استفسارات عام 2012

[ibrahimkellany]

ممكن حد يديني فكرة عن فيات 128 مع العلم أني أبحث عن سيارة أبدأ بها مشوار السواقة (أخوكم بيتعلم جديد) وكلما سألت أحدهم عن شراء سيارة قيل لي: اشتري حاجة تتعلم بها ولو حصلها حاجة تعرف تبيع نفسها.....
السؤال:
لو أنت نازل تشتري واحدة 128 هتدور فيها على أية (أهم حاجة فيها ) ؟

والسؤال للأستاذ سيف: لو حابب اشتريها مستعمل قسط وبحالة ممتازة بمقدم 10آلاف
أية المطلوب وكم سيكون القسط وعلى كم شهربما لا يقل عن 18 شهر ؟
وجزيتم خيرا

[طارق ابوذيد]

اذا كنت تبحث عن سياره تتعلم عليها قياده السيارات وتكون فى امان بفضل الله ارشح لك بلونيز

[mr_astra]

اهم حاجة فى الـ 128 هو الحوض
بامنة لو الحوض بتاع الـ 128 بالذات مرشوش اثر لحامات او خبطات او زراجين العربية بالفعل هاتتعبك اوى
.............هاتتعبك فى العفشة والكاوتش والكبالن
وتملى العربية دى من الشنطة على الكرتيرات بتكون وكلاها البارومة
تبص كويس اوى على الصدر والركب والكرتيرات
حاجة مهمة اوى هى القوايم الامامية لان منطقة القوايم دى تملها بتتكسر فى الـ 128 وخصوصا القايم اللى نحية السواق
افتح باب السواق وحركة لفوق وتحت وهو مفتوح وشوف العربية بتعمل اية معاك
ولو تقبل راى
الريتمو افضل منها كتير وبفلوس اقل وبموتور اقوى لكن سعرها كدة هانعمل اية !!!!!!!!!!!

[طارق ابوذيد]

أقرأ هذا الموضوع وان شاء الله تستفيد منه .
بسم الله الرحمن الرحيم . كيف تفحص سياره عند شرائها من وجهه نظرى البسيطه . اولا : قبل ان اتفرج على السياره من الداخل اتفرج عليها من الخارج افحص فروقات الابواب ثم فروقات الرفارف من الامام من عند الرفرف مع الكبوت ثم الرفرف مع الابواب الاماميه هذه الفروقات كلها فى السيارات الفيات تكون من 3 ملى الى 5 ملى حد اقصى وتكون كل هذه الفروقات على مستوى واحد وذلك لضمان قياس السياره السليم من الخارج ثم النظر من الخلف الابواب الخلفى مع الرفارف الخلفيه فأذا لاحظت ان الفرق ضيق فهذا معناه ان السياره مكبوسه من الخلف واذا لاحظت ان الفرق اوسع من الازم فهذا معناه ان هذه السياره مغيره رفارف خلفى ولم تركب على المقاسات الاصليه للسياره . ثانيا : افتح كبوت السياره على سبيل المثال سياره 128 انظر على حرف الرفرف من فوق فأذا لاحظت ان بها اى لحام نحاس وعليه دوكو فهذا معناه ان هذه السياره مغيره رفرف اما تركيب الرفرف الاصلى يجمع عن طريق مكن ضغط على شكل النغزه على مسافه 5 سم فرق بين كل نغزه والثانيه . ثالثا : انظر على رأس الكرتيره المكان الذى يركب به المساعد من فوق مهذه الكرتيره بها حرف مثل المسطره من الجانبين ويجب ايضا ان لايكون بها اي لحام لانها تركب ايضا مثل الرفارف عن طريق مكن ضغط فستلاحظ نغز فى حرف الكرتيره ايضا على ابعاد متساويه كل 5 سم وبعد ذلك انظر فى اخر الكرتيره من اسفل على فرده الشاسيه يجب ان تكون مسطره ولايوجد بها اى لحام حتى اخر فرده الشاسيه يوجد قفل الفبريكه ايضا يجمع عن طريق مكن ضغط . رابعا : كيف افرق بين الدوكو الاصلى للسياره او بمعنى اخر رشه او فبريكه . السياره عندما ترش الدوكو فى المصنع لا يرش على اى معجون نهائى ثم بعد ذلك انظر على سلوك الكهرباء او على اى مسمار او اى شئ راكب داخل حوض السياره يجب ان لا يكون عليه اى نوع من الدوكو نهائى حتى اضمن ان هذا دوكو المصنع . وطبعا هذا كله فحص اولى ثم بعد ذلك افحص الموتور . فى اسفل الموتور يوجد خرطوم يسمى خرطوم الفايظ اكتم هذا الخرطوم لمده دقيقه ثم ارفع عنه اصبعك ولاحظ بعد ذلك فأذا خرج اى دخان حتى لو بسيط فهذا معناه ان هذا الموتور ضعيف جدا وسيريد عمره عن قريب . اخيرا ارجو ان اكون استطعت الافاده لأى شخص بيشترى سياره مستعمله والسلام عليكم ورحمه الله وبركاته .

[Hisham.Elgazzar]

المشاركة الأصلية كتبت بواسطة mr_astra اهم حاجة فى الـ 128 هو الحوض بامنة لو الحوض بتاع الـ 128 بالذات مرشوش اثر لحامات او خبطات او زراجين العربية بالفعل هاتتعبك اوى .............هاتتعبك فى العفشة والكاوتش والكبالن وتملى العربية دى من الشنطة على الكرتيرات بتكون وكلاها البارومة تبص كويس اوى على الصدر والركب والكرتيرات حاجة مهمة اوى هى القوايم الامامية لان منطقة القوايم دى تملها بتتكسر فى الـ 128 وخصوصا القايم اللى نحية السواق افتح باب السواق وحركة لفوق وتحت وهو مفتوح وشوف العربية بتعمل اية معاك ولو تقبل راى الريتمو افضل منها كتير وبفلوس اقل وبموتور اقوى لكن سعرها كدة هانعمل اية !!!!!!!!!!!

لو عاوز 128 ميكونش فيها الحجات دى هتبقى غالية هتعدى ال17 بس هى عموما متاهاتها كتير ومهما كانت متوضبة وقوايمها زى الحديد برضو هتفتح
الأونو ممتازة - الإكسيل - أو اللادا لو بتحب الشرقى وطبعا حبيبة قلبى البولونيز أو الـ131