اصلاح الحوادث بمركز المتحدة لصيانة السيارات الحديثة

[محمود حسين المتحدة]

بسم الله الرحمن الرحيم

السلام عليكم ورحمة الله وبركاته


قبل اى شىء ربنا يكفينا جميعا شر الحوادث بجميع انواعهالكن فى سؤال بيفرض نفسه على اى حد بيعمل حادثة بعد الاطمئنان طبعا على ركاب السيارة وايضا الاطمئنان على كل من تعرض للخطر من الناس فى الحادث بيكون السؤال هو اصلح العربية دى فين وبيكون الاختيار صعب مابين التوكيل بتاع العربية وما بين الورش الصغيرة يعنى ( ورشة سمكرة وورشة دهان وورشة كهرباء وورشة ميكانيكا وورشة سروجىوورشة تكييف )
( طبعا عدد الورش بيكون على حسب حجم الحادث )
وكل اختيار بيكون ليه مزاياه وعيوبه . ولو هتسمحولى انا ممكن اجتهد فى انى احاول ابرز العيوب والمزايا لكل اختيار على حدة الاصلاح فى التوكيل :
المزايا :
· التوكيل اهم ميزة فيه انه عنده ناس عملت الموضوع ده كتير والعمالة مدربة وعنده كل الامكانيات اللى تخليه يطلعك العربية مظبوطة بجد .
· انه بيتم اصلاح السيارة بشكل كامل فى مكان واحد .
· توافر جميع قطع الغيار فى المكان
العيوب :
· طبعا الاسعار بتكون مبالغ فيها فى كل شىء سواء قطع الغيار او المصنعيات او حتى سعر المقايسة عشان يحدد كام التكلفة .
· الوقت الكبير بدون قبول اعتراض من العميل
· عدم توافر مبدأ الاصلاح يعنى كل حاجة اتخبطت لازم هتتغير
الاصلاح فى الورش :
المزايا : الاسعار هتكون اقل من التوكيل فى كل شىء
العميل يقدر يشترى قطع الغيار براحته يعنى ممكن يجيب استيراد او حتى جديد بس بسعر معقول مش سعر توكيل
العيوب :
· حجم المهازل اللى ممكن تحصل نتيجة اصلاح العربية مع مجموعة ورش كبير لانه الاسطى الميكانيكى فك الحاجة من العربية وسابها عند السمكرى ولما جه وقت التقفيل مثلا الحاجة فى منها حاجات ضاعت عند السمكرى او نفس الشىء مع الكهربائى
· الوقت الكبير اللى بيضيع مابين انتظار الصنايعية وانه يكون حد منهم فاضى عشان يروح للتانى فى ورشته يعمله حاجة العربية واقفة عليها ده ممكن يضاعف وقت الاصلاح لدرجة انه الواحد ممكن يبئة كل همه انه ياخد العربية حتى لو مش مظبوطة
· تغير الاتفاق فى المصنعيات احيانا بس ده طبعا مع الصنايعية اللى مش محترمة والكلام ده مش معناه كل الناس بس للاسف فى كتير كدة
· الاتفاق على الوقت والتكلفة بيكون مع عدد من الناس بعدد الورش اللى محتجاها العربية
طبعا كلامى مش منطبق على كل التوكيلات ولا على كل الورش والصنايعية
يعنى فى توكيلات للاسف مش محترمة وممكن تاخد من عندهم عربية مش مظبوطة بس دى التوكيلات اللى بيكون عندها مشاكل ادارية داخلية وبردوا فى صنايعية محترمة بجد واصحاب ورش كلمتهم واحدة وبيعرفوا ازاى ينظموا نفسهم
طب الحل ايه ؟؟؟؟؟؟؟؟؟
الحل من وجهة نظرى هو انى لو لاقدر الله اتحطيت فى موقف زى كدة اختار اتعامل مع مركز صيانة يكون فيه
1 - كل اقسام الصيانة تحت سقف واحد ( ميكانيكا وعفشة وسمكرة ودهان وكهرباء وتكييف )
2 – مركز ذو سمعة طيبة تكون سمعته المهنية والمالية والتعامل مع العملاء على اعلى مستوى
3 – اشترى قطع الغيار بنفسى واختار ما بين الاستيراد والجديد ومعايا ناس بتساعدنى فى المعلومات وعندها الخبرة
4 – اتفق على الوقت والمصنعيات من اول دقيقة وطبعا بانه ادارة واحدة لكل الاقسام فسيكون الاتفاق واحد .
5 – بالنسبة للاسعار بتكون اسعار اعلى قليلا من الورش بس طبعا اقل بكتيرررر من اسعار التوكيلات
والحقيقة كل اللى انا قولته فى النقط السايقة من 1 : 5 كل موجود ومتوفر بشهادة عدد كبير جدا من العملاء بالنسبة لمكان واحد اسمه مركز المتحدة لصيانة السيارات الحديثة
وعلى سبيل المثال اسمحولى انى اعرض على حضراتك احد مرات الاصلاح لسيارة حادثة على وعد باضافة العديد من الصور لمرات الاصلاح
ودى صور لحادثة لانسر مقلوبة عدة مرات والحمد لله كل من كان راكب فيها كلهم بخير بفضل الله

