رحلة الى الاقصر واسوان ...تقرير متكامل بالتفاصيل والصور والفيديو والاسعار (الجزء التانى)

[مصطفى-حسن]

السلام عليكم ورحمة الله

دة الجزء التانى من رحلتى الى الاقصر واسوان
ولو انت مش متابع دة رابط الجزء الاول

http://www.masrmotors.com/vb/showthread.php?t=136641

لكن لو انت متابع يبقى كمل قراية

فى اليوم التالت قررت الذهاب الى البر الغربى لزيارة وادى الملوك وهو عبارة عن وادى او منطقة ممرات اختارها ملوك الفراعنة لدفن انفسهم فيها فى مقابر تحت مستوى سطح الارض فى باطن الجبل

ودى معلومات كاملة عن الوادى فى الرابط دة

ظˆط§ط¯ظٹ ط§ظ„ظ…ظ„ظˆظƒ - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط©

طريق الوصول لية سهل لو انت معاك العربية هتاخد كوبرى الاقصر اللى على النيل وتعدى علية طوالى وفى نهايتة هتلاقى اتجاة اجبارى يمين ويسار
هتاخد اليمين وتفضل ماشى علطول مسافة حوالى 8 او 10 كيلو لحد ما تلاقى كمين نقطة شرطة القرنة هتخش شمال فى الشارع الواسع وهتمشى بتاع كيلو ونص لحد ما توصل التقاطع اللى بيسموة
التفتيش ودة فية شبابيك لقطع التذاكر بتاعة معبد الرامسيوم ومدينة هابو

هتاخد يمين لحد ما توصل الصينية وتاخد الصينية شمال فى الطريق المتعرج لحد ما تلاقى نفسك فى الباركن بتاع وادى الملوك ودى خريطة الطريق




الطريق كلة بياخد اقل من نص ساعة .............ووصلت عند الطريق المتعرج اللى بيدخلك على وادى الملوك




وصلت الباركن وركنت العربية




ودخلت على الصالة الرئيسة




ولقيت فى نصها ماكيت معمول لوادى الملوك بالكامل




عشان تفهم الماكيت دة انا هشرحهولك
لخطوط السوداء التخينة والرفيعة دى الممرات بتاعة وادى الملوك
والنقط السودا دى مداخل المقابر
والجزء الشفاف العالى والواطى دى تضاريس الجبل والوادى اللى احنا فية

وعشان تفهمها اكتر انا هحط لك صورة من مكان عالى عشان تستوعب وهتلاقى فيها الممرات اللى بنمشى فيها ومداخل المقابر





نيجى بقة لصورة الماكيت من تحت




وبردو عشان تفهمة
الحاجات اللى نازلة منة لتحت زى ما تكون مواسير مربعة ولكنها متعرجة هيا فى الحقيقة المقابر

وعشان تبقى متخيل النسبة والتناسب فى الماكيت هقولك ان المواسير المربعة اللى انت شايفها دى احنا بنمشى فيها وارتفاعها تقريبا 3 متر وعرضها حوالى مترين الى مترين ونص
عشان تبقى متخيل حجمها
والفراغ اللى حواليها دة هو باطن الجبل وهو مصمت طبعا لكن الماكيت سايبة فراغ عشان تشوف تصميم كل المقابر

يعنى من الاخر الماكيت من تحت عبارة عن صورة لبطن الجبل


بتطلع من الصالة بتلاقى طفطف بتقطع لة تذكرة ب 2ج بياخدك من عند الصالة الرئيسية يوديك عند مكان قطع التذاكر

والصورة اللى جاية صورة الطفطف
والفيديو اللى بعدها تصوير المسافة ما بين الصالة الرئيسية ومكان قطع التذاكر

[نبيل عبدالرحمن]

ما زلنا متابعين رحلتك العظيمه لزيارة أرض الأجداد والتى لم يزرها الكثير مع الأسف لكننا هنا ومع موضوعك الجميل فكأننا نزورها ونتمتع بالمعلومات الهامه التى تكتبها لنا

[Marlborooo]

شكراااااا ليك علي الموضوع المميز جداا
ومستني الجزء الثالث

[مصطفى-حسن]

المشاركة الأصلية كتبت بواسطة نبيل عبدالرحمن ما زلنا متابعين رحلتك العظيمه لزيارة أرض الأجداد والتى لم يزرها الكثير مع الأسف لكننا هنا ومع موضوعك الجميل فكأننا نزورها ونتمتع بالمعلومات الهامه التى تكتبها لنا

بارك اله فيك يا استاذ نبيل

المشاركة الأصلية كتبت بواسطة Marlborooo شكراااااا ليك علي الموضوع المميز جداا ومستني الجزء الثالث

العفو اى الفاضل ومكمل معاكم ان شاء الله

[nktis]

شكرااا ليك علي الموضوع الرائع لوادي الملوك و جزاك الله خيرااا علي المعلومات , فعلا الفراعنه لغز لم يحل سواء المعمار او الطلاء الباقي ليومنا هذا .؟؟؟!!!!!.