مساعده فى لمبة الزيت

[khaled_sabry]

و بالنسبه لغطاء التاكيهات ... فلما كنت بظبط التاكيهات و دورت قبل ما نركب الغطاء تانى
الزيت كان بيوصل عادى ليهم و ادلق شويه و نزل على فرن الشكمان كمان

[mr_astra]

المشاركة الأصلية كتبت بواسطة khaled_sabry معلشى بس اسمحلى اخالفك الرأى هنا انا كان عندى تويوتا كورولا 1978 قبلها و كان عادى لما السلانسيه بيوطى اوى كانت لمبة الزيت بتنور قبل الدينامو انا ماعرفتش الحكايه دى فى البيجو لان مافيهاش RPM اصلا لكن لما بدوس بنزين و ارجع الموتور لصوته الطبيعي اللمبه بتطفى تانى

لو حضرتك عندك عربية تانية
وشلت كابل البوبينة عشان ما تدرش

واعدت تدور بالمارش وبصيت على لمبة الزيت هتلاقيها طفية مش منورة .....فما بالك بقى بموتور داير مهما كان السلانسية بتاعة واطى

لسة فى مشكلة صدقنى

[Hisham.Elgazzar]

المشاركة الأصلية كتبت بواسطة mr_astra لو حضرتك عندك عربية تانية وشلت كابل البوبينة عشان ما تدرش واعدت تدور بالمارش وبصيت على لمبة الزيت هتلاقيها طفية مش منورة .....فما بالك بقى بموتور داير مهما كان السلانسية بتاعة واطى لسة فى مشكلة صدقنى

راجع على ساعة الزيت والفلتر لو بايظ غيره ومافيش مانع نراجع على ترس مناول مكنة الزيت مش هنخسر حاجة
مكنة الزيت لو سليمة وضغطها حلو ونتا بتدور العربية هتكون طفت
لكن هو احتمال تكون الساعة او الفلتر
وياريت تظبط مسمار الهوا مع الإسبراتير عشان العربية ماتبرجلش فى الصلانصيه

[melkhayat83]

المشاركة الأصلية كتبت بواسطة mr_astra لو حضرتك عندك عربية تانية وشلت كابل البوبينة عشان ما تدرش واعدت تدور بالمارش وبصيت على لمبة الزيت هتلاقيها طفية مش منورة .....فما بالك بقى بموتور داير مهما كان السلانسية بتاعة واطى لسة فى مشكلة صدقنى

معلش بقي انا الي هاتقل عليك شويه في الموضوع ده لأني عاوز افهم لأن الموضوع ده لسه حاصل معايا حالا قبل كده الفلتر الي كان في العربيه قديم وزفت وصاحب العربيه القديم تقريبا ماغيروش من سنه فاتت المهم بعد ماغيرت الزيت والفلتر الدنيا بقت تمام وبعدها بيوم ظهرت مرة واحده واختفت لحد ماعملت بالزيت دلوقتي حوالي 1600 كيلو طيب ايه الي بيحصل
طول مانا ماشي او بجري الدنيا تمام اول ماهدي تماما علشان اققف واوصل لل rbm السلانسيه وهوب rbm ينزل ل 500 مثلا وفي نفس الوقت اللمبه تنور لمده ثانيه وفضلت قاعد جنبها دلوقتي ساعه وهي السلانسيه علشان تعملها تاني ولا الهوا
ياتري تفسير ده ايه وعاوز اسالك حاجة كمان
- ايه العلاقه بين ان لمبه الزيت بتنور وفي نفس الوقت الrbm ينزل واول مايعلي تختفي الموضوع كله انت فاهم مش بياخد اكتر من ثانيه واحده
- يعني ايه سبيكه كرنك بتهرب زيت ( وهل في حالتنا دي احنا بنتكلم في الأحتمال ده)
- طرمبه الزيت ضعيفه ( يعني هي بتبقي ضعيفه شويه وقويه شويه ) دي برده مش فاهمها
- هل انا تنور لمده ثانيه وتختفي بقيت اليوم ويمكن تفضل اسبوع او اتنين ده معناه ان في مشكله برده
- الوضع ده امان ولا مش امان يعني اتعايش معاه وخلاص ولا ايه
ومعلش تقلت عليك بس انا حابب افهم الموضوع صح

[محمدصلاح القاضى]

هو احسن الحلول
للموضوع دا

الصبح
وانت بتدور العربيه
افتح غطا الزيت من فوق
ودور وبعدين بص على فتحه الغطا هيبان الزيت بيطلع بعد اد ايه ؟؟
هو اقصى زمن ليه 45 ثانيه لو اتاخر
يبقى لينا حلين
الاول وهو الاسهل والايسر
انك تغير فلتر الزيت بس قبل ما تركبه حط فيه زيت لحد الشفه وركبه
وجرب تانى يوم الصبح نفس الحوار

لو مفيش تغيير
يبقى هتضطر تفك كارتير الزيت وتفك الطلمبه وتكشف عليها

طبعا فى حاجه مستغربها جداااا
ان حضرتك بتقول ان العربيه كانت واطيه ومبرجله فى السلانسيه ودا كان السبب فى المشكله
لو الطرمبه شغاله كويس عمر اللمبه ما تنور ابداااا
لو مش مصدقنى جرب تشد بالعربيه 80/90
وتقوم مهدى فجأه بس مش كابس فرامل لا كأن بتهدى لحاجه بس بتكمل على الفرامل لحد ما توقف
هتلاقى لمبة الزيت نورت لوحدها