تجربتي مع بيجو 308 هاتشباك تربو

[mokastafaaaaaaaa]

انا شريت العربيه يوم 20/5/2012 و في الحقيقه كنت رايح اشتري النترا الجديده بس النصيب بقي اني اجيب البيجو انا هكتب عيوب و مميزات العربيه مع العلم انها ماشيه 16000 كم
المميزات
1. العربيه ثابته علي الأرض جداا انا بمشي 180 و لا كأني ماشي 100
2. التسارع تحفه لأن الموتور تربو
3.العربيه عاليه عن الأرض مع الحمولات التقيله
4.عفشتها جميله جداا و ناعمه
5.العربيه بتحس انها مميزه عشان نادر لما تلاقي زيها هاتشباك
6.واسعه من الداخل
7.التوكيل محترم جداا جداا هو غالي في مصنعياتو و كداا بس محترم
8. الفرامل ممتازه جداا
العيوب
1. صوت الماتور عالي شويه
2.التسارع قل بعد 10000
3.العربيه تربو لازم بنزين 95 انا بحطلها 92 و بعمل عبيط
4.الكابوت بتاعها غريب شويه لازم تتأكد من مكان كل حاجه
5. العربيه عطلت بيا وانا على الدائري الساعه 2 لأتها فصلت مره واحده اتصلت ب الطوارء بتاعت الشركه بعتولي ونش خد العربيه من مكانها واتصلو بيا تاني يوم الصبح قالولي العربيه اتصلحت طربمه البنزين بايظه وغيرناها على حسابنا و بصراحه مخدوش ولا جنيه
6.بتسحب بنزين كتير
7. انا دفعت 670 جنيه في صيانه 10000 انا شايف انو كتيير
8. بطاريه نامت مني المهم التوكيل قالي ان ضمان البطاريه ل 10000 وانا كنت معديها ف اضطريت اغيرها على حسابي في التوكيل ب 720 جنيه وبطاريه كورىى !!!! وخوفت اغيرها برا لأن علبه الفيوزات متركبه فوق البطاريه يعني لازم تتفك عشان تفك البطاريه
9. الشباك اللي ورا باظ والتوكيل غيرو علي حسابو برضو

يا ريت اكون افادتكو من الموضوع ده انا سوقت العربيه دي و عربيات كتير (سيراتو جيتز ماتريكس لانسر ) بس البيجو اللي يكسب