استهلاك البنزين للصني 2012 سوبر صالون

[spider_forever2007]

هو الشارطه تعمل كام لتر

[tareksakr]

سيدي الفاضل استمتع بسيارتك الجديدة بارك الله لك فيها من المتعارف عليه ان اي سيارة زيرو في فترة التليين يكون استهلاكها اعلي من المعدل الطبيعي ويقل الاستهلاك تدريجيا الي ان يصل الي المعدل الامثل بعد اول 3000 الي 5000 كم وطريقة حساب الاستهلاك تتم بملئ التنك تماما حتي الزور ثم اعادة الملئ مرة ثانية بعد التحرك مثلا لمسافة 100 كم او 200 كم في طريق مفتوح علي سرعة لا تزيد عن 100 كم ثم اعادة الملئ مرة اخري حتي الزور وحساب معدل الاستهلاك وشكرا

[sakrquraish]

شكرا لكل من اهتم بالرد و ان شاء الله حتابع الأستهلاك لحد اول 1000 كم

[ahmed_rahem]

دى مشاركة بتاعتى فى منتدى سيارات اخر عن قراية عداد الصنى واستهلاك البنزين لانى لما قريت المواضيع عنه اترعبت انما بعد القياس لقيتها طبيعية،

"السلام عليكم

استهلاكى للبنزين من يوم شراء السيارة صنى سوبر صالون 2011 - انا سكان فى 6 أكتوبر وشغلى على الطريق الصحرواى - كالتالى:-
ليتر / كيلو مقطوع / المتوسط (كيلو للتر) / اسلوب القيادة
- 30 / 380 / 12.6 / لسة فى التليين والتعود على السيارة السرعة لا تتعدى 80-90 واغلبها على طرق مفتوحة
- 33.5 / 318 / 9.5 / تشغيل التكييف على فترات
- 36 / 405 / 11.25 / تكييف وشد على خفيف
- 33 / 323 / 9.8 / تكييف وشد جامد
- 40 / 401 / 10 / تكييف وشد ووقف فى اشارات بس مش فترات كبيرة
- 37 / 383 / 10 / تكييف وشد ووقف فى اشارات بس مش فترات كبيرة
- 35 / 342 / 9.7 / مثل السابق
- 36 / 427 /11.86 / مثل السابق
- 36 / 290 / 8 / على سفر بس كان فى فترة شد وجرى جامد
- 26.5 / 370 / 14 / على سفر بسرعة لا تزيد عن 130 (متوسط 120)

متوسط الاستلاك على تلك الفترة 10.6 كيلو للتر وهو رقم جيد جداً على 1600 سى سى وكمان على الاشاعات الى بتتقال على الصنى واستهلاك البنزين.

والسلام ختام "

الفيصل، الصنى استهلاكها مقارب لجميع السيارات 1600 سى سى فى مصر - وليس افضلهم فرق الوزن والموتور-، ثانياً اسلوب القيادة بيفرق جامد (راجع الاستهلاك على السفر بشد ومن غير شد عمل فرق 5 كيلو للتر) كمان فترات التوقف الكتير فى الاشارات والتكييف. انا الحمد الله راضى عن الاستهلاك بتاعى حتى الان,

والسلام ختام

[sakrquraish]

ياجماعة ان الأستهلاك لحد دلوقتي 7.9 كم / 1 لتر