استفسار بخوص هايونداي فيرنا 2013 (شراء + تعديلات)

[waelsalah]

المشاركة الأصلية كتبت بواسطة tamer.koko نصيحه مني لو ناوي تعمل التعديلات دي يبقي متجبش زيرو عشان حرام هات مستعمل واصرف وضبط وكل اللي في الصور يتعمل عادي اما موضوع فتحه السقف ده بلاش خالص

كلام مظبوط
واعتقد ان كماليات الفبريكا افضل من كماليات التعديلات

[خالداعزالناس]

توكل على الله سياره جميله من هيونداى

[tamer.koko]

المشاركة الأصلية كتبت بواسطة مَـحمُـود عَـبد السَـلآم طيب حضرتك اللي هو عامله دا يكلفني حوالي كام ؟ نقول 5 الف جنيه ؟ انا مش عايز اعمل الابواب دي او فتحة السقف .. مُجرد الرسومات والفوانيس والجنوط وكدا

حتي لو من غير الفتحه و وعمل الابواب
للعلم فقط مبلغ 5000 جنيه ده قليل ومش هيعمل حاجه لسبب بسيط جدا
وهوان الجنوط الللي راكبه في الصوره اما 16 او 17 ولو افترضنا انها 16 فالطقم ال 16 بكاوتشه اقل حاجه في السعر هيعملوا 4500 جنيه

[tamer.koko]

حاول تركز اكتر وتشوف انت عاوز ايه عشان متتدفعش كتير وحد يضحك عليك
ولو ركزت شويه في صور العربيه الزرقا اللي انت عاوز تعمل زيها هتلاقيه قافل الشنطه من ورا وده هيخليك تتضطر ترش الشنطه وده حرام وهي لسه زيرو
وركز بين صور الفيرنا اللي انت حاططها وشوف الفرق بين شنطه الفيراني والزرقا ده غير الاكصدمات اللي برده هتتررش بسبب الشغل اللي انت عاوزه
ولو عملت الرفرين الاماميين زيها برده هترش رفارف قدام
التكلفه بقي بتفرق من مكان لمكان وحسب الشغل
اما موضوع الفوانيس والاستيكرات ده كلام فاضي ويتعملوا اخر حاجه
يبقي نرجع للاصل ركز اووي وحدد انت عاوز تعمل ايه وبعدها اشتري العربيه ايا كان اختيارك زيرو مستعمل وبعدها نبتدي نسأل علي الخطوات والاماكن والشغل
وعذرا لحضرتك شكلك مش فاهم اوي يبقي ياريت تاخد بناصيحنا يا اما طبعا القرار الاول والاخير ليك

[Ultramisho]

أول مرة اسمع ان فيه فيرنا تقفيل مصري ينفع معاها جنوط 16 او 17 !!! هي الصور دي من مصر اساسا؟
وتعليقي على رغبات صاحب الموضوع المحترم والمقدر هو طبعا كل واحد حر في رغباته بس يعني انا ارش رفارف واغير الاصلي علشان حته داخله لجوه شوية يعني هادفع فيها دلوقتي وهاخسر بعدين لو بعت

تعليقي الوحيد الغاوي ينقط بطاقيته
بس فعلا خليها مستعمل بقى طالما هترش كتير علشان ماتبقاش خسارة جديدة

ارجو ان تتفهم رأيي ياعزيزي
تحياتي