للرد على استفسارات الاعضاء والدعم الفنى لمالكى الفيرنا

[MR_GABER1]

السلام عليكم ورحمة الله وبركاته
بصراحة احب اعبر عن شكرى وامتنانى لهذا المنتدى واخص بالشكر الناس المحترمة اللى بترد على مشاكلنا وهم M.TONSY و MR speed .
زى ما سبق وضحت لكم ان عربيتى فيرنا 2010 كاملة مانيوال
ظهر عندى بعض مشكلات خفيفة بس مأرقانى وهى:
1- سماع صوت تزييقة فى الباب الشمال اثناء المطبات مش عارف من ايه.
2- الزجاج اليمين عند الرفع يجى قبل الآخر يعصلج ويترفع ببطء شديد بقى له فترة لدرجة ان الكاوتش على وشك يتاكل .
3- الظاهر حد شد الجريدة بتاعة الجنب عندى وكسر قواعدها ...بتتباع فين وبكام وهل بتكون بلون السيارة ولا محتاجة دهان
اشكركم فانتم أهل الخبرة والله سوف يجازيكم خيرا على نشر علمكم لهداية المحتاج اليه

[moneer_marco]

مساء الفل للخبرة الجميلة
انا معايا فيفا 2008 جابيها من الزيرو بالنسبة لسير الكاتينة الكتالوج موصي بتغييره بعد 84 الف كيلومتر او 4 سنوات ايهما اقرب ولأني مش بأمشي كتير بالعربية يعني العداد عامل للأن 39 الف كيلومتر فقط انا محتار لأن العربية ماشى اللاه عليها زي الفل فما هي اقصى فترة من اغير بعدها السير بناء على خبرة حضرتك وشكرا

[waelsalah]

الطلمبة شغاله عندى علطول وصوته عامل زى الطنين
والميكانيكي قالى لازم تفصل عند تشغيل الغاز
سالت بتاع صيانة الغاز قالى عادى الطلمبة بتفضل شغاله مع الغاز بس مش بتضخ بنزين ؟

ايه الصح من فضلكم ؟

وشكرا جزيلا

[Felefel Ahmed]

المشاركة الأصلية كتبت بواسطة moneer_marco مساء الفل للخبرة الجميلة انا معايا فيفا 2008 جابيها من الزيرو بالنسبة لسير الكاتينة الكتالوج موصي بتغييره بعد 84 الف كيلومتر او 4 سنوات ايهما اقرب ولأني مش بأمشي كتير بالعربية يعني العداد عامل للأن 39 الف كيلومتر فقط انا محتار لأن العربية ماشى اللاه عليها زي الفل فما هي اقصى فترة من اغير بعدها السير بناء على خبرة حضرتك وشكرا

السلام عليكم
بالنسبه لسير الكاتينه لازم تغيره لان ده روح السياره (بقالو حوالي 5.5 سنيين)
بالنسبه لموضوع ال4 سنوات او 84 الف ايهما اقرب ده تمام لاول سير اللي هوا الفبريكه لكن بعد كده منصحكش تعدي ال 40 ألف بيه
اولا كل قطع غيار الهيونداي اقل بمراحل من الفبريكه (علشان كده العربيه وقطع الغيار مش غليين)
نحسبها مع بعض السير بتاعك تقريبا 110 عقله الأصلي ب 120 الي 175 جنيه وتركيبه 20 الي 40 جنيه بس فى المقابل انت بتشتري عربيتك كل 40 ألف كيلو
انا عن نفسي مبجبش الأصلي وبجيب (بوش ألماني) بيعمل 220 جنيه بس الحمد لله مقصرش معايا ومره غيرته علي 52 الف

[Felefel Ahmed]

المشاركة الأصلية كتبت بواسطة MR_GABER1 السلام عليكم ورحمة الله وبركاته بصراحة احب اعبر عن شكرى وامتنانى لهذا المنتدى واخص بالشكر الناس المحترمة اللى بترد على مشاكلنا وهم M.TONSY و MR speed . زى ما سبق وضحت لكم ان عربيتى فيرنا 2010 كاملة مانيوال ظهر عندى بعض مشكلات خفيفة بس مأرقانى وهى: 1- سماع صوت تزييقة فى الباب الشمال اثناء المطبات مش عارف من ايه. 2- الزجاج اليمين عند الرفع يجى قبل الآخر يعصلج ويترفع ببطء شديد بقى له فترة لدرجة ان الكاوتش على وشك يتاكل . 3- الظاهر حد شد الجريدة بتاعة الجنب عندى وكسر قواعدها ...بتتباع فين وبكام وهل بتكون بلون السيارة ولا محتاجة دهان اشكركم فانتم أهل الخبرة والله سوف يجازيكم خيرا على نشر علمكم لهداية المحتاج اليه

السلام عليكم
1 - الباب مريح من مطب او حد سند عليه وهو مفتوح , واحد بتاع ببان هيعدله بأيده فى دقيقه واحده ب 5 جنيه
2- شيك علي قواعد الزجاج (اللي بترفع الزجاج) ممكن تكون مرحله حاجه بسيطه فالزجاج يحك في الكاوتش او ممكن يكون سير ماكينه الزجاج مريح وعايز يتشد
3- الجديد كله لون واحد (اسود) بس مش عارف بتتباع حتت ولا طقم كامل , ممكن لو عايز تشتري يكون ن أي حد بتاع مستعمل وهنا كما صعب تلاقى اللون بتاعك , انا شايف انك تروح لواحد بتاع فبر (مش سمكري) هو شغلته الكلام ده (لو اكصدام مدغدغ بيلحمه ويظبطه) هيلحملك كلبسات في الجريده من تحت ويركبها وولا تشتري ولا ترش (ومش هياخد 20 جنيه)