مساعدة في البيجو 405 الايراني (رؤا)

[moeltaher]

السلام عليكم يا شباب

انا عندي عربية 405 الايراني، عارف ان العربية مالهاش علاقة بالفرنساوي بس للاسف ادبست فيها

انا عايز اعرف فين الاقي قطع غيرها أو قطع الغيار اللي ممكن تركب عليها أو قطع غيار تتعدل علشان تنفع تركب عليها

انا عندي الحقيقة تلت مشاكل في العربية، علبة الدريكسيون بتجيب زيت ولازم تتغير تقريبا اسمها الاسكرتا )
ماستر الفرامل ورا يمين وشمال عايز اغيرهم

المساعدين بردو بايظين،

أرجو اى حد يقدر يساعدني لاني فعلا تعبت من العربية
تحياتي لكم وشكرا مقدما

[Hisham.Elgazzar]

كارز أدماير , حمدى مخترع مانيوال بدون دبرياج

[moeltaher]

مش فاهم ردك يا هشام

[احمد على 1999]

يمكن يقصد ان دول العضوين الخبرة فى الحاجات اللى زيى ديى

cars admire خبرة رهيبة فى العربيات و قطع الغيار خاصة العربيات النادرة و دا لينك صفحته و انا بعتله لينك موضوعك على الخاص
http://www.masrmotors.com/vb/member.php?u=67450

و العضو الاستاذ حمدى ميكانيكى عبقرى و بعتله لينك موضوعك على صفحته
http://www.masrmotors.com/vb/member.php?u=125994

المشاركة الأصلية كتبت بواسطة moeltaher السلام عليكم يا شباب انا عندي عربية 405 الايراني، عارف ان العربية مالهاش علاقة بالفرنساوي بس للاسف ادبست فيها احسن من الفرنساوى ومن حظك انك معاك عربية زى ديه !! قول الحمد الله !هو فى دلوقتى كتاين جنازير؟! ولا حتى سوست ورق خلفية؟! انا عايز اعرف فين الاقي قطع غيرها أو قطع الغيار اللي ممكن تركب عليها أو قطع غيار تتعدل علشان تنفع تركب عليها انا عندي الحقيقة تلت مشاكل في العربية، علبة الدريكسيون بتجيب زيت ولازم تتغير تقريبا اسمها الاسكرتا ) ماستر الفرامل ورا يمين وشمال عايز اغيرهم المساعدين بردو بايظين، أرجو اى حد يقدر يساعدني لاني فعلا تعبت من العربية تحياتي لكم وشكرا مقدما

فى تلات شقق جنب بعض دور ارضى فى شارع مصطفى النحاس بيبيعوا حاجة العربية دى ايرانى اصلى وبيستوردوا لحسابهم قطع غيار جديدة

بس انا للاسف معنديش العنوان تفصيلا ولا التليفون !
العربية بالكامل كميكانيكا هى هيلمان هنتر والجيل اللى قبل ما يتصدر لمصر من وجيه اباظة كان كربراتير وليس انجكشن !!

ماستر الفرامل الخلفى فى العجلتين هنغير له كاوتش فقط وده بيتباع بالمقاس فى محل بجوار هشام لهيطة للمساعدين 10 شارع زكى التوفيقية !لو مفيش مقاسها ممكن نركب لها بتاع ال 504 ال L أو ال GR او تويوتا كرسيدا 82!
يعنى كاوتش الماستر القديم لازم يكون معاك !!
المساعدين الاصلى مفروض بيتغير لهم اويل سيل بالمقاس من اويل سيل مصر فى شامبليون لازم القديم يكون معاك وبتشترى علبة زيت مساعدين من عند اى حد بتاع بيجو لاءن ال 505وال 504 بيستعملوا مساعدين بتتملى زيت واى عفشجى شاطر عارف الكلام ده !
لو المساعدين مش بيتملوا ونظام كبس يبقى محل هشام لهيطة للمساعدين ويكون معاك المساعدين الاتنين اللى عايزين يتغيروا وهو لو معندوش هيديلك البديل جديد !!
علبة الدركسيون او الاسكاترا هتصلحها عند فوزى حجاب اول مدخل شارع شامبليون على ايدك الشمال وانت داخل
شارع شامبليون من ناحية نقابة المحاميين !!


ده كربراتيرها ايام ما كانت عربيتك كربراتير
















يعنى الكربراتير بتاع المرسيدس ال 200 وال 190يركب عليها تمام كبديل ويتلغى الانجكشن تماما !! وترتاح من قلق السنسورات والحساسات ولمبة التشك والقلق ده !
وهتلاقى طبة لمكان الاسبراتير فى جسم الموتور وكمان طبة تانية علشان رداخ طلمبة البنزين الميكانيكية فى حالة التعديل لكربراتير !!







النظام اسمه استرومبرج كربراتير
وهنا متركب على محرك مرسيدس


ايه رائيك فى فوانيس الداتسون النصف نقل المستطيلين دول ؟!






ده بقى موتور عربيتك



ده ال hc


ده ال ohvg
طبعا هما الاتنين انجكشن !



ديه بقى البيكان اللى هى الهيلمان هنتر الايرانى









كل اساسيا ت القاعدة الميكانيكية لها هى نفس عربيتك كل الاختلاف ان عربيتك شبه البيجو من الخارج فقط !!

اهتم بتغيير زيت الفتيس والكارونة لاءنهم مش موجودين استيراد !!

ده موتور عربيتك





بلاش تغسل الموتور وبلاش ماية تلمس البوبينة !!




ده تقريبا نفس موتورك
لكن مع اختلافات بسيطة !


ديه بقى الهيلمان هانتر ايام الامجاد ومع ايام جزور كريزلر اوروبا طبعا ايام ماكان فى عربيات حقيقية بجد !!
طبعا فى ايران اسمها بايكان
hillman hunter







هو ده موتور عربيتك كربراتير

خود بالك من مكان مصب زيت الموتور للتاءكيد !!



بس ده كبوت البايكان او الهيلمان هنتر مش هتفرق !




قرط رباط كل خراطيم المياه الكوليهات كويس لانها بتسرب مياه و على فكره موضوع السخونية علاجة حاجة بسيطه جدا هى اخذ هواء من دورة التبريد لما المياه تنقص خالص او تلاقى ان الحرارة عالية عن الطبيعى
زى العربيات الرينو
صوت الونه اللى فى العجل الامامى مشكلته الكاوتش وشحم رولمانات البلى !
رنة عامود الكردان اللى على سرعة 60-70كم/ س ده مشكلته قواعد الموتور الناشفة هتطرى بعد فتره معاك
لو انت لسه مغيرهم جديد !
ضبط تاكيهات شواكيش اى ميكانيكى عادى يظبطها !!

الكاوتش يركب خلفى وامامى 185/70--13 بلاش 14 لان العجله اليمين خلفى هتحك معاك فى الكارتيره البلاستيك لانها مرحله من مكانها علشان خرطوم البنزين !ده لو هتركب جنوط اسبور !
ولو قدام حتعمل مشاكل مع الشداد اللى زى بتاع الفيات 132
قطع الغيار متوفرة
فى مصر الجديدة فى شارع دمشق روكسى كذا محل !

المحركات ديه محتاجة زيوت زات لزوجة وكثافة
عالية !! زيت موتور مناسب محترم وفلتر زيت نوعية جيدة وربنا يباركلك فيها والعربية ممتازةةةةةةة اوعى تفرط فيها !!