حكايتي مع حادثة موتوسكل ( واتصرفت إزاي )

انا كنت هموت واحد منهم من اسبوع كنت في فرح ابن خالي والاستاذ جي بالموتسيكل عكسي وحكلي العربية من الجنب

اجارك الله علي اللي كنت هعمله فيه محشنيش عنه غير فرح ابن خالي علشان كنت في مكان معرفهوش وكنت خايف اتوه عنهم

[mida012]

اختراع اسمة الطيار اسوأ وظيفة في مصر ودول بتوع توصيل الطلبات
مسميين نفسهم الطيارين حسبي اللة معندهمش ادني احساس بالمسئولية بيجروا ولا كان الشوارع فاضية وتلاقية يجي من جنبك ويقرب جامد عشان يعمل غرزة او يفادي حد وممكن خبطك او يحك فيك وتلاقية ياعيني واقف غلبان والناس تبصلك بقي اة مانت راكب عربية مقتدر بقي ياعم هتاخد فلوس من واحد شغال بالتبس اية مفيش رحمة خد عنك الناس معندهاش استعداد تقول كلمة حق لمجرد انا مخنوقة منك ياللي راكب عربية بالرغم من اني شقيان فيها واللة مش مامي ولا دادي دة حتي لو كدا طيب مهوا دادي ومامي اكيد شقيانين بردة المهم تلاقي نفسك ياروحي ممكن يلبسوك مصيبة وفعلا لو اتنرفزت او زعقت واتخانقت هتلاقيهم الناس الطيبين الكويسين فاجأة بقوا سفلة همج وانت بزعيقك بتحفز نقطة الغيظ والحقد والاحساس منهم ناحيتك بانك مبسوط ( يعني معاك فلوس وراكب عربية أأااا) وساعتها اتفرج علي المسلسلات افلام ومسرحيات واوعي وشك ممكن في لحظة عربيتك تولع ومتعرفش مين اللي عمل كدة وهوب كفاية كدا اعصابي باظت هههههههههههه

[ashussein]

المشاركة الأصلية كتبت بواسطة ابو هيما ألف حمد لله على سلأمتك وقدر الله وماشاء فعل ، بس على فكرة أنا اللى مضايقنى فى الموضوع أنك مش غلطان وكمان ربنا سهلهالك وأهل الولد أتصلحوا معاك وبالرغم من ذلك رحت أديت الوله الأمين 150 جنيه ،طب ليه!!!!!!!!!! وشوف أنت بنفسك بتقول أنك دخت السبع دخات عشان تجيب صورة المحضر ؟!!!!!!! يا أخى أعلم أن ما أصابك لم يكن ليخطك وما أخطاك لم يكن ليصيبك وكل شىء مكتوب يعنى كنت تسيب كل حاجة تمشى فى وضعها الطبيعى ومكنش ليه لزمة اللى انت عملته وتديه فلوس وده مبلغ مش قليل ، الموضوع أبسط من كدة بكتير وأهم حاجة فى الموضوع وربنا سبحانه وتعالى حلها لك من عنده وهى أن الولد بتاع الموتوسيكل بخير وأهله طلعوا كويس وتصالحوا معاك ،تقوم أنت تيجى بعد كده وتصعبها على نفسك ، مش منطقى طبعا لأن لو كان الولد بتاع الموتوسيكل حصله حاجة فماكنش أمين الشرطة ده هيسيبك والفلوس اللى أنت أديتهاله دى سمحنى ومتزعلش منى حرام عليك وذنب لأزم تستغفر ربنا عليه لأنك بأختصار رشيته ، أنا قولت لك متزعلش منى وسامحنى بس واجبى كمسلم يحتم عليه أقولك كده . وبعدين كده أو كده سواء غلطان أو مش غلطان شركة التامين لأزم تدفعلك وبرده سواء غلطان أو مش غلطان هايخصموا منك -شفت بقى ان كلها محصلة بعضها ومن حقك أنك كنت تعمل محضر أثبات حالة بدون أى فلوس واذا أعترض أمين الشرطة فتوجه للضابط وهو هايسعدك ( لأن زى ما فى ناس وحشة لسه برده فى ناس كويسة )، بس يظهر أنك ومعلش متزعلش منى تانى -طمعت أمين الشرطة أو بمعنى أصح هو حس وقراء فى عنيك أنك عندك أستعداد تدفع ؟!!!!!!!!!! عماتآ حمد لله على سلمتك وربنا يسللم طريقك وطريق الناس كلها وأرجو أن تتقبل مرورى .

السلام عليكم جميعا اخواني
تكملة القصة

اولا - بالنسبة لل 150 جنية اللي انا اديتها للامين ده ماكنش غير علشان اصلا يرضا ان العربية تفضل في مكانها عند مكان الحادث وانها ماتتحرزش في القسم لاني عارف لو حصل كده العربية (( هاتتصفي وتتسرق تماما عفوا داخل القسم )) كان فيها طفاية حريق وكاسيت وشنطه عدة وشرحة شنطة اسعاف وغطا عربية جلد وفرش جلد كل ده كان هايروح
ثانيا- دفعت ال 150 جنية علشان كنت ها ادفع للبنزينة اللي بعتتلي عربية النقل والرفع 80 جنية للساعة وماكنتش عارف اني ها افضل قد اية في القسم
ثالثا- انا مش سازج علشان ادفع شيء رغم ان ده حقي بس الحكمة (( كان لازم ادفع علشان يغير نوع المحضر من تهمه لسواق الموتوسيكل وانه قانونا لازم يحضر ويمضي عليه وبالطبع العربية والموتوسيكل ها يتحجزو وضياع وقت علي الفاضي واصلا الموضوع خلص بره القسم بالتراضي )) غير نوع المحضر الي (((((( ضد مجهول ))))) وانة كان امام (( سرايا القسم ))

دفعت فلوس علشان ارحم نفسي والعربية من ظلم (( القانون في ظل الظروف دي - شغلي اروحو إزاي -الاولاد ومدارسهم- تقريبا كل ده كان هايتوقف لغاية التالي

لازم- طبيب شرعي يشوف الواد ويحرر محضر انه سليم
لازم ظابط يعاين مكان العربية ويؤكد سبب الحادث
لازم العربية تتفرتك وتتساب بره القسم جنب اخواتها وتتسرق وفي النهاية استلمها بعد المعاينة

عرفتم بقا انا دفعت لية 150 جنية علشان اخلص في يومها رغم اني مظللللللوم

بدل ما اشتكي الوضع وضياع الوقت والمال والبهدلة (( ومن غير ما اخد حق حد بالرشوة ))
دفعت فلوس علشان الموضوع يمشي صح

[badawy66]

حمدالله على السلامة والحمد لله انها جت على خير . وربنا يستر طيقنا وطيقك ويبعد عنا وعنك اي شر .

[بدر بسيونى]

الف حمد لله على سلامتك واهم حاجة انك بخير وكمان بتاع الدليفرى وربنا يستر طريقك وطريقنا كلنا وتصرفك مظبوط جدا اسمحلى احييك عليه