الصور قبل وبعد الاصلاح

واخيرا يارب مايكتبها على اى منا

[محمود حسين المتحدة]

فى انتظار استفسارتكم وتعديلاتكم

[mhamdy75]

ماشاء الله والله أكبر

حاجة فوق الممتاز

وسؤالى ايه اللى تم تغيره

وايه اللى تم استعداله

[محمود حسين المتحدة]

المشاركة الأصلية كتبت بواسطة mhamdy75 ماشاء الله والله أكبر حاجة فوق الممتاز وسؤالى ايه اللى تم تغيره وايه اللى تم استعداله

شكرا على التحية بشمهندس محمد ... وبصراحة كان نفسى فى السؤال ده لانه فعلا ضرورى ...
بص ياباشا العربية دى عدت على اتنين سمكرية قبل لما تيجى عندنا - وعلى فكرة هى من البحر الاحمر طرف عميل قديم للاسطى وائل وهو اللى نصح ان العربية تنزل مصر وتتعمل عندنا والحمد لله لم نخزله - المهم كان الكلام فى نصف خلفى وسقف ده واحد .. والتانى قال عايزة نصف خلفى . انا طبعا بتكلم على المهم
ولكن خلينى اقولك وبما يرضى الله العربية دى غيرت فقط الكبوت والرفرفين الاماميىن والكابوت ده كان اساسى بالنسبة لينا والرفرفرين انضموا ليه لان السيارة كانت عاملة حادثة قبل كدة وفيها شغل معمول غلط فى الشاسيه وكان عشان تطلع العربية دى فعلا 100 % تم تغير الرفرفين الامامين والكابوت حتى يكونوا بمثابة دليل للسمكرى عشان يظبط فعلا العربية 100 %

شكرا على الاستفسار واتمنى انى اكون وفقت فى الاجابة

[mhamdy75]

المشاركة الأصلية كتبت بواسطة محمود حسين المتحدة شكرا على التحية بشمهندس محمد ... وبصراحة كان نفسى فى السؤال ده لانه فعلا ضرورى ... بص ياباشا العربية دى عدت على اتنين سمكرية قبل لما تيجى عندنا - وعلى فكرة هى من البحر الاحمر طرف عميل قديم للاسطى وائل وهو اللى نصح ان العربية تنزل مصر وتتعمل عندنا والحمد لله لم نخزله - المهم كان الكلام فى نصف خلفى وسقف ده واحد .. والتانى قال عايزة نصف خلفى . انا طبعا بتكلم على المهم ولكن خلينى اقولك وبما يرضى الله العربية دى غيرت فقط الكبوت والرفرفين الاماميىن والكابوت ده كان اساسى بالنسبة لينا والرفرفرين انضموا ليه لان السيارة كانت عاملة حادثة قبل كدة وفيها شغل معمول غلط فى الشاسيه وكان عشان تطلع العربية دى فعلا 100 % تم تغير الرفرفين الامامين والكابوت حتى يكونوا بمثابة دليل للسمكرى عشان يظبط فعلا العربية 100 % شكرا على الاستفسار واتمنى انى اكون وفقت فى الاجابة

تم تغيير

كابوت ورفرفرين فقط

الله أكبر

لو أى سمكرى هايغير الصاج كله

بجد كل يوم يزداد اعجابى

بالمتحدة