah]

المشاركة الأصلية كتبت بواسطة نورن لول خلي دائما الناس تتعلم من سلوكك على الطريق اوعى تاخد سلوك حد

انا بتعلم جديد وعجبني جدا التعليق دا وانا عن نفسي اللى عايز يعدي بخليه يعدى ولو فى حد مش عارف يخرج من ركنة بقف وبخليه يطلع براحته - على الرغم انى بسمع كلاكسات الدنيا ورا ودانى - بس بحط نفسي مكانه ولو حد برضو عايز يمشي فى الشمال بروح مركز شوية اكتر ولافف بوشه لفة سريعة اشوف فى حاجة فى اليمين ولا لأ وبروح معديه وأغلب المشي بتاعى على الدائرى او الطرق السريعة نسبيا بكون ماشى فى النص عشان اليمين بحس انه صعب قوى والشمال بحس ان التسارع فيه خطر جداااااااااااااااااااا فبلاقي نفسي تلقائيا ولوحدى وبدون ترتيب او اصرار على حارة معينة بمشي فى كل الحارات وبتنقل ما بينها بعقل والاغلب للحارة اللى فى النص

[magdy m.s]

المشاركة الأصلية كتبت بواسطة dr_eslam_66 والله أنا مش عارف الموضوع دا كبير ليه كدة على الفاضي يا جماعة الخير يمين إيه وشمال إيه الي بيخلي باله من العربية (هوا فيه شمال بيخلي باله من العربية). معظم الطرق السريعة (أنا بقول السريعة) الي فيها حارات بقى والناس بتجري هناك والكلام ده تلات حارات وكتف للطريق في اليمين الجزيرة من الشمال ياعام الي بيركن يركن في كتف الطريق والي بيجري يمشي شمال والي بيتعلم يمشي يمين والسايق عادي يمشي في النص. الفكرة بقى في تكبير الدماغ (خليك إنتا الكبير), ياعني أنا لو شايف إني بجري وأنا في الحارة الي في النص والطريق سامح إيه المشكلة وقفت الحارة دي ولا لقيتها أبطأ مني هاخد الشمال ولو لقيت حد سرعته أكبر مني يا هزود السرعة وأهو نسلي بعض بدل الملل يا إما بمنتهى البساطة هتناساه لمدة ثواني بس لما يميني يفضى وهعديه عادي ياعني ما علّمشي عليا هوا كدة ياعني دا هوا إستأذني برعاش وأنا مامانعتش أول مالقيت فرصة عديته وممكن أديله إشارة يمين بفترة أقوله إني مستني الطريق يفضى ماتصربعناش الصبح. لو أنا بجري بسرعة ولقيت حد في الشمال ماشي أبطأ مني (وأنا ما قولتش بطيئ) لأني العملية نسبية هديلة نور بماسفة كافية مرة وإتنين وتلاتة لو لاحظت إنه مطنش ويمينه فاضي يعديني بمنتهى البساطة هعديه من اليمين بس وانا راجع آخد شمال تاني هاخدها ديقة شوية عليه علشان المرة الجاية يبقى يتعلم يبص في المراية ومايعملشي نفسه أعمى (بس الي هوا مش هفرمل وأذله والشغلانة دي ياعني) أما لو مافيش فرصة آخد غرزة من يمينه يبقى قولولي إنتوا بقى أتنرفز عليه وكلاكسات ونور ليييييه هوا لو كان فيه مكان يمينه مش كنت عرفت آخده أنا وأطلع منه ياعني الراجل هيعملي إييييه ينقل يمين ويدوس فرامل علشان أنا مش عايز أدوس فرامل لا كدة يبقى كتير يبقى ساعتها واجب عليك تستناه لحد مايثبت إنه عامل عبيط وساعتها آخد انا يمينه زي ما إتفقنا.

انا مع هذا التصرف العقلاني لابد ان اعذر الناس ولا انصب نفسي قاضيا عليه واقوم بالحكم وايضا التنفيذ في نفس الوقت وعلي الطريق-اذا كنت انا باعتب عليه في تصرفه فهل يعقل اتخطاه وافرمل امامه واعرض حياته وحياتي والاخرين للخطر ما تقييم هذا التصرف -ويجب ايضا ان اراعي اذا كانت سرعته هي السرعة القصوي للطريق فليس من حقي ان اتخطاه فنفذها بدون مساعدته لك هو الصح وانت المخالف فان وسع لك واخذ اليمين قد تكون سرعة اليمين اقل منه ومن ثم فقد اجبرته علي تقليل سرعته في مقابل ان يساعدك علي المخالفة وتخطي السرعة القصوي

[mar mar]

:14FEAD~1 51:

[azeweel]

مش عارف ليه برتاح نفسياً وانا بمشى فى المنتصف؟ ومبحبش أروح الشمال الا لما أحب أتخطى سياره فقط وأرجع فى النصف تانى أوتوماتيكياً بس المهم انى مروحش أمشى فى اليمين مش هبقى مرتاح هل ده كده كويس؟حد يطمنى

[dr.wael7yran]

لو الطريق السرعة عليه 90 ..
و اللي ماسك الشمال ماشي على 90 ..
يبقى ده معناه انه ماشي على السرعة القصوى ..
كون انه في واحد له مزاج يمشي على اكتر من القانوني ..
يبقى بقى يعدي بمزاجه ..
و حاجة كمان مهمة لو سمحتم ..
لو شفت سواق الاسعاف فاضي و مشغل السرينة..
توسعله بسرعة و اكتر من لو شفته معاه مريض ..
لأنه رايح يجيب واحد مريض ..
احنا لما بنطلع في العربية بنبقى قلقانين جدا ..
لأننا موش عارفين المريض اللي احنا رايحله ده حالته عاملة ازاي ..
مستقرة و لا حرجة و لا بيموت و لا كويس و لا ايه بالظبط ..
و علشان كده بنبقى عايزين نسابق الزمن علشان نوصله ..
و ساعات كتير لما بنشوف المريض و نسعفه ..
حالته بتستقر و مبنبقاش مستعلجين اوي في الوصول للمستشفى ..
فلو سمحتم حكاية انه سواقين الاسعاف بيشغلوا السرينة علشان يوسعوا لنفسهم موش صح خالص ..
ده بيبقى رايح يجيب عيان ممكن يكون بيموت ..
فلما تسمع سرينة الاسعاف .. و سع و زنق على الناس علشان هو يمر ..
و تقبلوا سلامي..