محتار بين النترا / فلونس / كروز ارجو الافادة

[fadymedhat]

المشاركة الأصلية كتبت بواسطة iame_H الالنترا :- ثبات وحش بعد الـ120 ، الهاي لاين منها غالي الفلوانس :- الفتيس بتاعها بينزل بعيب من المصنع مبيتصلحش في التوكيل الكروز :- للأسف معرفش عنها كتير بس في حاجة صدمتني و هي قوة الموتور 107 حصان بس و ده شوية علي حجم العربية و أي إستفسارات تاني أنا في الخدمة

الموتور 107 حصان فى الكروز معقول مش وحش....الجيتا و الفانتازيا 102 حصان بس و زى الفل.....

[م/حسام محمد]

الفلوانس سيارة محترمة وجميلة وممتعة .. بالتوفيق ان شاء الله

[Hosam Hegazy]

المشاركة الأصلية كتبت بواسطة fadymedhat الموتور 107 حصان فى الكروز معقول مش وحش....الجيتا و الفانتازيا 102 حصان بس و زى الفل.....

مقارنة بموتور السيراتو و الإلنترا ضعيف لأن السيراتو 124 حصان و الإلنترا 130 حصان و ممكن فعلاً تكنولوجيا الموتور تكون أحسن من بتاعة الإنترا و السيراتو

المشاركة الأصلية كتبت بواسطة fadymedhat عيب ايه الى فى فتيس الفلوانس....انا معايا ميجان و فلوانس و الاتنين احسن من بعض و مفيش حاجة اسمها عيب فى الفتيس.....اسأل مجرب...

[Hosam Hegazy]

المشاركة الأصلية كتبت بواسطة a_fazwzy بص انا معايا فلوانس وظهر لي عيب وهو عند كل الناس بس محدش راضي يقولو مش عارف ليه ؟؟ العربية فيها نتشة عند الغيار من الاول للتاني في الفتيس الاوتوماتيك ومبيظهرش الا بعد ما العربية بتمشي شوية والفتيس يسخن , وفي التوكيل قالولي ان دا موجود في كل الفلوانس وبسبب حساس اسمه " سيلونويد فلف " وغيرهولي مرة واتنين ولسه العيب في العربية, هما بيقولولي وحلفولي ان العربية 100 % سليمة , بس انا شايف انها مزعجة جدا على عربية بالفخامة دي وبالسعر دا خصوصا ان التوكيل قمة الاحترام والتعاون والوضوح وعلى فكرة الموضوع دا قلته لكذا واحد من الناس الي كانت بتروح التوكيل وقالولي انه عندهم بس بيروح مع المدة , بس انا مش مقتنع , وانا شايف انه مابيرحش ولا حاجة الناس هيا الي بتتعود عليه خصوصا لان كل الناس الي بتركب العربية بتحبها ..... العربية اجمالا رائعة بصراحة تصميم ولون وااداء عيوبها اجمالا وبموضوعية الي انا شايف انك تركبيها لو قدرت تتعايش مع العيوب دي 1- عفشة خشنة جدا بس جامدة " ميزة وعيب " 2- تكييف ضعيف نسبيا بالمقارنة بالياباني والكوري 3-مشكلة التنتيشة الي في الفتيس الاوتوماتيك 4-قطع الغيار وسعر اعادة البيع سيئين غير كدة العربية كلها مميزات 1- شكل 2-فخامة - 3- توكيل محترم 4-مساحات واسعة جدة 5- اوبشنز مميزة وغير موجودة في سيارات كتير ولو موجودة فهي في رينو ليها طعم تاني لان ليهم لمسة فيها

دي كانت مشاركة من عضو هنا في المنتدي و ده لينك الموضوع :-
http://masrmotors.com/vb/showthread.php?t=40622&page=4

[Hosam Hegazy]

و ممكن تكون مشاكل فردية مش في كل العربيات مع إحترامي لرأيك