رد: تويوتا افينسس من داخل التوكيل (حازم خضر)
شكرا أستاذ حازم .... العربية رهيبة وفيها تكنولوجيا عالية جدا كفاية الموتور الجديد ومافيش اصلا 1600 اوتو والموتور ده يصنع هو وال 1800 فى مصنع تويوتا انجلترا اما الباقى بيصنع فى مصانعهم فى بولندا ويتم بيعها للسوق الأوروبى بديلا للكامرى لخلق سعر تنافسى مع المنافسين لانها اصغر من الكامرى واكبر طبعا من الكورولا...والعربية دى منافسيها الحقيقيين فى اوروبا (مش مصر المحروسة) هم الباسات والمونديو وانسيجنيا (الفكترا زمان) مش الجيت ولا فانتازيا (مع احترامى الكامل لهم) وتم تصنيعها منذ يناير 2009 يعنى نازله عندنا بعد سنة و8شهور وفاضل سنة وشوية وينزلوا ال facelift بالتعديلات سواء الشكل او العفشة....الواضح ان التوكيل مستهبل شوية فى السعر ولازم ينزل جامد لو عاوز يبيع لأن الكل يقول طب اروح اخذ بى ام واسمها تكنولوجيا المانى بس ناسيين سعر وتكلفة الصيانة (كفاية الكاوتش الطقم لوحده كاوتش بس من غير جنوط 14 الف غير المصنعية والتركيب والترصيص والذى منه وبيتغير عند 40 الف كم (صحيح هى البى ام 316 بتتجمع فين وموتورها ده اللى ما بينزلش غير فى مصر بيصنع فين ؟) ... صحيح هى فيها حاجات تستاهل (VSC) وكمية كماليات حلوة بس ممكن يكون سعر 234 سعره الحقيقى ينزل يبقى 204 بس هما عاوزين شريحة معينة من العملاء يركبوها ومركزين مع الكرولا واليارس.....وعجبنى جدا شعار حملة الشباب (خليها تصدى وموديلها يعدى) زى الفكترا عند منصور كده عمل نفس الحكاية وغالى فى سعرها اول ما نزلت ودلوقتى انسيجنيا (فكترا سابقا) تصنع منذ يناير 2009 (مع نفس توقيت افنسيس) وانسيجنيا اخذت احسن سيارة اوروبية عام 2009 وقت نزولها ومنصور مستهبل وبيحاول يخلص مخزونه الراكد (عربية مصنعة حتى فى احسن حال ديسمير 2008 تباع فى شهر 9/2010 على انها زيرو ده حتى كاوتشها شقق من كتر الركنة والمساعدين نشفت...حرام اللى بيحصل فينا ده....يا ترى سعرها حيبقى ايه لو نزلت مصر بنفس كماليات افنسيس ؟
التعديل الأخير تم بواسطة massoh ; 14-09-2010 الساعة 11:28 AM
|
31-08-2010, 04:13 AM
