العودة   مصر موتورز مجتمع السيارات > السيارات الصينية والهندية > الصينى العام

الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA


إضافة رد
 
أدوات الموضوع
  #1  
قديم 05-09-2013, 10:33 PM
ahmedgis ahmedgis غير متواجد حالياً
 
تاريخ التسجيل: Mar 2012
المشاركات: 11
ahmedgis is on a distinguished road
رأى افيدونى فى الاختيار بين الشانا بنى والجيلى باندا 2013

ياجماعة انا احترت والله فى اختيار سيارة اوتوماتيك فى رنج من 60000 الى 75000 جنيه

واللى فى الاخر رسى الاختيار ما بين :
  • شانا بينى مينى اوتوماتيك 2013
  • جيلى باندا او باندينو اوتوماتيك 2013

انا هتكلم عن المعلومات اللى قدرت اطلعها عن العربيتين وهسيبكم تتكلموا عن المزايا والعيوب او اى فروق اخرى بينهم

اولا : الشانا بينى مينى اوتوماتيك

نشوف صورها الاول







نيجى بقى للمزايا:
  1. سعة المحرك : 1000 سى سى والعزم 70 حصان 2 كامة 16 صباب - يبانى سوزوكى بس تجميع صينى
  2. استهلاك الوقود : 5.8 لتر \ 100 كم وده للمانيول مش عارف الاوتو كام؟
  3. الفيتيس الاوتوماتيك : فتيس يابانى وكان راكب فى السوزوكى لوميا - مش عارف نزلت مصر ولا لاه؟
  4. تكييف قوى - باور - 4 زجاج كهرباء - سنترال لوك - مرايات كهرباء - راديو فقط مع فتحة AUX
  5. الارتفاع عن الارض : 15 سم تقريبا
  6. عدد الركاب : بيقولوا انه ممكن 5 افرد يركبوا بس انا شايف انه لو الوزان متوسطة ممكن 4 افراد فقط
  7. راحة الركاب: فى مسافة قبضة يد بين ظهرور الكراسى و ركب الركاب اللى فى الخلف يعنى مريحة
  8. الصيانة و الضمان : فى جميع مراكز خدمة سوزوكى - 3 سنوات او 100 الف كم ايهما اقرب
  9. الوكيل : الشركة العربية لتجارة السيارات - احدى شركات مجموعة سعودى
  10. السعر : 65000 جنيه
  11. سعر اعادة البيع : مش عارف بصراحة



ثانيا : جيلى باندا اتوماتيك

نشوف صورها الاول









نيجى بقى للمزايا:
  1. سعة المحرك : 1500 سى سى والعزم 86 حصان وفى الهاى لاين 94 حصان - 2 كامة 16 صباب
  2. استهلاك الوقود : 7.2 لتر \ 100 كم وده للمانيول مش عارف الاوتو كام؟
  3. الفيتيس الاوتوماتيك : 4 سرعات وموديله JL-ZA142 BSC
  4. تكييف قوى - باور - 2 زجاج كهرباء - سنترال لوك - مرايات كهرباء - راديو فقط مع فتحة AUX والهاى لاين CD\Mp3
  5. الارتفاع عن الارض : موقع بيقول 12 سم وموقع تانى بيقول 16 سم تقريبا
  6. عدد الركاب : 4 ركاب فقط
  7. راحة الركاب: مفيش مسافة بين ظهرور الكراسى و ركب الركاب اللى فى الخلف يعنى مش مريحة
  8. الصيانة و الضمان : فى جميع مراكز خدمة غبور - 5 سنوات او 100 الف كم ايهما اقرب
  9. الوكيل : غبور اوتو
  10. السعر : 75000 جنيه
  11. سعر اعادة البيع : مش عارف بصراحة

دى المعلومات اللى عرفت اجمعهم عن العربيتين وياريت اللى يقدر يقولى اشترى اى واحدة فيهم يبقى كتر خيره مع العلم انى مش عاريز عربية مانيوال لانى عارف طبعا معظم الناس هتقول ماتجيب الاسبرانزا A113 بس للاسف مافيش منها اوتوماتيك.

وملحوطة كمان العربية دى هتكون للبيت يعنى مش العربية الاساسية.

وشكرا مقدما
رد مع اقتباس
  #2  
قديم 08-09-2013, 06:05 AM
مصطفى ابوعمر مصطفى ابوعمر غير متواجد حالياً
 
تاريخ التسجيل: Aug 2012
المشاركات: 18
مصطفى ابوعمر will become famous soon enough
افتراضي رد: افيدونى فى الاختيار بين الشانا بنى والجيلى باندا 2013

لو مواصفات الشانا بيني دي حقيقية وهي فعلا سوزوكي ياباني بس تقفيل صيني ، يبقى كده تبقى عربية ممتازة، وأكيد بفرق السعر لصالحها يبقى هي تكسب المقارنة طبعا
رد مع اقتباس
  #3  
قديم 08-09-2013, 04:27 PM
ahmedgis ahmedgis غير متواجد حالياً
 
تاريخ التسجيل: Mar 2012
المشاركات: 11
ahmedgis is on a distinguished road
افتراضي رد: افيدونى فى الاختيار بين الشانا بنى والجيلى باندا 2013


المشاركة الأصلية كتبت بواسطة مصطفى ابوعمر مشاهدة المشاركة

لو مواصفات الشانا بيني دي حقيقية وهي فعلا سوزوكي ياباني بس تقفيل صيني ، يبقى كده تبقى عربية ممتازة، وأكيد بفرق السعر لصالحها يبقى هي تكسب المقارنة طبعا
استاذ مصطفى

شكرا على مرورك

المواصفات دى فعلا انا عرفتها من صالة العرض بتاعة الوكيل اللى فى شارع النزهة بعد دار الدفاع الجوى باتجاه عباس العقاد

وللمواصفات من موقع الشركة ادخل على الرابط ده

http://www.globalchangan.com/Passenger/260.shtml

بس انا مش عارف بصراحة امبارح كلمت واحد صاحبى بيفهم فى العربيات وانواعها وامكانيتها فقاللى بلاش الشانا وخليك فى الجيلى احسن عشان وكيلها غبور بس قاللى استنا شوية لحد ماتنزل السوق فعليا - لانها لحد دلقوتى الناس بتحجز ولسه محدش استلم - والناس تجربها وتظهر عيوبها

فانا مش عارف اعمل ايه بصراحة ماهى الشانا بردو الصيانة والضمان مع سوزوكى فانا محتار جداااااااااااااا
رد مع اقتباس
  #4  
قديم 11-09-2013, 12:07 PM
medoking2006 medoking2006 غير متواجد حالياً
 
تاريخ التسجيل: Jun 2010
المشاركات: 11
medoking2006 is on a distinguished road
افتراضي رد: افيدونى فى الاختيار بين الشانا بنى والجيلى باندا 2013

بس هى المقارنة صعبة بس بردوا1500 سى سى اغراء بصراحة بس كنت نفس حرتك بس حجزت باندا بس هقولك على حاجا انا جربت سواقة البندا كتير مع واحد زميلى فى الشغل العربية بصراحة بتجرى حلة اوى يعنى سحبها جميل اوى مش سحب عربية صينى ابدا وهى كمان اوسع من شانا من وجهة نظرى هى عملية اكتر بس شانا بردوا حلوة
رد مع اقتباس
إضافة رد

الكلمات الدليلية
اوتوماتيك, جيلى بندا, شانا بينى, سوزوكى, غبور

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:18 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017