سؤال عن تغيير لون السيارة في الرخصة

[wadiabkar]

السلام عليكم
اشتريت منذ شهرين سيارة رينو لوجان أوتوماتيك
وفي الإيصال الذي حصلت عليه من الشركة عقب الشراء مكتوب أن لون السيارة "فيراني"، ويوم استخراج الرخصة وجدت في أوراق السيارة الأصلية أن اللون "رمادي"، وبعد تسلم الرخصة وجدت أن اللون المكتوب "أسود" فتناقشت مع مندوب الشركة فأخبرني أن من يقوم بالفحص هو من يحدد اللون.
مع العلم أن اللون "فيراني" أقرب إلى الأسود فعلا، درجة غامقة من الفيراني.
فهل يسبب ذلك أي مشكلة؛ خصوصا عند تجديد الرخصة أو عند البيع؟
ولكم الشكر والتقدير

[ahmed el gendy]

لا طبعا مشكله ونص كمان يعني ايه اللي بيعمل الفحص هو اللي بيحدد اللون العربيه ورقها مكتوب فيه فيراني تبقي فيراني مكتوب فيه اسود يبقي اسود ازاي بقدره قادر الفيراني بقي اسود يعني روح واتخانق ولازم تغير اللون ف العربيه لان كده العربيه تعتبر مغيره لون يعني تبيعها بنص تمنها غير ان لما تيجي تعمل الفحص المره الجايه واحد تاني ممكن يعمل لك الفحص ساعتها هيلاقي اللون غير اللون اللي ف الرخصه يبقي العربيه ملعوب في لونها وساعتها ممكن يصادر العربيه منك والكلام ده ممكن يحصل لك ف اي لجنه مرور ع الطريق
روح غير اللون والحق نفسك لان دي ناس تخاف متختشيش ومش بيراعوا ربنا ده حقد طبقي يا باشا واللي يقولك الموضوع بسيط وصغير لالالا مش بسيط خااالص ده كده حته امين شرطه مش معاه ابتدائيه ياخد منك العربيه ع الطريق ويلففك السبع لفات عشان تاخدها تاني
انا بصراحه مش عارف انت ازاي صدقته اما بتوع المرور عليهم حركات انا برده المهندس كان عاوز يكتب لي الشامبين فيراني ولما اتخانقت معاه ووريته عربيه كابتيفا شيفروليه فيراني كانت بترخص معايا برده قالي دي فيراني تقيل ودي فيراني خفيف قلت له الفيراني الخفيف ف ورقها اسمه شامبين ولما لقاني فاهم وباتخانق لم نفسه

[wadiabkar]

المشاركة الأصلية كتبت بواسطة ahmed el gendy لا طبعا مشكله ونص كمان يعني ايه اللي بيعمل الفحص هو اللي بيحدد اللون العربيه ورقها مكتوب فيه فيراني تبقي فيراني مكتوب فيه اسود يبقي اسود ازاي بقدره قادر الفيراني بقي اسود يعني روح واتخانق ولازم تغير اللون ف العربيه لان كده العربيه تعتبر مغيره لون يعني تبيعها بنص تمنها غير ان لما تيجي تعمل الفحص المره الجايه واحد تاني ممكن يعمل لك الفحص ساعتها هيلاقي اللون غير اللون اللي ف الرخصه يبقي العربيه ملعوب في لونها وساعتها ممكن يصادر العربيه منك والكلام ده ممكن يحصل لك ف اي لجنه مرور ع الطريق روح غير اللون والحق نفسك لان دي ناس تخاف متختشيش ومش بيراعوا ربنا ده حقد طبقي يا باشا واللي يقولك الموضوع بسيط وصغير لالالا مش بسيط خااالص ده كده حته امين شرطه مش معاه ابتدائيه ياخد منك العربيه ع الطريق ويلففك السبع لفات عشان تاخدها تاني انا بصراحه مش عارف انت ازاي صدقته اما بتوع المرور عليهم حركات انا برده المهندس كان عاوز يكتب لي الشامبين فيراني ولما اتخانقت معاه ووريته عربيه كابتيفا شيفروليه فيراني كانت بترخص معايا برده قالي دي فيراني تقيل ودي فيراني خفيف قلت له الفيراني الخفيف ف ورقها اسمه شامبين ولما لقاني فاهم وباتخانق لم نفسه

تسلم يا باشا على الاهتمام، يعني المطلوب أن أ>هب إلى المرور، يعني هندخل في فحص مرة أخرى وملفات وشبابيك .. إلخ
أم سيكون الإجراء بسيطا؟
بصراحة مرور فيصل من أسوأ المرور اللي في مصر.

عبد الله

[damdam41]

فعلا دى مشكلة و لازم تروح تعدل اللون
انا كانو عاوزين يعملو اللون بترولى علشان ورق العربية مكتوب فيه كده و العربية نبيتى بس خدوا قرشين و خلوها نبيتى

[ahmed el gendy]

المشاركة الأصلية كتبت بواسطة wadiabkar تسلم يا باشا على الاهتمام، يعني المطلوب أن أ>هب إلى المرور، يعني هندخل في فحص مرة أخرى وملفات وشبابيك .. إلخ أم سيكون الإجراء بسيطا؟ بصراحة مرور فيصل من أسوأ المرور اللي في مصر. عبد الله

بصراحه مش عارف الاجراءات ايه بس انا شايف انك تتعب يومين احسن ما تخسر ف العربيه نص تمنها لما تيجي تبيع وروح هناك واسأل وان شاء الله ولاد الحلال يساعدوك هناك